Bimba

kveðjur

2007-01-19T09:45:00.000-08:00

Kæru (blogg)vinir nú er k omið að leiðarlokum og mál að þessu fari að linna. ÉG NENNI EKKI AÐ BLOGGA LENGUR!!!!!!!!!!!!!!! Svo nú hætti ´eg. Takk fyrir mig sérstaklega ykkur sem komuð með ath.semdir að ég tali nú ekki um þegar ég var í Svíþjóð og hafði mikla þörf fyrir að heyra frá ykkur. ÁÐur en ég hætti vil ég bara segja ykkur að það er allt svosem bara ágætt að frétta -miðað við aldur og fyrri störf. Allt ennþá í óvissu með vinnumálin og það er miður. Algjört limbó. EN það eru margir sem eiga við erfiðleika að stríða og sumir eru líka á hálum ís............. eins og t.d. Guðmundur í Byrginu. Miðað við hann er ég nú í góðum málum það sér hver maður!!! Hafið það alltaf sem best. kærar kveðjur Ingibjörg/Bimba

2006-12-29T09:19:00.000-08:00

nú er kúfurinn af jólunum búinn og allir útreyktir eftir allt hangikjötið og hamborgarahryggina nema kannski þeir sem borða rjúpu. Við erum búin að hlusta á rjúpu söng Baggalútsmanna yfir öll jólin og það liggur við að hann slái út "ein er upp til fjalla yli húsa fjær". Þetta snertir streng í brjóstum viðkvæmra eins og t.d. hjá mér. Ég er búin að fjárfesta í bók sem heitir "fyrst ég gat getur þú líka" þetta er sjálfhjálparbók um hvernig maður hættir að ..... tja t.d. að borða rjúpu eða blogga. Ég geri það um hver áramót en byrja alltaf aftur. Nú ætla ég að taka þetta föstum tökum. En ég held það sé sjálfgert því það er e-ð að helv. blogginu ég skrifa og skrifa en það kemur ekkert svo allt í einu birtist heil lína löngu eftir að hún er skrifuð - mjög óþægilegt. Þekkja lesendur þetta vandamál?? Nú er ár síðan ég sat kófsveitt við að skrifa hátíðarræðuna fyrir 68 ballið á hótel SÖgu og ég var búin að lofa að birta hana hér á blogginu en gerði það aldrei svo aðdáendur mínir bíða spenntir og búnir að bíða í heilt ár. Ég held það sé við hæfi að ljúka árinu með því að birta valda kafla.................... gjöriði svo vel: Kaflar úr ræðu á 68 ballinu.:

Það má segja að við höfum uplifað miklar breytingar. Þeir sem eru af hinni raunverulegu 68 kynslóð muna tímana tvenna.Við munum eftir því þegar hápunktur vikunnar var barnatímimnn á sunnudögum, flesta daga vikunnar var fiskur í matinn og lambalæri um helgar Það sem var hvað mest framandi var saxbauti úr dós (Hvað sem það var nú)
Það var ein útvarpsstöð Við hlustuðum á lög unga fólksins einu sinni í viku þátturinn stóð yfir í rúman hálftíma á þriðjudagskvöldum ef ég man rétt og styttist ef það var mikið af tilkynningum eða auglýsingum eins og fyrir jólin. Á laugardagskvöldum var dagskrár liður sem var kynntur einhvern veginn svona. ‘Utvarp Rreykjavík -Nú verða leikin danslög af plötum ýmsir listamenn spila. Þá hlustuðum við í von um að það slæddist eitt og eitt bítlalag inn á milli þess að Karl Jullarbo sveiflaði nikkunni af mikilli snilld. og þýskir listamenn spiluðu lög frá ýmsum löndum.
Það var því fjör í kringum fóninn þegar þulurinn tilkynnti þurrlega að nú myndu bresku bítlarnir leika og syngja syrpu af lögum – það var alveg toppurinn

Einstaka stóreignamenn áttu plötuspilara og plötur en algengast var að fólk ætti ferðaútvarpstæki af gerðinni Nordmende sem í þá daga var algeng fermingargjöf.
Sjónvarp var ekki til nema kanasjónvarpið sem var inni á einstaka heimilum og það þótti mikið sport að komast einhvers staðar í að horfa á Bonansa eða Ed Sullivan sjóið.
Þá voru mjólkbúðir og við fórum mrð brúsa út í mjólkurbúð og afgreiðslustúlkan veiddimjólkina upp úr stórum mjólkurbrúsum og pakkaði skyrinu inn í smjörpappír
Krakkar fóru út í búð með net og miða í buddu sem þau réttu kaupmanninum sem afgreiddi vörurnar OMO þvottaduft, camelsígarettur og 1313 sápu . Og hann var oftast svona þjónbustulipur týpa vatnsgreiddur í hvítun slopp Þá hétu búðirnar í vesturbænum brekka, Straumnes, Sunnubúð eða Pétursbúð
Við munum þegar það voru hvít jól og
þegaríslendir námsmenn erlendis sendu jólakveðjur heim blindfullir og klipu börnin sín og þvingu ðu þau til að muldra e-r kveðjuorð til afa og ömmu
Sumir fóru í siglingar eins og það var kallað nokkrum sinnum yfir ævina, og þá var ætlast til að fólk yrði sólbrennt ef það fór til útlanda HVA varstu í Danmörku og ert ekkert brún. Hvað keyptirðu- Þá gat sá hinn sami fengið uppreisn æru ef hann hafði keypt e-ð spennandi. Og þeir sem fóru í siglingar voru iðulega benir a að kauupa hitt og þetta fyir vini og ættingja.
Ég man eftir að hafa séð bréf sem mamma mín skrifaði pabba þegar hann var í útlöndum. Þá var hún greinilega búin að senda honum innkaupalista en þetta var bara smá viðbót: Svo ætla ég að biðja þig að kaupa gúmmístígvélin á krakkana, ljósbláar buxur nr 16 með uppábroti og spæl að aftan fyrir hana Önnu Á 10, og dekk undir fíatinn hans pabba svo biður Jón bróðir þig að kaupa fyrir sig einn bjórkasssa.

Skólaböll voru haldin 2 á vetri og þau voru kölluð dansæfingarnar – Þá voru litlar hnellnar stelpur með túperað hár og stór brjóst í tísku og við þessar löngu mjóu flatbrjósta stúlkur stóðumn í röðum í felldu pilsunum okkara og peysusettum og biðum þess að einhver strákurinn mundi slysast til aðbjóða okkur upp.
Þvílkíkuir léttir þegar við frelsuðumst hentum uppstoppuðum brjóstahöldurunum
og fórum að dansa berfættar þegar okkur sýndist með slegið hár og í hippamussum. Það var sko frelsun.
En nú sjáum við nýja útgáfu af 68 kynslóðinni. Það er fólk sem er vel efnað, annars hefði það ekki efni á að koma á þetta ball, mjög fastheldið t.,d. verða allir að sitja við sömu borð ár eftir ár- og stór hluti þeirra kýs sjálfsstæðisflokkinn eða framsókn, þessi grein 68 kynslóðarinnar er jákvæð og hefur gaman af að skemmta sér –er það ekki!!! og ransókn sem greint var frá í frettum nýlega kemur fram að það trúir á jólasveininn og uppáhalds jólasveinninn er stúfur en vinsttri grænir fíla best kertasníki, enda er hannumhverfisvænn með kertin sín. OG örugglega á móti virkjunum.

mörg okkar muna ótrúlega langt aftur í timann m.ö.o. við eerum komin á efri ár. það er því orðið tímabært að hugsa um hvernig við viljum hafa það í ellinni. en á seinni árum hefur samfélagsmyndin breyst gíifurlega frá því sem áður var komið inn á og er sýnt að við munum verða kröfuharðari en sú kynslóð sem nú er elsta kynskóðin
Við erum eftirstríðsára börnin sprengju kynslóðin sem hefur sprengt allt utan af sér, skólana, háskólana, vinnumarkaðinn þegar konur fóru að þyrpast út á vinnumarkaðinn og nú bráðum elliheimilin. ‘I ár verða fyrstu eintökin af sprengju kynslóðinni sextug - eftir 5 ár förum við að nálgast óðfluga eeftirlaunaaldurinn.

. Ég er að vona að 68 kynslóðin sem nú hefur lagst í dvala og jarðað gamla baráttuviljann og uppreisnarhugann fari að róta í kistunni sinnisog rifji upp gamlar batáttuaðferðir og beita þeim í þ´gu aldraðra flower power og pís, enging læti eða ofbeldi.

Kaflar úr ræðu á 30 ára afmæli iðjuþjálfafélagsins:

Eitt erindið fjallaða um margvísleg hlutverk kvenna nú til dags.
Þegar ég var að alast upp á seinni helmingi síðusu aldar var lífið miklu einaldara en það er í dag
Þá voru konur flestar húsmæður og karlar voru yfirleitt fyrirvinnur . Hlutverkin voru skýrog fá. Konurnar voru heima á daginn í hagkaupssloppunum . Fóru e.t.v. út í mjólkurbúð og voru þá ekki sérlega uppábúnar , voru jafnvel með niðurrúllaða sokkana og með krullupinna í hárinu . En svo klæddu þær sig uppá ef þær fóru e-ð út fyrir hverfið sitt. Stundum skutust konurnar í hagkaupssloppunum í kaffi hver til annarrar og drukku staðið kaffi úr bústnum hitakönnum sem voru með litlum svampi undir stútnum svo ekki læki á dúkinn þó það gerði ekki mikið til því það var voksdúkur. hann þurfti ekki að þvo Mátti bara strjúka af honum. Þá hafði enginn heyrt um capuchino expresso eða kaffe latte nema þeir sem höfðu búið í s- evrópu kannski svo fólk stóð ekki frammi fyrir erfiðu vali þegar það ætlaði að fá ´sér kaffisopa. Viltu sopa “já ef þú átt það á könnunni” “Já það er nóg kaffi lagaði það í morgun”
Á þessum árum var aldrei neinn sem sagði – bara húsmóðir. Þ:að var sannarlega fullgilt starf að vera húsmóðir – þó ekki væri það metið til launa.
Karlarnir komu heim úr vinnu þegar langt var liðið á dag. Komu þreyttir heim og þá stóð maturinn tilbúinn á borðinu, einfaldur matur t.d. þverskorin ýsa og kartöflur og grautur í eftirmat Á kvöldin var svo setið í rólegheitum, hlustað á útvarp, konan stoppaði í sokka karlinn las í bók eða blaði. Ekki lenti heimilisfólkið í útistöðum um hvaða stöð ætti að horfa á sýn, enska boltann stöð 2, R’UV, Cirkus, það var bara ein stöð og hún var m.a.s . ekki með útsendingar á fimmtudögum þannig að þá var sjálfgert að saumaklúbbar og fundir væru á fimmtudögum. þannig að það þurfti ekki að standa í stappi út af því.
Um helgar gerði fólk sér dagamun og karlmenn fóru í sparifötin hvíta skyrtu og dökk jakkaföt og ilmuðu af Old Spice rakspíra (sem var sá eini sem fékkst að égheld) og þeir fóru með börnin í morgungöngu meðan húsfreyjan undirbjó hádegismatinn; sunnudagssteikina , lambalærið sígilda og heitan sveskjugraut með rjómablandi.
Um Helgar buðu þeir sem áttu bíl í bíltúr og þá var ekið rétt út fyrir borgina
t.d. í Heiðmörk eða Hellisgerði með nesti Þar var álafoss teppið breytt á jörðina og nestið tekið upp. brauð með ´tomötum og eggi eða mysingi og kaffi á brúsa - það var að margra mati hápúnktur ferðarinnar þegar nestið var borðað.
Þá var ekki brunað um þjóðvegi landsins með sumarbústaði útbúna öllum hugsanlegum heimilistækjum íeftirdragi.
Ef það var sunnudagur lá ungviðiðinu lífið á að komast heim og ná BARNAtímanum í útvarpinu hjá Skeggja Ásbjarnar eða þeim Helgu og Huldu Valtýs því það var aðal menningarviðburðurinn í lífi yngstu kynslóðarinnnar fyrir utan þrjú bíó svona af og til.. Þá voru tölvuleikir, myndbönd voru stjarnfræðilega fjarri.
Á þessum tíma söng fólk hástöfum “hann fékk bók og hún fékk nál og tvinna” í jólagjöf -engum fannst það hlægilegt. En hvað allt virðist hafa verið einfalt!

nú er öldin önnur

Hlutverkin hafa breyst. Nútíma konan er í mörgum hlutverkum og tekur sér ýmislegt fyrir hendur sem kynsystur hennar hefðu ekki einu sinni látiðsig dreyma um þegar ég var að alast upp.. Fyrir utan hin hefðbundnu kvennahlutverk starfar hún utan heimilisins er í námi samhliða vinnu, hún stundar líkamsrækt, og svo gæti hún verið í kór eða stjórn e-s félags, hún á margar vinkonur sem hún hittir á kaffihúsum og fer með í stuttar ferðir til útlanda en hún fer oft erlendis. Hún á mikið af fötum og gengur í push up brjóstahaldara og schock up sokkabuxum og er á danska kúrnum og ferðast um með litla vikt og grænmeti í poka.
.
Hún á aldraða foreldra sem eru hjálparþurfi og sem hún sinnir ef hún á enga systur .
Hún er hlynnt hollustufæði þ.e. grænmetis og baunaréttum ýmis konar en má sjaldan vera að því að elda svoleiðis, kaupir þá P-mat; pizzu, pylsur, pasta eða pítu nú eða bjúgu eða 1944 rétti.
Þegar hún er með saumaklúbb eða býður vinkonucnum heim getur hún ekki verið þekkt fyrir að bjóða upp ´a svampbotna með blönduðum ávöxtum úr dós og þeyttum rjóma einsog mamma gerði. Nei það verður að vera spelt brauð með heimalöguðu pestó og frönsk baka með ástríðualdin mauki a la Solla í grænum Kosti.
Og hlutverkin eru mörg :Móðir, Dóttir, amma, eiginkona, húsmóðir , starfsmaður, nemandi, kynvera, vinkona, líkamsræktarkona, söngkona, félagi í kvenfélagi o.m.fl. Ofan á þetta er hún með móral af því hún borðar óhollan mat , er of þung og hefur ekki tíma til að sinna öllum hlutverkunum sómasamlega
Æi ætli það sé ekki komið nóg en mér finnst margt til í þessu hjá mér Er það ekki?

Jóladagur

2006-12-25T13:48:00.000-08:00

Nú er jóladagur að kveldi kominn. Búinn að vera ekta náttfatadagur, búið að næra sig, sofa og lesa, og nú síðast spila scrabble eða hvað þetta nú heitir. Pétur vann og ég var í 2.sæti. Slíkt heyrir til undantekninga ég er svo lítið fyrir að spila, nú sitja þau hin og spila kana og ég stakk af.
Í gamla daga var alltaf jólaboð í Granaskjólsfjölsk. á jóladag og Gylfisens (afkomendur EInars Gylfa) komu á annan. En nú hefur orðið breyting á Graningjarnir hittast seinna. Og þau sem eru í bænum af Gylfisens koma á morgun en þá verðum við óvenjufá því Það eru svo margir að heiman. Pétur er heima nú yfir jólin og það er voða gaman að hafa hann hér heima. Hann fer út 4. jan. og þá fer hann í próf en hann er ekki viss um framhaldið blessaður drengurinn.
Nú erum við b úin að borða hamborgarahrygg í 2 daga og það er alveg fínt. Hann fer að hanga út úr eyrunum á manni ef hann hefði dugað lengur en góður var ´ann.
Ég vona að þið þarna úti hafið átt góð og gleðirík jól og ég bið ykkur að fyrirgefa hvað ég var ódugleg að senda jólakort. Það var næstum búið að eyðileggja jólagleðina fyrir mér að ég fékk svo mörg jólakort en sendi svo fá sjálf en ég hugsa til ykkar með auðmjúku hjarta og þökk.
Ég fékk svo fína gjöf frá Helgu frænku en það var dagbók sem hún skrifaði þegar hún var með mér í Lundi fyrir rúmu ári síðan. Það var magnað að lesa og rifja upp í dag þegar ég sat hér og gluggaði í heftið. Snerti hjartað í mér, þetta var svo magnaður tími og þeir sem fóru með mér upplifðu þetta svo sterkt með mér en það voru fyrir utan Helgu, Hrönn, Freyja og Gylfi. Svo kom Elín keyrandi frá Oslo og var með okkur Helgu yfir helgi í sumarbústað í Halmstad. Elskurnar mínar þakka ykkur fyrir ALLT. Nú er mál að hætta áður en tilfinningarnar ber mig að ofurliði.

2006-12-23T06:48:00.000-08:00

Þá er Þorláksmessa runnin upp. OG við hjónin búin að fara í Bónus sem er aðal viðkomustaður fólks á þessum degi. Þar var allt með þokkalega kyrrum kjörum, smá brjálæði í gangi eins og á venjulegum laugardegi. Við og hinir hömstruðu eins og framundan væri frostaveturinn mikli með tilheyrandi skorti og svarta dauða (flensu sko) og nú er engin hætta á að við verðum uppiskroppa - skrýtið orð- með nokkurn skapaðan hlut fyrr en einhvern tíman í febrúar. Nú hefur óveðrinu slotað sem er búið að herja á okkur undanfarna daga og þessi líka blíða úti. og það er búið að aflýsa Þorláksmessusöng Léttsveitarinnar sem átti að vera við skautasvellið í kvöld af því það átti að verða svo vont veður já það eru svakalegir duttlungar í þessu veðri.
Við erum búin að setja jólatréð í fótinn og kaupa inn svo við erum með allt á hreinu hér í Granaskjóli 14 vantar bara nokkrar jólagjafir og svo þarf að taka soldið til þá er þetta komið ekki mikið mál að halda jól. Svo er boltinn Tottenham eða e-ð í þeim dúr að byrja núna kl 15 og str´karnir ætla að kíkja á það en ég er að hugsa um að fara e-ð í heimsókn til fólks sem á smákökur og vita hvort ég get ekki herjað út svo sem eins og 4-5, jeg er så lækkersulten eins og maður segir í DK. Það er ekki víst að ég skrifi meira fyrir jól svo ég óska ykkur bloggvinum mínum gleðilegra jóla og þakka ykkur fyrir kommentin og tryggðina þrátt fyrir stopul skrif.

jólajólajólajólajól

2006-12-15T03:00:00.000-08:00

Nú nálgast jólin óðfluga, það fer ekki framhjá neinum sem lítur í blöð eða hlustar á útvarp. Í útvarpinu allar þessar auglýsingar og jólalög af misjöfnum gæðum. Og dagblöðin hnausþykk og inihalda endalausar auglýsingar sem gera mann alveg tjúllaðan. Ég meina ef maður fer að skoða þær. Og svo má ekki gleyma öllum mataruppskriftunum, það er nú meira hvað fólkið ætlar að borða yfir þessa helgi. Ég kíki stundum í blöðin og sé e-ð áhugavert svo man ég ekkert hvar ég sá þetta þegar ég ætla að að finna uppskriftina, auglýsinguna eða hvað það er sem ég er að pæla í. Það eru örugglega fleiri en ég sem eru svona er það ekki??!! Enda endar þetta alltaf með að ég elda sama jólamatinn og gef bók eða handklæði í jólagjöf. Svakalega hugmyndarík.
Mér finnst hálf skrýtið að vera ekki í vinnunni og í raun sakna ég þess. Sakna vinnufélaganna o g gamla fólksins og stemmningarinnar sem óneitanlega er fyrir jól þó jólin séu oft erfið fyrir fólk sem er veikt og gamalt. Mér finnst ég hafi margt að gefa þó ég geti ekki unnið fasta vinnu. Nú stend ég fra,mmi fyrir því að hætta og mér finnst það erfitt, svona eins og að loka búð þar sem enn eru fullt af vörum í hillunum og ekki sé hirt um að selja lagerinn. Æi ég nenni ekki að röfla meira um þetta.
Nú er ég að fara í sundleikfimi á Grensás- síðasta tímann fyrir jól. Við Anna Axels kórsystir mín erum þarna en hinir "nemendurnir" eru allir 70-80 ára svo við Anna brillerum og ég fíla mig svo vel í þessum selskap. Ég þarf að drífa mig. Það er eins gott að liðka sig fyrir jólagjafakaupin og stússið!!!

Betri dagar

2006-12-08T15:06:00.000-08:00

Nú er ég í svo góðu formi ég verð bara að segja það - hef ekki verið svona hress í marga mánuði. Bara ekki síðan í fyrra þegar ég kom úr fyrstu aðgerðinni jibbý kola. Martin rafveitustjóri stillti mig um daginn bæði lyf og straum, ég er líka búin að vera í sundleikfimi á Grensás og talþjálfun.
Allt þetta gerir mér gott. Var r eyndar útskrifuð frá Siggu TAL í dag er bara búin að ná aftur valdi á röddinni og err farin að syngja eins o g Pavarotti. Já vel á minnst Léttsveitin hélt mjög vel heppnaða tónleika í gær fyrir troðfullu húsi. Ofsa gaman og við alveg þrusugóðar - ég meðtalin. Jóhanna stjórnaði okkur eins og herforingi með sínum alkunna sjarma og það er ótrúlegt hvað henni tekst vel uppp bæði með okkur kerlingarnar og stelpurnar jafnt unglingana sem lillurnar. EN það veit sá sem allt veit ég gæ ti ekki átt við svona unglinga með fýlusvip og fengið þá meira að segja til að syngja!!!!! En hún Jóhanna er auðvitað snilli.
Sigríður M. er í prófum og það ermikið álag á henni og ég spurði hvort égætti a ð hjálpa henni með hagfræði þá bara brosti hún undurfurðulega og klappaði mér á kollinn og sagði nei mamma mín.

Eg er búin að setja upp hólagardínurnar ég meina Jóla---------- og Einar Gylfi búinn að hengja upp mislit ljós alls staðar þar sem því verð ur við komið svo nú er bara jólalegt hjá okkur. Svo er soldið maulað af smákökum frá Frón við kertaljós - v o ða jólalegt.

Áður en ég hætti má ég til að segja frá því aðég hef verið að lesa bloggið frá því fyrir ári síðan og ég verð að segja að þetta var nátt´lega alveg stórkostlegt kraftaverk sem ég upplifði. Og svo fékk ég svo mörg falleg komment frá alls konar fólki svo yndislegu. Þvílíkir tíma - ég var einmitt að k oma heim um þetta leyti- ó þetta var allt svo ótrúlegt og stórkostlegt. Nú vona ég að ég fái að hafa þokkalega heilsu áfram og geti byggt mig upp og mjókkað aðeins!!! Bjartsýn. Þýðir nokkuð annað!!??

jólakonsert

2006-12-05T08:38:00.000-08:00

Það stendur mikið til hjá Léttsveitinni nú verða haldnir jólakonsertar þ. 7. og 9. des og þar verður mikið um dýrðir Auk léttsveitarinnar koma fram barnakór og hlóðfæraleikarar ásamt Þorvaldi Þorvaldssyni-syni á sjó Þorvaldar. Voða flottur söngvari. Nú er um að gera að drífa sig. Fimmtudaginn kl 20 eða laugardaginn kl 16 og hananú.
Röddin mín er öll að koma eftir smá niðursveiflu- talþjálfunin hjá Siggu tal hefur hjálpað. En það er verra með textana. Mér er sagt að einn föðurbróðir minnhafi aldrei getað lært texta og Raggi Bjarna á víst líka erfitt með þetta. Svo þetta er ættgengur andskoti hjá mér sbr. frænda minn en Raggi er reyndar ekki skyldur mér, nema hann er hreyfihamlaður í annarri hendinni. Ég von að ég geti verið með á t ónleikunum en það er ekki alveg vist. Alla vega fæ ég að standa þannig að ég geti látið mig hverfa ef ég vert aðframkomin. Nú er æfing á eftir já Það ert nóg að gera, svo er ég búin að vera í sundleikfimi talþjálfun og sjúkraþjálfun í dag. Og hef ekkert hrapað niður í hreyfigetu og það finnst mér frábært. Ég er betri síðan ég var innlögð einn dag og Martin rafveitustjóri og hans crew fylgdust með mér. Gerðu breytingar bæði á lyfjum og stillingu. Síðan hefur gengið betur.
Á laugardagskvöldið fórum við Einar gylfi á minningartónleika um Johan Lennon. Það var nú ,mjög fínt nema við sátum á fremsta bekk og sáum ekki mikið vegna þess að fremst á sviðinu var sjónvarpsskjár og svo var risastórt hrikalega ljótt blómaker með gerviblómum og við sáum grilla í söngvarana einjhvers staðar á bak við hryllinginn. En við sáum hverjir voru í sjúskuðum fötum og með skít undir nöglunum Mottóið er ekki kaupa miða áfremsta bekk jafnvel þó Dorrit og ÓLi sitji á fremsta bekk þá eru Það ekki bestu sætin.
Ég hitti Jón Ólafs í Bonus og ætlaði að kvarta við hann og sagði við hann að ég hefði verið á þessum konsert ÞÁ SAGÐI HANN : jÁ ÉG SÁ ÞIG ÞÚ VARST Á F REMSTA BEKK. Hvernig á maður að taka þessu., Ég ákvað að verða svoldið ánægð með að Jón sjálfur Ólafs hefði tekið eftir minni auðmjúku nærveru
og skammaðist nánast ekkert yfir að sjá ekki neitt. T.d. sá ég bara hárið á honum jóni því hann var bak viðð píanóið og KK sat bak við blómakerið og söng EN ég sá hana Eivöru og það var eins og draumsýn, hvílík fegurð, söngur og útgeislun

jólahugvekja

2006-12-03T14:12:00.000-08:00

Jæja nú er ég að koma frá því að flytja jólahugvekju í Langholtskirkju. Legg ekki meira á ykkur.Eftir himneskan söng Langholtskórsins steig mín í pontu og þrumaði yfir lýðnum. Allt í léttum dúr en nú set ég hluta af þessu inn á bloggið. Þið hafið gott af því:
Nú er upphaf aðventu og tíminn sem er framundan einkennist af annríki af ýmsum toga. Enginn tími á árinu er jafn tengdur hefðum og föstum siðum hjá mörgu fólki.
Mjög oft eru siðirnir tengdir samveru við annað fólk sem er afar jákvætt, við gerum ýmislegt með fjölskyldu eða vinum eins og baka laufabrauð eða smákökur, förum á tónleika, aðventukvöld og jólahlaðborð eðs förum í jólagjafa innkaup - (ef við erum þá ekki búin að rubba þeim af í Dublin eða London einhvern tíma snemma hausts),
Allt þetta getur verið mjög jákvætt – alla vega á meðan við höfum stjórn á því. En stundum snýst þetta upp andhverfu sína og þessir ágætu siðir sem maður hefur komið sér upp fara að valda streitog álagi – við ætlum að gera svo margt og hafa það svo huggulegt að við sjáum ekki fram úr því
------------

Þegar égt var að alast upp á seinni helmingi síðustu aldar var ekki eins mikið um að vera á þessum tíma. En það er líka svo langt síðan að þá var sungið Í einum jólasöng “hann fékk bók en hún fékk nál og tvinna” og það þótti ekkert tiltökumál. Ég er hrædd um að flestum konum nú á tímum .ætti súrt í broti að fá nál og tvinna í jólagjöf.
--------------
Skólinn já þar var allt með öðrum brag í desember. Þá voru kennaranir líka farnir að finna eplalyktina sem hafði góð áhrif á þá. Við fengum að gera ýmislegt sem var utan við námskrá. Við föndruðum, æfðum leikrit fyrir jólaskemmtnair, sungum jólasöngva og og lásum jólasögur. Þær voru oftast um hrakfarir og erfiðleika sem leystust farsællega á aðfangadag. T.d. um heimilisföður sem var á ferð milli bæja á aðfangadag þegar brast á mannskaðaveður og hann villtist af leið og fjölskyldan beið milli vonar og ótta. svo allt í einu datt heimilisfaðirinn alsnjóugur og örmagna inn úr dyrunum á litla torfbænum og hressist svo við hangikjötsilminn, kertaljósin oghlyjuna að fjölskyldan gat haldið jól.
Nútíma útgáfa af þessari sögu mundi vera um karl eða konu við skulum bara segja heimilisfaðir líka í þesu tilfelli sem starfar í London eða Kaupmannahöfn og ætlar að fljúga heim á aðfangadag en þá uppgötvast bilun í flugélinni og af því það er þssi dagur er ekki um aðra kosti að ræða en þessa einu vél. Svo það er alltútlit fyrir að hann komist ekki heim til að halda jól með fjölsk. Þá kemur kollegi úr fjármálaheiminum sem er staddur þarna á flugvellinum í sinni einkaþotu og hann býður honum far og heimilisfaðirinn pompar inn úr dyrunum með allar jólagjfirnar úr Harrods eða Illum og nær að eiga notalegt kvöld með fjölskyldunni áður en hann leggur íhann að nýju.

þegar ég var að vaxa úr grasi tíðkaðist ekki að mömmur væru mikið á fartinni farandi í alls slags jóladjamm. . Þær héldu sig mest heima og það var mikið bakað. Alls kyns smákökur vanilluhringir, gyðingakökur og piparkökur. Þær voru svo geymdar í sterkbyggðum kökuboxum á ýmsum leynistöðum þar sem börn gátu ekki náð í þær. Svo voru þær geymdar til jóla og stundum fram á vor því þær voru svo vel geymdar að þær hreinlega gleymdust.
Á þessum árum spurðu konur hverja aðra: Hvað bakarðu margar sortir og mig minnir að 7 sortir hafi þótt eðlilegt. Reyndar heyrði ég um húsmóður sem var vön að baka 20 sortir en eitt árið var hún svo óttalega löt að hún bakaði aðeins 18 sortir og það þótti henni heldur slappt, En þetta vandamál er úr sögunni og það þykir hálf hallærislegt að baka mikið. En það þarf að vera e-ð frumlegt úr nýjasta getgjafanum t.d.heilsusamlegar gulrótar pekanhnetu smákökur eða spelt ávaxtakökur með kornsýrópi e-ð framandi, hollt og öðruvísi. En nú er ekki smart að baka vanilluhringiog gyðingakökur.
-----------
það er auðvitað gamanef fjölskyldan getur sameinast við bakstur eða aðra iðju.
Þegar börnin mín voru yngri þá gerði ég ítrekaðar tilraunir til að eiga með þeim huggulega bökunarstund það kom fyrir að það gekk en oftast var þetta ekki eins og í glansblöðunum
Ég hnoðaði deigið og tók til útskurðarmunstrin;

Spilaði hressilega jólatónlist , kveikti á kertum og kallaði glaðlega á börnin og eiginmanninn. Þau hófust handa við að skera út og allt lék í lyndi og ég dreif í að taka myndir af liðinu á meðan allir voru ennþá tiltölulega glaðlegir og iðnir.
En úthaldið var ekki mikið hjá ungviðinu sem mjög fljótlega sneri sér að sínumm hugðarefnum sem ekki voru bakstur. og eiginmaðurinn fór að horfa á boltann í sjónvarpinu Þetta endaði yfirleitt með því að ég sat eftir ein og allt a rúi ogg stúi í kringum mig í eldhúsinu, deigklessur hveiti og glassúrklístur út um allt .
Svo náðist yfirleitt ekki að mála kökurnar nema kannski örfáar
Fyrir hvern skyldi ég hafa staðið í þessu……….
SAMT var þetta gaman.

Einn ungur vinur minn sem var að verða “buinn að öllu “ og var að leggja síðustu hönd á að setja upp fjárhúsið með jesúbarninu og öllu því tilheyrandi sagði nú vantar ekkert nema vitfirringana þrjá ……….

Ef við eigum aldraða ættingja hvort sem þeir dvelja á stofnunum eða í heimahúsum þá skulum við velta fyrir okkur hvort við gætum gefið þeim meira af tíma í jólagjöf. við gætum boðið þeim með okkur í bæinn kíkja á lífið og , fara á kaffihús eða boðið þeim heim í kakó og smákökur Sem sagt gefið þeim af tímanum okkar það er miklu betri jólagjöf en náttkjóllinn sígildi sem ömmurnar fá í jólagjöf og liggja ónotaðir í skúffunni þegar amma fer í sína hinstu ferð.

OG ÞARNA MÁTTI SJÁ KAFLA ÚR JÓLAHUGVEKJU SEM FLUTT VAR Í LANGHOLSTKIRKJU.
Orð í tíma töluð er það' ekki.

fúlipistill

2006-11-29T12:31:00.000-08:00

Nú er ég búin að hvíla mig á bloggskrifum í tæpa 2 mánuði. Það er allt í lagi að prufa svolítið aftur. Í gær var 28.11. og þá var nákvæmlega 1 ár frá því ég fór í aðgerðina í Lundi OG ÞVÍILÍKT 'AR. Miklar gleðistundir og miklar sorgarstundir og vonbrigði. Sem sagt miklar sveiflur upp og niður. Ekki orð meira um það. Alltaf skal ég druslast í gegnum þetta allt saman.
Á þessum 2 mánuðum sem ekki hefur sést neitt frá mér hefur margt gertst. Fyrst ber að' nefna að ég reyndi að vinna. Vann hálfa vinnu í einn mánuð en gafst þá upp. Parka einkennin urðu miklu meira áberandi á þessum tíma varð svo offboðslega þreytt að ég bara gafst upp. Mikið áfall fyrir mig og algjör bömmer. Ég var með uppistand á einhverri tæknifræðingahátíð á Hotel Sögu. Þeir hringdu og sögðust hafa heyrt af mér og báðu mig að koma og skemmta og ég gerði það auðvitað. Svo var hringt í mig og ég beðin að vera með fjölskylduvæna jólahugvekju á aðventukvöldi í kirkju hér´i bæ. Ég sagði að það væri ekki mín sterka hlið en eftir mikla pressu- alveg satt- sagði ég já. Kannski að ég leggi þetta bara fyrir mig núna þegar ég get ekki unnið eins og ég gerði1 áður. Þessi skrif mín endurspegla hvað ég lifi skrýtnu lífi núna. Er í lausu lofti veit ekkert. Ég e r meira að segja farin að spá alvarlega í að ég þurfi að hætta í Létttsveitinni því ég er að missa röddina. Ég er reyndar byrjuð í talþjálfun til að styrkja röddina og finnst ég hafa skánað við það svo kannski tekst mér að laga þetta. Já ég er að jússast við að byggja mig upp og er byrjuð í sundleikfimi 2 í viku. Já það er fjör já það er fjör í VE he estmanneyjum.
Og nú hætti ég og verð skemmtilegri næst.,

2006-10-06T15:23:00.000-07:00

Nú hefur hversdagsleikinn aftur haldið innreið sína. Ég er byrjuð að vinna og var afskaplega gott að koma aftur á Landakot þar sem ég á marga góða vinnufélaga/vini sem tóku svo hlýlega á móti mér. Það var og er mikils virði. Ég ætla að sinna 50% stöðu. Mun vinna 4 daga í viku, 5 tíma á dag.
Ég byrjaði í gær og var bara nokkuð hress en aftur á móti ekki eins góðu formi í dag en þetta þarf nú líka að venjast. Ég er að vinna á deild þar sem ég hef ekki unnið áður og mér líst vel á starfsfólkið og sjúklingana. Einar GYLFI byrjaði líka að vinna eftir sitt veikindaleyfi. Hann byrjaði á þriðjudaginn.

Þetta verður stuttt og laggott í dag.
En ég má til að segjafrá því að þegar við vorum búin að gera upprisuhátíðina upp var afgangs 157.000 kr og við l´letum það renna til Parkinsonsamtakanna og það hefur verið greitt inná reikning þeirra.
Ég er búin að fá mjög jákvæð viðbrögð á hátíðina fólk talar um veislu aldarinnar og annað í þeim dúr. Skemmtikraftarnir fá mikið hrós og veitingarnar og þakka ég ykkur öllum hjartanlega fyrir ykkar framlag kæru skemmtikraftar og elsku Léttsveit takk fyrir veitingarnar fínu.

Mamma

2006-10-01T22:26:00.000-07:00

Það á að jarðsetja hana mömmu mína í dag. Síðastliðin vika hefur að mestu snúist um það. Það er svo margt sem þarf að huga að. Ég ætlaði að byrja að vinna í dag en geri það auðvitað ekki.
Dauði mömmu hefur valdið mér bæði sorg og gleði. Sorgin er þarna en gleðin eða feginleikinn yfir að hún sé nú laus frá þjáningum sínum er þarna líka. Þessar tilfininngar eru þarna báðar. Ég hef varla fellt tár yfir dauða mömmu. SIgríður Margrét dóttir mín sagðist hafa fundist sorglegra að heimsækja hana og sjá hana líða og þjást en að heyra um andlát hennar og það er mikið til í því. Samt finn ég svo mikið til í hjartanu en get samt ekki grátið.
Ég var raunar búin að kveðja mömmu mína fyrir löngu þ.e. þá mömmu sem var. Sterku gáfuðu fallegu konuna sem var svo félagslynd og vinamörg. Hún gat allt nema flautað og saumað á saumvél. Hún var svo klár talaði reiprennandi dönsku, ensku og þýsku- las meira að segja með stúdentsefnum fyrir próf. Hún var alltaf svo fín í tauinu, hafði saumakonu sem saumaði á hana fötin. Ég var ósköp leið yfir því þegar ég var yngri að enginn sagði að ég væri lík henni. Það var alltaf sagt að ég væri öll í föðurættina..... Og í þá daga fannst mér það ekki alveg nógu gott.
Pabbi var sjómaður svo hún var við stjórn á heimilinu og þar var alltaf margt um manninn og gestkvæmt. Alltaf nógur matur ef fólk kom og svo má ekki gleyma fínu veislunum þegar dekkað var upp með sparistellinu og borin á borð rjómalöguð blómkálssúpa og ´lærisneiðar í raspi, smásteik eða e-ð þaðan af betra. Hún var svo félagslynd og átti vini á öllum aldri. Hún bjó að þessu eftir a ð hún veiktist þá voru margir sem héldu tryggð við hana og heimsóttu hana.
Td. vinnufélagar úr Ísl. heimilisiðnaði, Kvenfél. Hrönn, saumaklúbbnum, ferðaafélagar úr ýmsum ferðum utan lands og innan auk ættingja og ýmissa vina. VIð fjölskyldan færum þeim sem sýnduð henni tryggð og vináttu í veikindum hennar bestu þakkir. Sérstaklega vil ég þakka Andrési og Kiddý, Fríðu og Jóni, Adda og Lilju og Böggí, Dúdú og 'ottari en hún er nú sjálf orðin veik og komin á stofnun, Gerði Hjörleifs og co og Gunnu EInars og Hrannarkonum .
Elsku mamma mín er nú farin og eftir sitjum við börnin hennar og fjölskyldur okkar og minnumst hennar og þökkum fyrir að hafa fengið að vera samvistum við þessa góðu merku konu .

Daginn eftir............

2006-09-24T14:53:00.000-07:00

Daginn eftir upprisuhátíðina lést hún mamma mín elskuleg. Það var kl 10.30 um morguninn að það var hringt og lát hennar tilkynnt. Hún dó södd lífdaga eftir langt og strangt veikindastríð.
Ég hefði bara viljað vera hjá henni þegar hún fór, mér finnst svo nöturlegt að ekkert okkar var hjá henni þegar hún kvaddi þennan heim. Að vísu voru tvær mjög ljúfar starfsstúlkur hjá henni en ég vildi samt óska að það hefði verið e-t okkar barna hennar. Okkur var tjáð að þeim hafi fundist eins og hún væri að skilja við um kl. 21.30 þ. 22. þegar veislan var í hámarki en svo var eins oghún hætti við það og hún beið með það þangað til veislan var búin og við búin að sofa út.
Hún hefur alltaf veriðsvo tillitssöm hún mamma mín elskuleg. Hún var farin að mestu frá okkur síðustu vikurnar en nú er hún alveg farin og nú sakna ég hennar. Hún var alltaf svo blíð og góð og öllum sem þekktu hana fannst svo vænt um hana end var hún mjög vinamörg og vel liðin hvar sem hún fór. Guð blessi minningu hennar.

Að upprisuhátið lokinni

2006-09-23T19:46:00.000-07:00

Þá er upprisuhátíðin liðin. Það var geysifjölmennt einhvers staðar milli 4 og 5oo manns, alveg ótrúlega margir lögðu leið sína í Félagsheimilið þá Nesinu þetta kvöld. Allt fór fram með stakri prýði og þeir sem þurftu að standa báru sig vel. Þrátt fyrir þrengslin var stemmningin góð.
Skemmtiatriði voru ekki af verri endanum. Halldór Gunnarsson reið á vaðið og spila'i á píanó -líka undir fjöldasöng í myrkri á sviðinu (Steve wonder stæll á því) það var ekki fyrr líða tók á kvöld að útkall rafvirkja bar árangur og "það varð ljós". Þetta varð til þesss að tímaplan fór úr skorðum og öllu programmi seinkaði. En allir voru í góðu skapi og létu þetta ekki á sig fá.
Eftir fjöldasöng stigu á svið Helga og Arnór sem tóku nokkur EYjalög með stæl. En á milli þessara atriða steig uundirrituð fram og flutti smá pistil eða bara svona smá þar sem gestir voru boðnir velkomnir og örlitla kynningu á píslargöngunni undan farið ár.
Á eftir Helgu og Arnóri (Helga er m.a.o. systir Gylfa) kom Bjargræðistríóið sem sló í gegmn að vanda með Jóa útherja og fleiri skemmtilegum lögum og leikrænum tilburðum en í tríóinu eru hún Alla okkar píanóleikari Léttsveitarinnar og stórsöngkonan Anna Sigga og hann Örn sem flytur hann Jóa svo óbærilega vel með aðstoð superkvennanna tveggja að það verður seint leikið eftir. Þar á eftir komu á sviðið dívurnar tvær þær Jóhanna Þórhalls og Signý Sæm. sem sungu undurfallegt ítalskt lag og gerðu það svo fallega að það lá við að maður væri að skæla. Eftir það söng kórinn þ.e. Léttsveitin nokkuir létt lög.
Á eftir þeim kom hann Skapti frændi minn Ólafs og reif upp magnað stuð með gömlu slögurunum sínum og salurinn kunni heldur betur að meta það og klappaði og söng með. Svo flutti hann When you´re smiling með ísl. Texta voða fallegt. Einhver staðar inn á milli tróðu Léttsveitarvinkonur mínar upp með atriði. Það var nú ekkert fyndið hjá þeim. Þær voru að gera grín að mér, hárkollunum, gervitönnunum og stóru töskunum mínum þar sem ég geymi helstu nauðsynjar. Það eina sem var flott hjáþeim var þegar þær spiluðu Superstar og opinberuðu mynd afmér í einni og hálfri líkamstærð- mér fannst það svona ágætt og vel við hæfi. Svo var Védís e-ð að bulla og sumum fannst það fyndið ég held fólk hafi ekki verið að hlægja að því sem hún sagði heldur bara einhverju öðru. Ég var alveg hissa hvað þær fengu gott hljóð.
Þá kom að því að Þórólfur, Sæli og Svavar spiluði . Svavar tók listatakta á gítarinn algjör snilli og hinir tveir voru góðir að vanda. Á eftir þeir steig ÉG á svið og var með Best off uppistand og það v ar voða fyndið hjá mér - alla vega hló fólk eins og vitleysingar. Bróðir minn segir að það sé nú ekkert að marka það því þetta hafi allt verið vinir mínir.
Þegar ég hafði loki'ð máli mínu komust loks að hluti úr Hippabandinu frá Vestmannaeyjum en það voru Helga og Arnór, Davíð sonur þeirra og siggi vinur hans og heiðursgestur með þ eim var gítarsnillingurinn Joddi, Svo þarna v0oru margir snillingar saman komnir. Þau spiluðu svo til
kl 1 eða hálf tvö og þá var mikið dansað og mikið stuð. Þetta var alveg frábærlega gert flottur söngur og hljóðfæraleikur. Hjartans þakkir til ykkar allra sem tróðuð upp.
Það voru flottar veitingar á borðum en þær sáu elskulegar kórtsystur mínar um og gerðu það vel að vanda.
Þórkatla mín var veislustjóri og leysti það röggsamlega eins og hennar er von og vísa. Reyndar átti hún afmæli þennan dag og við sungum ekki einu sinni afmælissönginn fyrir hana.
Það var þreytt -mjög þreytt en ánægð kona sem hélt heim eftir ótrúlegt kvöld búin að kyssa ca 400 mannsx2 (þegar fólk kom og fór) sem sagt 800 kossar geri aðrir betur - ótrúlega þakklát og ánægð með að eiga svona góða vini og fjölskyldu sem vildi eyða þessu kvöldi til að meðfagna.
Innilegar þakkir fyrir. Varðandi púkkið sem margir lögðu í skal tekið fram að það sem verður afgangs þegar búið er að borga húsið og vinnulaun starfsfólks rennur til Parkinsonsamtakanna bara svona að þið vitið það. EN alla vega takk takk fyrir allt.

að halda upp á

2006-09-20T03:37:00.000-07:00

Nú líður að hátíðinni miklu. Hátíð lífsins. Er þetta ekki soldið væmið.?! En það er alla vega verið að halda upp á lífið og tilveruna. Sumir hafa staðið í þeirri meiningu að þetta sé afmælisveisla en því fer fjarri þetta er rétt og slétt uppáhaldsveisla. SUm sé verið að halda upp á ........... þá eru engar gjafir eða svoleiðis bara koma og gefa nærveru sína jú það var þetta með púkkið það er auðvitað gjöf út af fyrir sig. Æi hvaða röfl er þetta nú nenni ég ekki að þvæla meira um þetta en þið skiljið hvað ég meina. Það er fullt af elskulegu fólki með hæfileika sem ætlar að troða upp - ó hvað það verður gaman. Ég er orðin svo spennt. VInkonur mínar Létturnar ætla að sjá um veitingar - alltaf eru þær eins þessar elskur. Það koma margir góðir gestir og sumir langt að þannig að þau verða aðfá e-ð í svanginn. Já það koma margir langt að t.d. koma gestir frá Danmörku og Noregi og Vestmannaeyjum.
Já nú er bara að hemja sig fram á föstudagskvöld.
Efeinhver les þetta sem þekkir mig og langar til að koma þá bara komdu.
Jæja -ég get ekki skrifað um neitt annað og hætti þessu hér með.

upprisuþankar

2006-09-14T01:40:00.000-07:00

Ég var spurð um daginn hvort ég væri að keppa við Krist af því ég ætlaði að halda upprisuhátíð. Það var nú ekki meiningin - ég hafði ekki hugsað mér það. En upprisa er það þannig að ég er ekki eins illa á mig komin og áður en ég fór í fyrstu aðgerð og um það snýst málið. Margt - mjög margt- sem gengur betur þó það mætti auðvitað vera betra. T.d. eiga sumir erfitt með að tala eftir aðgerðina en það hef ég alveg sloppið við - ég get ímyndað mér að það hefði orðið algjört áfall fyrir mig ef ég hefði átt í erfiðleikum með að tjá mig. Alla vega finnst mér við hæfi að halda upp á svo margt. Ég vona bara að allt gangi vel. Ég veit ekkert hvað það koma margir- bara að það fari ekki úr böndunum en að öðru leyti hef ég ekki áhyggjur Ég þekki bara skemmtilegt fólk sem kann að skemmta sér svo þetta verður örugglega gaman. Það verða ýmis skemmtiatriði og húllum hæ . Ýmsir hæfileikaríkir vinir mínir ætla að troða upp svo það verður örugglega stöööð. Það skyggir að vísu´á að það er ýmsir góðir sem geta ekki komið en það er alltaf svoleiðis og það þýðir ekki að láta það ergja sig um of.
Nú er Einar Gylfi allur að ná sér eftir hjartaáfallið þó ekki megi hann við miklu. Hann tekur þetta föstum tökum og fer eftir leiðbeiningum. Hann má ekki vinna í 4 vikur svo nú erum við gömlu hjónin hérna bæði. M.a.o. ég ætla að byrja að vinna á Landakoti 1.okt. í hálfri stöðu. Það verður væntanlega gott að koma sér í gang aftur, vona að það gangi allt upp.
Jæja og Magni á leið heim svo nú þarf fólk ekki að vera vansvefta á miðviku- og fimmtudögum og þjóðin getur glaðst yfir sameiningu litlu fjölskyldunnar og að Magni þessi ljúfi sveitadrengur að austan lendi ekki í slagtogi við þessi dóphausa og voðamenni. Æ hvaða hvaða...... Þetta eru örugglega vænstu grey, bara orðnir svolítið útlifaðir. Hver er það ekki ef grannt er skoðað.
Sjáumst á upprisuhátíðinni!!

smá viðbót

2006-09-07T02:46:00.000-07:00

gleymdi einu : þið megið leggja í púkk 500-1000 kr við innganginn!!

ýmsir stórviðburðir

2006-09-07T02:06:00.000-07:00

Nú er orðið langt síðan ég hef skrifað og það hefur ýmislegt gerst í millitíðinni.
Einar Gylfi afrekaði það að fá hjartaáfall. Það gerðist sl. sunnudag. Hann var búinn að vera e-ð slappur dagana áður en svo komu Atli sonur og Anna tengdó í sunnudagsheimsókn ásamt Sigrúnu ÁStu og sáu að ekki var allt með felldu. Þau drifu hann upp á bráðamóttöku og þar uppgötvaðist að ein kransæðin var algjörlega stífluð og hann var blásinn eins og það er kallað og losað um stífluna og settur einhver gormur inn til að halda æðinni opinni. Læknirinn sem sér um hann segir að Atli og Anna hafi brugðist hárrétt við og hann segir að þau hafi bjargað honum með að drífa hann uppeftir á spítalann á hárréttum tímapunkti. Já það er ekkert annað.
Einar ggylfi er enn slappur og er ennþá á hjartadeildinni en trúlega kemur hann heim í dag. Hann á að hafa hægt um sig í 4 vikur. Ég hugsaði með mér að best væri að setja þetta bara á bloggið svo það yrði ekki neinn misskilningur - VIÐ HÖLDUM OKKUR VIÐ UPPRISUHÁTÍÐINA NÚ VERÐUR HÚN BARA TVÖFÖLD.
Sem sagt: Þann 22. september höldum við hátíð. Það verður í Félagsheimilinu á Seltjarnarnesi við Suðurströnd (við hliðina á sundlauginni). Hátíðin hefst kl 20.30. Þar munu ýmsir listamenn þekktir og minna þekktir troða upp og skemmta með söng og hljóðfæraleik frá ýmsum löndum.
Ég segi ekkert meira og hananú. Allir vinir og ættingjar eru velkomnir. Sjáumst.

upprisuhátíð

2006-08-31T14:56:00.000-07:00

Hér með kemur fyrsta tilkynning um upprisuhátíðina. Eins og málin líta út núna verður hún haldin 22.sept. sem er föstudagur í félagsheimili Seltjarnarness. Þetta er þakkarhátíð fyrir vini og ættingja og alla velgjörðarmenn mína. Þar verður eitt og annað skemmtilegt á dagskrá og svo verður bara yndislegt að hitta ykkur öll. Heyrið nánar síðar en takið daginn frá. Látið þetta berast til þeirra sem málið varðar sum sé allra vina minna.

brúðkaup og upprisuhátíð

2006-08-29T03:17:00.000-07:00

Það mætti halda að Lundúnaferðin hefði tekið svo á mig að ég væri hætt að blogga. En nei þið sleppið ekki svona vel.
Hjalti og Linda giftu sig á föstudaginn. Það var mjög fín og einföld borgaraleg athöfn sem fór fram heima hjá Guðrúnu mömmu Hjalta að viðstöddum öllum foreldrum og systkinum. Ungu hjónin voru alveg sérstaklega sæt og glæsileg. Á eftur var svo haldin geysifjölmenn veisla í Garðaholti minnir mig það heiti og þar var etið og drukkið fram eftir kvöldi. Það var mjög gaman . Mest gaman er að kynnast unga fólkinu í kringum krakkana og skemmta sér með þeim. Ég fílaði svo vel að skemmta mér með Sigríði M., Pétri og Gunnari tengdó og þau virtust bara ánægð með gamla settið. Það var ekstra skemmtilegt að öll systkini Gylfa voru þana og öll börnin hans og það er sko enginn smá hópur. Nú er "brudeparret" farið aftur til Dk. og líka Pési. Ég keyrði hann á flugvöllinn í gær.
Nú er ég aftur farin að spekúrlera hvort ég eigi ekki að kýla á "upprisuhátíð" og halda upp á bætta heilsu þó hún sé ekki alvegg eins og hún gæti verið best. Ég er alla vega miklu betri en ég ég var áður en ég fór í fyrstu aðgerð´þó ekki sé ég jafn góð og eftir hana þá er óhætt að segja að ég hafi náð mun betri heilsu. Hvað segja lesendur um þetta? Ég er búin að fá nokkra músíkkanta til að hjálpa mér að gera þetta skemmtilegt og nú vantar bara hús og dagsetningu
og svo mætti ég grennast um svona 15 kg svo ég geti tjúttað almennilega. Ég hugsa málið og þið líka. Allir sem ég þekki verða velkomnir.

London -lokakafli

2006-08-26T08:18:00.000-07:00

Það er nú kominn tími til að ljúka þessari Lundúnafrásögn. Mig minnir að við Dóra höfum verið komnar inn á leikvanginn í síðasta kafla og er nú óþarfi að þreyta lesendur á frekari smáatriðalýsingum og því vind ég mér nú yfir í tónleikana sem byrjuðu ca l klst eftir auglýstan tíma en fólk virtist skemmta sér vel við að sýna sig og sjá aðra, gera bylgjur og s.frv.
Þegar stóns komu svo loks á sviðið ætlaði allt um koll að keyra svo sem við var að búast. Jaggerinn þeyttist umsviðið þvert og endilangt og var svo snar í snúningum að iðulega missti maður sjónar á honum og vissi ekkert hvar hann var. Dansstíll hans er meira í ætt við víðavangshlaup en dans hann hljóp og hljóp og hljóp. Hann var æðislegur, hafði greinilega engu gleymt og þegar maður sér hann svona í fjarska er hann mjög flottur, engarr hrukkur sjást og hann er eins og smástrákur- hann er sum sé fjarskaflottur (flottur í fjarska). HInir strákarnir voru að niðurlotum komnir þegar hljómleikarnir voru á enda- það sást langaleiðir - semsagt fjarskaþreyttir en mick blés varla úr nös var samt soldið sveittur. Þeir tóku bæði gömul lög og ný
og það var flott þegar allur þessi fjöldi raulaði með eins og t.d. as tears go by. Svo var konunglegt að að sjá allt gamla fólkið syngja af mikilli innlifun I cnt get no satisfaction. Það var mikið sjó í kringum þetta allt eldur og uppblásnar varir og fl.
Þegar hljómleikunum lauk var enginn hlgðarleikuar að komast heimn. Þarna voru 60000 manns sem streymdu út á sama tíma og fólki var beint í strætóa sem keyrðu frá leikvanginum á næstu lestarstöð. Og alls staðarvoru biðraðir og fólk og virtust margir hafa fengið á heilann UH UHHH úr sympaty for the devil fólk gekk um og baulaði uh uhhhh í sífellum.a. lögga með hátalara sem var að leiðbeina fólki og stóð upp á e-m palli og og sagaði alltaf öðru hvoru uh huuuu og allir hinir tóku undir. Húmoristar þessir Bretar. Heim komumst við D'ora eftir 3 tíma ferðalag og værum örugglega enn í biðröð eftir taxa ef ekki hefði komið einn ólöglegur og við nöppuðum hann fyrir okurprís og Dóra var svo sæl að komast heim að hún tippaði okrarann ríflega og hann varð svo hissa og hann næstum valt niður úr bílstjórasætinu.
Við gömlu höltu konurnar orum ansi eftir okkur eftir þessar hrakningar og tókum við því rólega næsta dag þar til um kvöldið að við fórum á MAMMA MIA og þar var mikið stuð og gammen.
'A þriðjudagskvöldið fórum við svo heim og þann dag gerðist fátt merkilegt. við fórum bara á kaffihús og sluffuðum öllum heimsóknum sem við höfðum hugsað okkur eins og t.d. í Buckinghamhöll og fleira sem við ráðgerðum að fara að heimsækja. Lundúnadvölin var á enda .Þetta var búið aðvera mjög skemmtilegt hjá okkur Dóru en ég var skelfing fegin að komaheim. BÚIÐ.

Kafli 2 í Lundúnasögu.

2006-08-23T11:05:00.000-07:00

Síðasta kafla lauk með því að við Dóra stóðum fyrir framan Twickenham stadium með vitlausa miða og ég að því komin að fá taugaáfall. Skv. ráði starfskonu sem við snerum okkur til fórum við í miðasölu sem var heila þingmannaleið í burtu. Þar var rosaleg biðröð sem hlykkjaðist eins og biðraðirnar í Leifsstöð núna eftir vökvaterrorismann. Það var ekki um annað að ræða en að stilla sér aftast og reyna að hafa stjórn á innri spennu. Þarna biðum við örugglega í a.m.k. 1 klst og vissum ekki einu sinni hvort þetta var rétta biðröðin. Á meðan á því stóð kom maður sem átti einn miða sem hann vildi losna við. Dóra vildi fórna sér fyrir mig og sagði að það væri algjört sáluhjálparatriði að ég kæmist ´tónleikana svo ég skyldi kaupa miðann. Við skröpuðum saman öllum aurum sem við áttum og fengum miðann með smá afslætti. Við ákváðum samt að halda áfram í biðröðinni og þegar við komumst loks að kom í ljós að þetta var ekkert mál og við fengum miðunum skipt með det samme. Við vorum alltaf á nálum að Stóns byjuðu að spila á meðan við stóðum í þessu stússi - það gerðist þó ekki. Ég náði meira að segja að gera tilraunir til að selja auka miðann. Gekk um svæðið skuggaleg á svip eins og hver annar miðbraskari eða dópsali og vatt mér að fólki og spurði hvort það vantaði miða. En það gekk ekki og mér varð hugsað til allra heitu aðdáendanna sem fengu ekki miða á stónskonsert. What a waste eins og þeir myndu segja á Bretlandseyjum. Svo fór að rigna og ég ákvað að nú væri nóg komið og fór að troða mér inn á leikvanginn. Þar var mikil öryggisgæsla leitað á öllum. Þarna voru víst um 60 þús manns svo það var nóg að gera hjá þuklurunum.
Þegar ég komst loks inn á leikvanginn gekk ég beint að henni Maju Kristins hjúkku mágkonu Guðbjargar frænku minnar. Það varð mikill fagnaðarfundur. Hún var í bananastuði og óskapaðist mikið yfir því a við skyldum hittast í þessu mannhafi. Ég sagði henni frá raunum mínum og sló hana um lán svo við kæmumst heim eftir tónleikana. Hún hélt nú að það væri í góðu lagi og GAF mér fyrir margfaldri heimferðinni. Höfðinginn Maja.
Ætli þetta sé ekki nógur skammtur í dag............ Í næsta kafla verður greint frá Hljómleikunum sjálfum og stemmningunni OOHHHH MY GODDDDD

1kafli sögu frá London

2006-08-23T05:37:00.000-07:00

Hún María Ólafs vinkona mín úr Léttsveitinni skrifaði "komment" og hvatti mig til að segja ferðasögu jafnvel sem framhaldssögu og auðvitað brenn ég í skinninu að segja frá. Unnur Birna skrifaði e-ð á bloggið sem alheimsfegurðardrottning mátti ekki segja þannig að það þurfti að loka síðunni hennar um daginn. Ég man nú ekki út af hverju. En svona er það bloggið verður að vera hreinskilið þó maður sé alheimsfegurðardrottning eða fyrrverandi ungmey og núverandi fatlafól og Stóns aðdáandi eins og t.d. 'EG: og nú kemur sagan----- Tra la la lei
Við Dóra lögðum í' ann laugardaginn 19.ágúst á sjálfan menningarnæturdaginn - mér til nokkurrar hrellingar þ.e. að missa af öllu dúllumdeiinuí Rvk. En við vorum á leið á fund Mick Jaggers og félaga og var það nokkur sárabót. Við fórum með eftirmiðdagsflugi þannig að við komum á hótelið um kl 22 það voru því bara rólegheit enda gömlu konurnar þreyttar eftir ferðalagið.
Daginn eftir lögðum við í hann frá hótelinu eftir aðhafa raðað í okkur beikoni og pulsum og fleiru- sum sé "english breakfast. Þá fórum við á Portobelloroad í Notting hill og eyddum deginum á kaffihúsum og rölti og söfnuðum kröftum fyrir kvöldið (hljómleikana). Við vorum með langan lista yfir ýmislegt sem okkur langaði að skoða en við ákváðum að geyma það til betri tíma .
Hljómleikarnir og aðdragandi þeirra:
Svo fór nú að líða að því að hljómleikarnir hæfust. Við vorum bara flottar á því og tókum leigubíl út til Twickenham til að vera nú komnar tímanaleg og allt undir control. En NEIIIIIIIIIIIIIIIII þar se við stöndum fyri framan einn af inngöngunum tilbúnar til orrustu Segir Dóra af mikillingu stillingu- "En Bimba hér stendur að tónleikarnir séu 22. ág"- og guð hjálpi mér þarna stóð það rautt á bleiku 22nd og við sem ætluðum á tónleika þ. 20. áttum hins vegar pantað flug heim þ. 22. Er nokkur furða að maður(ég)SKAMMIST SÍN fyrir að hafa ekki lesið smáa letrið þvílíkur sauðsháttur.Nú megna ég ekki að skrifa meira í bili mórallinmn hvolfist yfir mig. Auðvitað á maður að LESA hvað stendur á miðum sem komnir eru alla þessa leið frá e-i bookingoffice Þar sem menn eru ekki læsir eða með' athyglisbrest eins 0g ég.

Nú tek ég pásu þetta er mér ofraun

komin frá London

2006-08-22T18:46:00.000-07:00

já ég er svona að spá í hvort ég á að segja ferðasöguna-hluti af henni er þannig að það er spurning.
Eg ætla að sofa á því í nótt.

Ellismellir

2006-08-17T13:08:00.000-07:00

Nú er ég byrjuð í líkamsrækt og sjúkraþjálfun hjá Oddu vinkonu minni úr Léttsveitinni. Hún er sjúkraþjálfari og ætlar að koma mér í stand. Ég erbúin að fara x2 og svei mér ef ég finn ekki mun. Það er nú eins gott því nú eru bara 2 dagar í að ég leggi í hann þ.e. á fund hinna rúllandi steina með Mick Jagger í fararbroddi. Það hefur ekkert frést frekar af heilsufari kappans svo hann hlýtur að vera til í slaginn. Ég var að hugsa um það að þegar ég var í Danmörku sjötíu og e-ð spiluðu þeir í Árósum en ég taldi mig ekki hafa efni á því að fara (við Sara vorum svo varkárar í peningamálum þennan dag - ég skil ekkert í þessu) og ég hef alltaf séð eftir því. Þá hugsaði ég að þeir væru orðnir svo gamlir að það væri kannski ekkert varið í að sjáþá. Þá hefði mér ekki dottið í hug að ég ætti eftir að upplifa þá 30 árum seinna - ó mæ godd.
Þetta er svlítið ruglingslegt hjá mér en þeir skilja sem vilja og geta hinir sleppa því bara.
Nú er sólin búin að skína í 3 daga, alveg síðan að SM hætti að vinna í garðvinnunni sinni svona getur þetta verið.
Í gær hittumst við gamlar skólasystur sem eru að undirbúa "reunion" Verslinga. Það eru sko 40 ár síðan við vorum í Versló svo er maður hissa á að e-ð sé farið að gefa sig. Ég segi nu bara eins og Jón Kr. á B'ildudal -Ég verð brjáluð..............

Ruslpóstur

2006-08-15T11:11:00.000-07:00

Ég er hreint að verða brjáluð á þessum andsk. ruslpósti. Þegar ég opna tölvupóstinn minn streyma inn endalausar runur af útlenskum nöfnum þar sem mér er boðið upp á tippalengingar eða rolex úr. Það er nú sök sér með úrin en þessi tippatilboð eru ótrúlega andstyggilega pirrandi.
Vita mennirnir ekki að stærðin skiptir ekki máli og lítil tippi lengjast mest -eru ekki ótal slagorð sem ganga út á þetta. En í fúlustu alvöru þá er þetta óþolandi og ég er verulega fúl núna.
Svo er ég á nálum líka. Ég er svo hrædd um að mick Jagger verði ekki búinn að ná sér af hálsbólgunni á laugardaginn þegar ég kem til London. Ég sem er búin að hlakka svo til. Er nokkur furða þó fúllyndið nái tökum á manni við þessar aðstæður. En það er ekki öll nótt úti enn.

2006-08-14T03:28:00.000-07:00

Nú er þesssi helgi liðin með pompi og pragt- Gay Pride, afmælisveislu og hvaðeina. Við GYlfi skálmuðum í bæinn og Sigríður Margrét ákvað að heiðra okkur með nærveru sinni og við fórum í bæinn til að taka þátt í gleðigöngunni. Þar var mikið um dýrðir að venju við stóðum í jaðri göngunnar og veifuðum og gláptum eins og þúsundir annarra . Það hlýtur vera stórkostlegt að tilheyra svona minnihluta hóp og vera svo frjáls og sátt(ur) að maður stígur fram og er stoltur af sjálfum sér og vera "eins og ég er " Mér finnst alltaf svo stórkostlegt að finna þessa stemmningu.
Það er svona svipuð tilfinning sem ég fæ þegar ég hef farið á stóra AAfundinn í Laugardagshöllinni á föstudaginn langa. Þar er þvílík stemmning- ekki þó af sömu tegund og í Gay pride- þar er líka hópur sem hefur átt undir högg að sækja og hefur náð tökum alla vega betri tökum á lífi sínu og maður finnur svo mikið þakklæti og mikla samstöðu að það snertir viðkvæmt hjarta mitt og ég hugsa með mér það hlýtur að vera stórkostlegt að hafa upplifað það sem þetta fólk hefur upplifað - að ná sér upp úr einhverju hyldýpi vonleysis og vera kominn á lygnan sjó. Og ég hugsa þegar ég upplifi þessar stemmningar í DAG er gaman að vera alki nú eða þegar ég fer á gay pride í dag er gaman að ver lespía eða hommi. Þetta voru smá hugleiðingar um hughrif. Manneskja eins og ég lendir oft í að hrífast með í ýmsu og þetta er dæmi um það.
Á laugardagskvöldið fórum við til Siggu Sig stórskálds sem er með mér í Léttsveitinni og sungum fyrir hana. Við vorum ca 40 Léttsveitarkonur og Sigga var grand á því og bauð okkur líka í afmælið sitt og eins og sannar Léttsveitarsystur létum við nú ekki segja okkur það tvisvar. Reyndar voru sumir lengur en aðrir eins og gengur en við gæddum okkur á forláta fiskisúpu og ýmsu öðru. Börnin hennar Siggu eru algerir snillar, sungu eins og englar fyrir hana mömmu sína óskaplega vel og skemmtilega, rödduðu og sungu fjórraddað eins og e- r proffar - kannski eru þau það ég veit það ekki. Svo steig fjölskylduhljómsveitin á stokk og þar komu m.a. fram tvö barnabörn Siggu og spiluðu á hljóðfæri og sungu af þvílíkri snilld og það gleymist seint.
Þvílíkt og annað eins.
Ég var í góðu stuði og það má þakka fyrir að ég hélt ekki ræðu ég var í svooooo góðu stuði. Var reyndar hölt og skökk og feit og stirð en lét það ekki aftra mér og steig dans, - já það var dans -þannig lagað og skemmti mér hið besta. EN var gersamlega búin þegar ég fór heim. Þarna hitti ég ýmsa sem ég hafði ekki séð lengi og það var líka voða gaman.

3 færslur í dag.byrja á þeirri neðstu

2006-08-10T02:55:00.000-07:00

Af kókostrjám og rifsberjarunnum

2006-08-10T02:34:00.000-07:00

Hvaða hvaða læti ég var ekki búin . Ýtti bara á save og þá hvarf þetta sjónum mér. Það er sem ég segi ég kann varla á þetta lengur. Þetta var heljarinnar mikið kvöldkaffi sem ég boðaði til og fékk auðvitð prik hjá þessum kjellingum, þær hélgu að ég ætti afmæli en ég varð að játa að tilefnið væri bara afþíðing. Svo langaði mig AUÐVITAÐ að sjá þær.
Hápúnktur kvöldsins var þegar ég sýndi þeim miða á Rolling Stones konsert í London þ. 20.ág. Við Dóra ætlum að drífa okkur- gömlu konurna haltar og skakkar en samt still going strong. Við munum passa vel við Keith Richard sem átti að hafa dottið niður úr kókostré en haft er fyrir satt þetta hafi verið rifsberjarunni- það er bara smartara að detta niður úr kókostré. En það verður sum sé ein allsherjar elli samkunda í London þ. 20. ágúst þegar ellismellir allra landa sameinast.
Af heilsufari mínu er m.a.o. það að frétta að ég er ekki alveg nógu sátt. EN é er miklu betri af P-inu en áður en ýmisleg öldrunar og hrörnunareinkenni eru að gera mér lífið leitt en er það ekki bara eðlilegt. Manneskjan komin á þennan aldur og búin að hrasa ótal sinnum um rifsberjarunna
Heyrumst

2006-08-10T02:07:00.000-07:00

Það lá við að ég væri búin að gleyma aðgangsorðinu það er svo langt síðan ég hef skrifað. Nú kemur færsla ágústmánaðar:
Mánuðurinn byrjaði á brúðkaupi Atla stjúpsonar mín og Önnu Svandísar þ. 5. ágúst. Það var haldið á Bolungarvík en þaðan er hún Anna og þar býr Sirrý mamma hennar. Við stormuðum vestur á föstudeginum og fengum inni í húsi sem var fengið að láni fyrir okkur. Það var alveg einstakt ð fleiri hús voru lánuð til að hýsa brúðkaupsgesti og eigendur fluttu burt á meðan. Sirrý tók á móti öllum með dýrindis fiskisúpu þegar við komum, það voru 50 - 60 manns
sem komu langt að - en það voru yfir 100 í veislunni. Brúðkaupið var mjög vel heppnað- brúðhjónin svo sæt og lukkuleg, athöfnin falleg, veislan skemmtileg, maturinn góður og allir glaðir. Að vanda tróðum við EInar Gylfi upp (gög og gokke) gerðum lukku. Fengum mikið hrós fyrir okkar framlag og það finnst okkur nú aldrei leiðinlegt eins og lesendur vita.
Við héldum heim á leið á mánudeginum en sunnudagurinn fór í að ganga frá salnum skoða gjafir og borða afganga. Það er svakalega langtað keyra í Víkina en mikið var gaman að koma þangað og bara sjá hvar hún Anna okkar sleit barnsskónum. Svo rifjaðist upp fyrir mér þegar ég var þarna fyrir tæpum 50 árum (!!) en það er mikið breytt síðan þá - ef það er eklki búið að rífa húsin sem voru þarna þá - eru þau komin á minjaskrá!! Svo vakti það nú óneitanlega gamlar og góðar léttsveitarminningar að koma þarna- það skilja þær sem voru með í ferð Léttsveitarinnar til Bolungavíkur. Það var aldeilis ógleymanleg ferð og Bolvíkingum rétt lýst svo grestrisnir og skemmtilegir.
Svo er eitt enn fréttnæmt sem hefur gerst í ágúst. Við Gylfi afþídddum frystiskápinn og þar dúkkaði ýmislegt forvitnilegt upp. Og ég bauð´í kaffiboð til að leyfa gestumað njóta afrakstursins

Saltfisk- og goslokahátíð

2006-07-18T15:20:00.000-07:00

Við héldum innreið okkar á Ísafjörð rétt um það leyti sem saltfiskhátíðin hófst svo það var bara skift niður á gistihúsin (við höfðum tekið frá fjöldann allan af gistirýmum) V ið Gylfi og Gunna lentum ´hjá skapmiklum manni sem sat á nærbuxunum einum fata og horfði á sjónvarpið vopnaður pípu (kvöld 2) en við gerðum stuttan stans hjá honum fyrsta kvöldið og drifum okkur á saltfiskhátíð. Þar hittum við fyrir Jóhönnu nokkra Þórhallsdóttur sem var aðal dífa kvöldsins og ein af saltfiskkokkunum. Það urðu fagnaðarfundir og er skemmst frá því að segja að kvöldið leið við saltfiskát og dans. Þar spilaði Saltfiskbandið hennar Jóhönnu þar var aðalsnillingurinn hann Villi Valli sem var aldeilis magnaður músíkant. 'Isfirðingar voru mjög spjallsamir og hressir og tóku óskaplega vel á móti okkur. Mjög margir höfðu séð myndina um kórinn og lýstu ánægju sinni með það.
Það rigndi heil býsn á meðan við vorum þarna fyrir vestan. Við þríeykið Gunna, Gylfi og ég fórum í VIgur og það var mjög skemmtilegt en BLAUTT. Við lentum með nokkrum kátum kerlum í ferðinni og sungum af hjartans list á leiðinni á meðan rigningin buldi á okkur alls kyns sjómannalög og rútusöngva svo allir Þjóðverjarnir sem voru með urðu hálf hvumsa.
Það er ástæðulaust að tína til fleira sem gerðist en mikið óskaplega var gaman.

Goslokahátíð
var næst á dagskrá en helgina eftir fórum við Gylfi til Eyja. Þá var yndislegt veður og Eyjarnar eins og þær gerast fallegastar. Við byrjuðum á halda hátíðina í garðinum hjá Helgu og Arnóri bakarahjónunum syngjandi sem minnir mig alltaf á ákveðnar persónur í Kardemommubænum
sbr. rakarann sem spilaði á klarinett og Hérstubb bakara sem söng. Arnór syngur og spilar undursamlega vel á gítar og tekur gömlu hippalögin svo vel að gamli fílungurinn tekur sig upp og maður fær gæsahroll (sett saman úr gæsahúð og hrifningarhrolli) og bakarafrúin Helga bætir um betur með sinni silfurtæru rödd og lyftir gömlu hippalögunum á æðra stig svo við liggur að maður falli í öngvit af sælu. Þau eru í Hippabandinu frá Eyjum ásamt fleiri snillingum og ætla að halda hippaball hér í stórborginni fyrri part komandi vetrar. Og það var haldin söngveisla í garðinum sum sé eftir að við höfðum hesthúsað dýrindis mat. Þar mættu hinir og þessir m.a. ekta hippapar frá Grindavík sem komið var af léttasta skeiði en þau höfðu engu gleymt. Heilsuðu og kvöddu með písmerki og sögðust eiga 9 börn. Þar kom líka Freyja hin fagra sem var illa haldin af söngfíkn og söng og söng. T'ok kröftuglega undir, kunni öll lögin eins og vanalega hvort sem það voru lög með Jethro Tull, Dylan eða Dónó-van frá því löngu áður en þetta skinn fæddist. Svona getur sumt fólk verið illa haldið af söngfíkn. Ó já.
Á eftir fórum við í sódómu og gómorru þeirra Eyjamanna Skvísusundið. Þar var músík í hverri kró Árni Johnsen o.fl.góðir og við þvældumst um og heilsuðum upp á vini og félaga. Göngulag mitt var í ágætu samræmi við hinna sem þarna voru svo ég kunni vel við mig. Það er svo gott og gaman í Eyjum.
DAginn eftir var svo mikil undurrblíða og viðfórum í"sightseeing" um eynna og fórum þá að gæla við þá hugmynd að gaman væri að eignast lítiið hús þarna og létum okkur dreyma.
Við gistum hjá Ágústu á hækjunni og Ástþóri við gott atlæti a ð venju.
Þetta var aldeilis fín helgi. ætli þetta sé ekki nóg í bili.

byrjun á Vestfjarðasögu

2006-07-18T12:13:00.000-07:00

Svei mér ef ég ætla ekki að skrifa svolítið. Ég segi eins og stjórnmálamenn sem ákveða að fara í framboð: Fjöldi manns hefur hvatt mig til að skrifa" svo ég læt undan þrýstingi."
Jú jú ég er komin að vestan var þar í fjóra daga og skildi við´ferðafélagana í óttalegu reiðileysi þar sem þau voru á leið áHornstrandir - segir ekki af þeim fyrr en þau komu til byggða. Þá kom í ljós að vegna slakrar veðurspár var hætt við Hornstrandir og í stað þess voru vestfirðir sunnanverðir þræddir án þess ég fari nánar út í þá sálma. Ferðirn byrjaði hins vegar á að við gerðum stans í Flatey þar sem við gistum á sitt hvoru stórbýlinu og fengum síðan konunglegan morgunverð hjá Ólínu með heimabökuðum hornum og ástarpungum. Veður var ekki gott fyrr en þarna um morguninn þá var þaða eins og það gerist best , sól, logn og blíða. Sjórinn spegilsléttur og svo fallegt um að líta að maður fylltist lotningu Allt var við það sama í Flatey, friður og ró ogg allir spakir. Reyndar kastaði Védís bíllyklunum sínum í stýrimann á Baldri og af honum hrökk hann í sjóinn. Þetta kostaði mikið vesen fyrir Védísi sem auðvitað á ekki að kasta bíllyklunum sínum í e-a stýrimenn sem verða á vegi hennar. Frá Flatey héldum við á Brjánslæk med Baldri og þaðan sem leið liggur á Ísafjörð með stoppi í Selárdal og safninu hans Jóns KR. á B'ildudal. Það verður nú að segjast eins og er að þó Jón Kr. hafi sýnt aðdáunarverða elju við að safna plötum og kynna gamla ´tonlist þá var mjög meira spennandi koma í Selárdal og sjá listaverkin þar, það var alveg stórkostlegt
meira síðar....

Gari gari

2006-06-30T03:34:00.000-07:00

Þá er þessi dagur loks upp runninn og við erum á leið út í Flatey og þaðan til Ísafjarðar á saltfiskdaga. Við erum16 eða18 sem ferðumst saman. Á mánudag förum við Gylfi heim en hinir fara á Hornstrandir. Ég er nú ekki komin í form fyrir það. Það mun verða tekið með trompi síðar. Stillingin gengur ekki alveg samkvæmt væntingum er ennþá með ýmis einkenni sem mér finnst mjög hvimleið. EN nýjasta nýtt er að ég er komin undir verndarvæng næringarráðgjafa sem ætlar að reyna að hjálpa mér að sporna við síaukinni þyngd. Á aðskrifa niður allt sem ég ét og það ersko ekkert smá. Það er nú samt svei mér gott að ég hef ekki misst matarlystina.
Í gærkvöld´fór ég í nudd dtil Guðmundu og hún fór um mig blíðum en ákveðnum höndum og ég var endurnærð á eftir og fór á konsert hjáGuðjóni Rúdolf. Hann fór allan tónskalann og sýndi og sannaði að hann getur gert ýmislegt vel annað en gari gar húfan mín svo var hann með dúndur góða hljóðfæraleikara með sér og þetta var mjög skemmtilegt. Mikið af góðu fólki sem ég þekkti og fín stemmning. Nú er mér ekki til setunnar boðið ég þarf að fara að pakka er svolengi að öllu svoleiðis. Hlakka óskaplega til að leggja í´ann.

2006-06-26T13:22:00.000-07:00

Stemmningin er á uppleið, þó árangur af Svíþjóðarheimsókn hafi ekki verið jafn góður og í fyrsta sinn. Ég er alla vega mun betri en ég var fyrir fyrstu aðgerð. Nú er bara og bíða og vona að hægt verði að gera mig stilltari. Hver veit nema það takist. Það þýðir ekkert að vera a ð væla - eins og Ólöf ríka sagði - nú er bara að hefna Björns bónda. Var það ekki einhvern veginn svona?!
ég get líka búist við betri árangri þegar þessi ógnar þreyta sem er í mínum gamla kroppi fer að minnka. Ég er búin að vera eins og ég hafi lent undir stórum sandflutningabíl og dregist síðan m,eð honum góðan spöl. Og speeeeekið það gerir þetta ekki auðveldara. Annars er nú soldið gaman að vera svona mjúkvaxin, það er ákveðin tilbreyting í því. T.d. spenningurinn hvort maður festist í stólum eða hvað það er notalegt þegar mjúk ístran leggst á lærin - alveg ný tilfinning.
Ég er búin að vera á töluverðu spani: á Hotel Heklu með "Lífi og sál" á föstudaginn, 2 útskriftarveislum á laugardag hjá jafn mörgum glæsilegum ungum konum, Jóhönnu ÝR yngstusystur Gylfa og Kristínu dóttur Þórunnar mágkonu minni, í guðdómlegu matarboði á sunnudag hjá Védísi og síðan fórum við Gylfi á Pétur Gaut á eftir svo það má sjá að það er ekki setið "auðum höndum". Annars mæli ég ekki með grand málsverði rétt fyrir Pétur Gaut það á ekki vel saman. Að horfa á öll þessi átök og dans við tröll og púka með fullan maga eins og "stuffaður"kalkúnn á veisluborði - það á bara ekki saman. Búið að plana næstu helgi Flatey á fö. og ísafjörður á lau. Hver sagðist vera lúin................ Ekkert að marka

2006-06-21T07:03:00.000-07:00

"Það er komið sumr sól í heiði skín" sungu Póló og Bjarki eða einhverjir af þeim á sínum tíma. Og eymingja Sigríður Margrét sem þraukaði í útivinnunni allan júní (það var einn dagur þar sem ekki rigndi stóð í mbl. í dag) er núna með flensu og er ósköp lasin. Við pössum fínt saman báðar svoddan lassarusar og ættum eiginlega að vera á lassarettinu en húkum hérna heima. Ég fór í stillingu til míns góða læknis Martins og hann reyndi að stilla mig en e-ð er ég of-stillt því ég er öll á iði eins og hérna áður fyrr- og fíla mig ekkert rosalega vel. En ´áður en ég var stillt af í gær var ég svo stirð og átti erfitt með að ganga svo það er ýmist of eða van. en nú nenni ég ekki að talaum það. Vildi bara vara ykkur við ef þið mynduð rekast á mig.
Í morgun kom hún Guðný sem er 92 ára vinkona mín og gaf mér nýbakað rúgbrauð fullt af hollustu; fjallagrösum og alls kyns kraftaukandi efnum svo þegar ég verð búin með það þá verð ég vonandi jafn hress og Guðný sjálf. Í fyrrakvöld fór ég með Ragnheiði Margréti og Freyju vinkonum mínum úr Létttsveitinni í kvennamessu hjá Auði Eir í kvennakirkjunni. Það var mjög skemmtilegt og kraftaukandi eins og alltaf að koma í kvennakirkjuna, Auður er svo skemmtileg og fyndin og t alar svo vel til manns og svo er svo mikið af góðum konum sem koma þarna.
Nú er víst komið alveg nóg.

Um útilegur og fleira

2006-06-19T04:18:00.000-07:00

Það er einhver undarleg birta úti- mér er sagt að þetta heiti sól. Kannast einhver lesandi við fyrirbærið? Kona á Austurlandi segist þekkja þetta úr sinni heimabyggð.
Hvað á þessi béfaða væta að þýða og rok með. Og nú er tími útileganna og grillanna á svölum að bresta á - hvað er til ráða. Klæða sig skynsamlega segja þeir sem eru sannir Íslendingar og það má vera. En ég minnist þess allra skiptanna þar sem ég hef staðið krókloppin úti í náttúrunni og nagað marineraða kótilettu úr B'onus og spýtt út ú r mér lopahárum og grasi en kyngt hinu eftirbestu getu og drukkið ískalt rauðvín með úr plastglasi.
En svo eru hin skiptin sem ég man eftir þar sem maður vaknar við fuglasöng og birkiilm og veltir sér út úr tjaldinu og nýtur þess að láta sólina baka sig (kannast e-r við þetta) og fá sér svo kaffi og samsölubrauð með osti. Lesendur taka kannskieftir að þunamiðja frásagnarinnar er matur, skrýtið. Og þá dettur mér í hug mild björt sumarkvöld þar sem setið er við tjaldskörina í fallegum lundi og snætt nýgrillað kjöt og volgt grillað brauð a la Sara oog myndarlegt salat og rauðvínið drukkið úr(plast)glasi á fæti eins og Karen Blixen gerði á sínum Afríkuárum (alla vega var það svoleiðis í myndinni!). Svo er kannski raulað á lágu nótunum "þýtur í laufi bálið brennur..... " eða annað í þeim dúr. Sú sem þetta skrifar er nýlega komin í flokk feita fólksins, er þvi löglega afsökuð að vera ekki ástríðufull fjallageit en ´málið er að það hefur alltaf verið svoleiðis , hef t.d. aldreikomið í Þjórsárver. EN hef reyndar á áttunda áratugnum gengið "Laugaveginn" frá Landmannalaugum í Þórsmörk og svo klifraði ég íHimalayafjöllum í heila viku en komst ekkert hátt held ég en e-ð í áttað Anapurna þar sem hinara frægu fjallageitur Odda oog Líney klifruðu hér um árið. Svo fórum við hjónin í mikla svaðilför með sjúkarþjálfurum á REykjalundi í Nýjadal minnir mig það heiti og þá var ég umþað bil næstum dauð það var svo erfitt, gott ef vatnajökull kom ekki við sögu í þeirri göngu.
Þett´er nátt´lega snarvitlaust fólk. EN mikil upplifun voru þessar fjallaferðir fyrir mig þessa antifjallageit, sérstaklkega fyrstnefndu ferðirnra tvær. Þegar við EInar Gylfi kynntumst hélt hann ég væri algjör fjallageit því ég sagði honum svo oft svaðilferðir og farir af fjöllum og hann fór að kalla mig Höllu (kona fjalla Eyvindar you sí) -bara grín. Svo komst hann að því að þetta voru bara sömu tvær ferðirnar sem mér varð svona tíðrætt um. En hann gaf líka af sér skakka mynd. Ég hélt hann væri svo duglegur að elda en hann kunni bara 4 rétti þegar til kom.....
Nóg um það ætla ekki Léttsveitarkonur að mæta í útileguna????

2006-06-17T12:57:00.000-07:00

Glæsipíur í Valencia

Dansað á torgum úti

2006-06-17T12:31:00.000-07:00

Jæja þá er ég búin aðlæra að setja inn myndir ég setti myndina af okkur Sössu en SM setti ungdomsbillederne, fannst ekki vanþörf á að sýna að móðir hennar hefur átt betri daga og mér fannst það í rauninni alveg ágætt hjá henni. Hæ hó jibbý jei það er kominn 17.júní. Anna Bentína og Grétar komu í kaffi og við horfðum handboltaleikinn. Ég veinaði svo mikið í lokin að mér er illt í hálsinum núna. Það er nefnilega þannigað ef ég tek þátt þ.e. horfi á leiki þá geri ég það af líf og sál.is svo ég sleppi því yfirleitt. Tími hreinlega ekki að eyða allri þessari orku í svona hégóma.
Ég er ekki ennþá búin að ná mér á strik svo ég fer ekki mikið út á meðal fólks. En ég fer í stillingu á þriðjudag og vona að ég hætti þá að vera vanstillt og asnaleg. Upprisuhátíðinni verður því frestað enn um sinn. Kannski sleppi ég henni ef ekki næst betri árangur. Við Gylfi hefðum nú haft gaman af að dansa smá polka eftir harmonikkutónlist við morgunblaðshöllina í kvöld en það gerði ég síðast fyrir 45 árum á 17 júní og sló mér smá upp þ.e. vangaði hann Jón og hné næstum niður ég varð svo slöpp í hnjáliðunum. Nú er það sama uppi á teningnum nema ástæðan fyrir slappleikanum í hnjánum er af öðrum orsökum. Tíminn líður trúðu mér.

2006-06-17T12:27:00.000-07:00

Þarna erum við SASSA sæta á trönsuklúbb í Valencia

ungdomsbilleder

2006-06-17T12:12:00.000-07:00

Sigríður Margrét er að hjálpa mér að setja inn myndir á bloggið mitt, þetta er bara svona smá prufa.

Svefnskrif

2006-06-16T02:20:00.000-07:00

'Eg má til með að láta ykkur vita að ég er í þokkalegasta standi og bullið í síðasta pistli kemur til af því að ég hreinlega sofnaði við tölvuna. Var nýbúin að sofa yfir Lost í sjónvarpinu og fór sv oað skrifa og þetta var útkoman. Svei mér þá. En mér fannst þetta e-ð svo fyndið í gær kvöldi (nótt) að ég lét þetta gossa. En manneskja sem er nýbúin að fá víra í hausinn á ekki að gera svona, þá halda allir að það hafi orðið"kortslutning" eins og sagt er á dönsku ég veit ekki hvað það heitir á ísl. ég vildi því bara láta vita að ég er í þokkalegasta standi en skrifa alltaf svona þega ég er sofandi.

afmælisveisla

2006-06-15T17:54:00.000-07:00

Strax farin að slaka á í blogginu en skrifaði í staðinn pistil um mömmu mína sem varð níræð í dagog ég flutti í afmælisveislu hennar í dag. Ég held hún hafi ekki náð þvíen aðrir viðstaddir gerðu það. Mig langaði að minna okkur á þá daga þegar hún var og hét. Vinamörg, skemmtileg, dugleg, þrautseig og greind. Þegar hún hélt stór matarboð, las þýsku og dönsku með stúdentefnum, bakaði eldaði prjónaði flottar peysur og reyndi að gera mig kvenlega og pena stúlku en var´lítið ágegnt í þeim efnum. hrópuðu vinkonur hennarþear þær sáu mig- hún er öll í föðurætttina. Ég vissisvo sem hvað það þýddi alla vega var ég ekki fínleg og kvenleg. það varð mér fljótt ljóst.
Við héldum veisluna á gamla heimilinu hennarí Grana skjóli 12 . Sína hafði yfirumsjónmeð því dæmi með dyggri aðsoð frá Þórunni þær mágkonur mínar elskulegar sáu um veitingar ásamt Sóma og var aðeins nánasta skyldfólki af hennar kynslóð boðið því mikið margmenni er henni ofviða. Hún sat/hékk í hjólastólmum og var svo lítil og grönn að hún var eins ogl ítill fugl. Það væri nú sök sér ef það væri eina fötlun hernnar. nú er hún að verða svo illa áttuð og ófær um samskipt. Svona getur helvítis parkinson leikið fólk grátt. En ég er svo heppin að ég lifi á tímum þar sem ég eygi von. En hún mamma hefur tekið veikindum sínum af þvílíku æðruleysi að það er einstakt.
Alla vega var þetta ´góður dagur með góðu fólki. Ætli það sé ekki best að taka upp léttara hjal
eða kannski bara tala æpásu hér pg slrtofa meira síðar (ég er orðin svo syfjuð að það er ekkifyndið eins og hún Sassa mín í Valemvia mundi segja ´) en ég er að hugsa um að leyfa öllum prentvillunum að vera þá getiði séð bullið.

Heim a thridjudag!!!!!!!!!!!!!!!!!!!!!!!!!!

2006-06-12T03:44:00.000-07:00

Eg verd ad segja ad "commentin" ykkar eru svo falleg os skemmtileg ad eg verd öll heit af takklaeti fyrir ad eiga svona skemmtilega og hlyja vini og fjölskyldu. Takk takk. Langar oft ad svara thannig ad naest megid thid lata netfangid ykar fljota med. Kannski verdur thad nu ekkert naest thvi ad vi erum buin ad fa fararleyfi og komum med kvöldvel a morgun thridjudag . Tha tekur Martin saensk/islenski rafveitustjorinn vid stillingarstussinu. Audvitad hlökkum vid mikid til ad koma heim thad verdur yndislegt.
Annars attum vid godan dag i gaer. Vorum hja Hjálmari og Ninu hans konu í allan gaerdag i besta yfirlaeti , fengum grilladan kjulla og jordgubbar i eftirrett og spjölludum mikid. Svo seinna um daginn keyrdu thau med okkur til MAlmö ad skoda snúin hús o.fl. Frabaer dagur. Um kvöldid forum vid Gylfi a KÒR konsert i allra heilögustu kirkjunni herna rett hja. Thad var osköp fallegt en frekar leidinlegt mundi eg segja og eg veinadi ur hlatri i huganum thegar eg bar saman stjornandann og hana Johönnu okkar i Lettsveitinni. Hann var a svipudum aldri og hun (eg sa thad i programminu) og thad var sko langt i fra ad hann dilladi ser eda syndi eitthvert lifsmark nema tha helst thegar hann slo af. En thad fara ekki margir i sporin hennar Johönnu. Konan hans hjalmars thekkti hana ur 4 klassískum sem höfdu komid hingad og hun var yfir sig hrifin.

Sólríkur dagur í Lundi

2006-06-10T11:09:00.000-07:00

Nú er fagur dagur i Svíaríki. Samt erum vid búin ad troda okkur inn á netkaffi, tví trátt fyrir góda daga verdum vid ad blogga. Ekki satt? - Vid aetludum ad nota taekifaerid og upplifa HM stemmingu med Svíum og fórum á veitingastad í Stadsparken (sem er glaesilegt útivistarsvaedi) tar sem hafdi verid auglýst "VM-fest". Tegar vid maettum var hvert saeti upptekid. Og trátt fyrir ad Gylfi gengi um med "Icelandic Olympic Team" á bakinu fengum vid ekkert saeti. Tarna var búid ad setja upp tvo stóra skjái, en tad sást lítid tví tad var svo mikil sól og svo biludu taekin um leid og flautad var til leiks. Tetta var nú eitthvad annad en fordum tegar Danir sýndu á Rádhustorginu á RISASKJA, og mikil stemming ríkti. Enda Danir svo flinkir ad skapa stemmingu. - Í stad tess ad horfa á fótbolta, röltum vid um gardinn og dádumst ad gródrinum, eina ferdina enn. Svona getur farid fyrir fótboltaaddáendum í útlöndum.
Ádur en vid lentum í tessum fótboltaraunum, voru heilmiklar stillingar á veitukerfinu hjá mér, en tad hefur gengid á ýmsu í teim efnum. Tetta gengur ekki alveg samkvaemt vaentingum. - Haldidi ekki ad hann Hjálmar hafi toppad ljúfmennsku sína med tví ad bjóda okkur gömlu hjónunum heim til sín á morgun?! Líklega er tetta vegna tess ad tau hjónin horfdu saman á myndina umKórinn í gaerkvöldi. Eg skil nú ekkert í hvernig tau komust yfir hana! Vid aetlum ad sjalfsögdu ad faera teim góda gjöf; og getidi hvad tad er? Haldi ekki ad eg hafi rekist á Léttsveitardisk í ferdatöskunni. Hann Gylfi hlytur ad hafa laumad honum tangad, hann er alltaf ad hlusta á tetta. - Haldidi ekki ad tad verdi gaman fyrir hann Hjálmar ad spila Léttsveitardiskinn fyrir sjúklingana sem hann er ad krukka í. - En finnst ykkur ekki ljúft af teim hjónunum ad bjóda mér svona vanstilltri og mínum manni sem er nú kannski einum of stilltur eins og tid vitid. En vid hlökkum alla vega mikid til.
Nýjustu fréttir af Elnu eru, ad hun segist vera leidinlegasta kona í Svítjód og tad sé skömm af tví hvad hun tali mikid. Hún er ósköp döpur yfir ad komast ekki heim til sín og graetur stundum yfir tví, tessi elska. En hún var ósköp glöd ad sjá okkur í morgun tegar vid kíktum til hennar. Hún hefur alltaf miklar áhyggjur af hvar Gylfi sé nidur kominn ef hann er ekki med mér. Tegar ég segi henni ad hann sé á hóteli, fussar hun bara. Hun er voda hrifin af Gylfa, og lai henni hver sem vill!
Nú er eg loksins komin med "skarf", svo Léttsveitarhatturinn hefur fengid frí um sinn. Nú geng ég um med skarf á höfdinu, en tad vekur samt enga sérstaka athygli hér í Svítjód. Hvad aetli Eyjamenn segi tegar ég maeti á Goslokahátídina med skarfinn minn á höfdinu. - Nu er ordid ótolandi heitt hér á netkaffinu og ég finn ad eg sit á fléttu akfeitrar konu sem situr beint fyrir aftan mig. Tvílík flétta! - En talandi um fitu, tá segir Hjálmar ad tad sé rannsóknarefni hvad fólk fitni mikid sem fer i tessar adgerdir. Tad hefur komid til tals ad nota tessa adferd á anorexíusjúklinga. Tannig ad tad er bara mjög edlilegt ad ég sé ordin svona vel í holdum. Svo tölum vid ekki meira um tad. Bless!

Utskrift a sjuklingahotelidi Lundi

2006-06-09T02:42:00.000-07:00

Eg sit her i tölvuverinu a spitalanum og er bara i allra penasta formi (VILDI SEGJA THOKKALEGASTA EN THAD ER EKKERT THonn) Their sem skilja thetta fa nobelsverdlaun edaeitthvad i theim dur. Eg er komin i min borgaralegu klaedi og buin ad setja upp lettsveitarhattinn og mala mig i framan og svei mer ef thad hefur ekki hjalpad- eg er ekki eins sjuklingaleg og eg var adur. Eg a ad utskrifast a eftir a sjuklingahotelid og tha getum vid ekki lengur sent blogg af thvi tha erum vid ekki lengur med okkar eigin sima.Vorum med sima a spitalanum sem var skradur a heimanumer okkar thess vegna ggatum vid kublad tölvuna inn. Vonandi komumst vid a netkaffi nidri i bae.
Dagurinn i dag er miklu bjartari en i gaer tho vedrid se miklu grarra. Sem sagt mer lidur betur og slaemskan fra i gaer (otholinmaedin) er a undanhaldi.. Nu kemst eg vonandi nidur i bae d kaupa mer slaedu eda "skarf"eins og thad heitir a saensku. Alltaf ad laera ny ord. Myssigt,gulligt,kul,fika,konstigt,himla,bullar,hemskt,mjölk,fil,grädda svona gaeti eg haldid afram en eg aetla ekki ad threyta ykkur a t hvi. Ef einhverjir aetla ad leggjast i saenskunam og byrja a thessu tha myndi eg ekki maela med thvi thvi stafsetningin er ekkiendilegga rett.

þolinmæði óskast - má vera notuð

2006-06-08T11:47:00.000-07:00

Nú hrjáir mig slæmska sem er nú á venjulegri íslensku kölluð óþolinmæði eða morbus intolerence. Þetta er leiðinda sjúkdómur sem leggst á líkama og sál. Þetta er að ganga hér á stofunni- Elna byrjaði með þessa veiki, vildi fara heim ekki seinna en í gær. Og í dag sat þessi litla elska og grét yfir að mega ekki fara heim í íbúðina sína á 4.hæð-“ingen hiss” bætir hún alltaf við. Mín óþolinmæði gengur hins vegar út á að mér finnst ganga alltof hægt að að ná mér á strik. Og ég er svo óendanlega þreytt og úthaldslaus.
Gylfi snýst í kringum mig, svo ég þarf lítið að gera. Við förum í göngutúra tvisvar á dag og fáum okkur kaffi og með því í kaffiteríunni. Svo sitjum við svolítið á bekkjunum þar sem stendur röykning forbjuden. Þar er allt í stubbum svo greinilegt er að það eru margir sem taka ekki eftir skiltunum.Þannig líður dagurinn- svakalega viðburðarríkt líf!!. En það verð ég að segja að gróðurinn hérna er stórkostlegur á þessum tíma árs, trén í blóma sírenur í ýmsum litum, gullregn o.fl.í þeim dúr. Sem sagt dagskrá tveggja síðustu daga hefur verið: Morgunmatur- Gylfi mætir á svæðið. Útivera (Gönguferðir og gróðurskoðun)- morgunlúr -middagsmatur -út á bekk í stubbaskoðun,- upplestur (Gylfi les úr draumalandinu eftir andra snæ) bloggskrif,- eftirmiddagslúr-spjallað við bændur- kvöldmatur-spjallað aftur við bændur þ.e.innfædda-stubbbaskoðun – háttatími Þetta minnir á stundarskrána á Reykjalundi þegar ég VANN þar. Bestu kveðjur á Reykjalund og til ykkar allra.

Bakslag með skýringum

2006-06-07T10:25:00.000-07:00

Þar sem Bimba var ekki í stuði til að skrifa, bað hún undirritaðan að setja inn eftirfarandi punkta:
Þetta hefur verið erfiður dagur, en þó hefur óneitanlega ræst úr honum. Bimba svaf illa í nótt, var með slæma magakveisu, þar sem hún þoldi illa sýklalyfin. Þegar Hjálmar kom undir hádegi og bætti á strauminn hafði það engin teljandi áhrif. Eftir smá göngutúr úti í sólinni og heimsókn á bókasafnið var mín orðin gjörsamlega úrvinda og átti erfitt með gang. Við komumst þó klakklaust upp á deildina aftur og þar svaf hún fram eftir degi. Þetta var óneitanlega bakslag frá því í gær. Ástæðurnar fyrir þessu bakslagi virðast nokkuð ljósar og sem betur fer hægt að ráða bót á. Eftir að búið var að stemma af magakveisuna fengu Parkinsonlyfin næði til að verka og stutt heimsókn út í sólina seinni partinn gekk mun betur. – Hjálmar og félagar segja þessa þróun eins og við væri að búast miðað við aðstæðurnar og engin ástæða til að vænta annars en sama árangurs og þegar best lét. - kveðja Einar Gylfi

Það er mörg dúllan

2006-06-06T11:37:00.000-07:00

Við erum tvær stöllur á stofu. Það vill svo vel til að ég er á stofu með heilabilaðri gamalli konu sem heitir Elna og er ótrúlega sæt. Hún er alltaf að pakka og drífa sig heim, eins og heilabilaðra kvenna oft er siður. Í dag er þjóðhátíðardagur Svía og það var hátíðarprógramm í sjónvarpinu og við sátum og drukkum kvöldkaffi, þá allt í einu byrjaði Elna að syngja titrandi röddu sænska þjóðsönginn. Það var svo “rörende” að sjá þessa litlu grönnu konu með úfið hár, sitja þarna og syngja þjóðsönginn sinn, að ég bara táraðist. Kannski svolítið viðkvæm núna. En það er nú líka út af dottlu. Svo rann hátíðleikinn af henni, þegar roskin Presley-eftirherma steig á svið og söng “King Creole”. Þá spratt mín á fætur og tók létt dansspor og klappaði þegar lagið var búið. – Þið sem eruð fyrir gamalt fólk, þið getið örugglega séð þetta fyrir ykkur. – Annars bíðum við eftir Hjálmari, sem ætlaði að hleypa straumnum á í dag, en hefur verið upptekinn við að skera í allan dag. – En okkur leiðist ekki. Við erum hér á 11. hæð og horfum yfir Skán baðaðan í kvöldsólinni. Við sjáum náttúruvænar vindmyllur og Stórabeltisbrúna í fjarska, - og þökkum Almættinu fyrir að allt virðist vera að ganga eins og best verður á kosið.

aðgerð - andvaka - hvíld

2006-06-06T05:00:00.000-07:00

Þá er ballið byrjað að nýju. Ég komin á Lassarusarettið í Lundi sköllótt með sárabindi um hausinn. Var í aðgerð í gær sem tók mjög á, svo nú vona ég að þetta gangi í þetta sinn. Allir tóku vel á móti mér. Á skurðstofunni var “Rubber Soul” strax sett á fóninn. Þau höfðu sem sagt engu gleymt. Mér fannst þetta mun erfiðara en síðast, enda er ég orðin eldri. Þetta tók allan daginn frá 11 að morgni til 8 um kvöldið og Hjálmar stjórnandi virkjunarframkvæmdanna vann sitt verk af landsþekktri færni og ljúfmennsku. – Svo tók við andvöku nótt á “uppvakningadeildinni”. Kannski eðlilega, fólk á líklega ekki að sofa á uppvakningadeild! Þar fékk ég mjög óvenjulega meðferð, miðað við það sem ég þekki héðan. Þar var sjúkraliði, sem líklega dreymir um að verða læknir. Sá lét frústrasjónir sínar bitna á mér, m.a. áleit hann mig vera pillufíkil þar sem ég vildi fá Parkinson-lyfin mín og skammaði mig fyrir að þurfa pissa of oft. En sem betur fer lifði ég þessa nótt af og er sem sagt komin á mína gömlu góðu deild, þar sem allir eru svo góðir og indælir. En ég ætla ekki að skrifa meira núna, því ég er lurkum lamin og ofsalega þreytt eftir erfiða andvökunótt. – Helga og Gylfi eru hérna hjá mér. Komu færandi hendi með kaffi og fullt af súkkulaði. Það á nú við mig! Svo fékk ég í eftirrétt svenska kjöttbullor og köku sem skartaði sænska fánanum í tilefni dagsins. – Við hjónin í blíðu og stríðu sendum ykkur öllum hjartans kveðjur og þakkir fyrir hlýjar hugsanir og góðar kveðjur.

Afangaskyrsla fra Lundi

2006-06-05T04:37:00.000-07:00

Her kemur stutt skyrsla um stodu mala hja okkur (bidst velvirdingar a ad islenska stafi vantar):
Eftir solrikan en vindasaman dag i Lundi forum vid Bimba a deildina um 6-leytid i gaer. Adur en vid forum upp a deild komum vid vid i kapellunni, kveiktum a kertum og forum med baen. - Brosmild og hlyleg hjukka tok a moti okkur, spurdi naudsynlegra spurninga og lagdi Bimbu ymsar lifsreglur. Vid gerdum ymislegt til ad stytta okkur stundir. Bimba reyndi sig meira ad segja vid Sudoku, en lagdi tad fljotlega fra ser, med teim ordum, ad tetta vaeri einum of rökraent fyrir sig! Ekkert plass fyrir hvatvisi og skapandi frumkvaedi. Ta vaeru krossgaturnar nu betri. - Adgerdin atti ad byrja kl. 8 i morgun, en var frestad til 11 af taeknilegum/skipulagslegum astaedum. 10:00 kom sa godi drengur Hjalmar a stofugang (yfirmadur virkjunarframkvaemdanna), tad var gott ad heyra rolegar og yfirvegadar utskyringar hans. Tegar vid kvöddumst, var Bimba hin rolegasta, hafdi m.a. dottad yfir upplestri minum ur "Draumalandinu" (tok titilinn einum of bokstaflega!) og reyndar dottadi hun lika i midri spurningu i Trivial. Sem sagt afsloppud og tilbuin i ad lata Hjalmar og co virkja stifluna. Tegar tetta er skrifad stendur adgerdin yfir og ovist hvenaer henni lykur. - Helga Jons, fraenka Bimbu kom rett adan fra Köben. Hun er her öllum hnutum kunnug og sleip i saenskunni. Mikill lidsstyrkur i henni. - Ad lokum vil eg takka fyrir allar hlyju kvedjurnar, baedi her a sidunni og sms. - Hjartans kvedjur Einar Gylfi

Vekjum athygli á þessu:

2006-06-04T02:38:00.000-07:00

"Á mánudagsmorgun kl. 11 ætlar hún Auður Eir að leiða svona hlýlega og notarlega bænastund hjá Kvennakirkjunni á 4. hæð í Kjörgarði (gengið inn frá Hverfisgötu). Síðast gerði þetta okkur sem heima sátum gott og við trúum því að það geri þér gott líka. Þú mátt gjarnan láta þetta berast, það eru allir velkomnir." - Freyja

kv.
Bimba og Gylfi

smá viðbót

2006-06-02T08:00:00.000-07:00

Smá viðbót af því ég komst í tölvu hjá Hjalta og Lindu í Kbh. Við vorum að koma hingað og ég rauk strax í tölvuna að koma frá mér pósti. Annars erum við að fara að fá okkur kaffi og með því úr dönsku bakaríi. Hér er Pétur líka mættur. Hann er reyndar nýbúinn að vera heima. Það var mikið grín og glens. Vinir Péturs stóðu á tröppunum heima með risa stóran "pakka" eða stóran svartan plastpoka og í honum leyndist Pétur í allri sinni dýrð og við lá að ég fengi hjartáfall þegar hann spratt út úr pokanum. Vinirnir höfðu þá boðið piltinum heim og þar var hann í heila viku.

Í morgun talaði ég við svæfingarlækni, það var skrautlegt samtal hann Arabi og ég ÍSlendingur eins og þið vitið og svo bjöguðumst við á okkar bestu sænsku sem ekki var beisin. Vonandij hefur þetta ekki afdrifaríkar afleiðingar!! En alla vega var hann mjög kurteis þó ég skildi nú ekki allt sem hann sagði.
´Nú verð ég í fríi þar til kl 6 á sunnudag og við ætlum "heim" til Lundar á morgun (laugardag) og eyða deginum þar í rólegheitum.
Síminn á sjúklingahótelinu er 0046 46178645 svo mun ég fá síma á spítalann en ég veit ekki nr.

Það gæti orðið mál að senda blogg því við gleymdum símasnúrunni andsk. vandræði en við sjáum til.

2006-06-02T07:56:00.000-07:00

Nú er vor í Lundi hjá okkur Gylfa, sólin skín eftir og það ringdi duglega á okkur þegar við komum út af járnbrautarstöðinni. Nú vorum við á þekktum slóðum svo það var ekki neitt vandamál að komast upp á Lassssarettið. Eftir að hafa losað okkur við ferðatöskurnar á sjúklingahótelinu var haldið á spítalann upp á 11.hæð þar sem vel var tekið á móti okkur.
Það var hálf undarleg tilfinning þegar starfsfólkið sagði “hvor herligt at se dig” og annað í þeim dúr og ég fann að ég var líka glöð að sjá þau og kvakaði e-ð í sama dúr– svo urðum við hálf vandræðaleg þegar við áttuðum okkur á hvað við vorum að segja..
Hjálmar mætti strax á staðinn og var jafn ljúfur og venjulega. Hann er nú verktaki ekki lengur rafveitustjóri og mun ráðast í virkjunarframkvæmdirnar á mánudag með sínum vinnuflokki.
Ég er alveg róleg yfir því, treysti þeim fullkomlega.
Eftir að ég kom hingað er ég með góða tilfinniingu gagnvart þessu öllu.
Ég fór í einhverja úttekt hjá verktakanum og á svo að halda því áfram á morgun en eftir það förum við í helgarfrí fram á sunnudagskvöld. Þá munum við Einsi kaldi fara til Kbh. Og heilsa upp á ungviðið Pétur, Hjalta Lindu og Nínu. Þetta er því eins konar framlenging á sumarfríi þar til verkið hefur hafist.

Í morgun þegar við komum á flugstöðina var þar algjör kaos biðraðir hlykkjuðust um allan salinn alveg út á götu. Nú hefði ekki verið nóg að mæta 1 klst fyrir brottför og það er ekki hægt að skrá sig inn sjálfur nema að hver einstaklingur hafi sitt bókunarnr. Bara smá praktískar upplýsingar fyrir þá sem eru á leið til útlanda.
Mittt í þessu kraðaki hittum við Kristjönu Óskars vinkonu mína sem varð til þess að við fengum að njóta samvistanna við hana á leiðinni. En geðvond flugfreyja kom mér alveg út stuði hún skammaði mig af því ég bað hana um mjólk í kaffið og ég varð svo reið, Svo lét hún illa við fleiri – oj barasta. Ég held hún sé e-r Séðogheyrt gella. Alla vega ætti hún að fá sér aðra vinnu –kannski bara haldaa sig við að vera “aðeins í séðogheyrt.” Þær eru alltaf svo sætar og góðar þessar indælu stelpur svo þetta var alger undantekning. En nóg um það – hálf fíflalegt að eyða tíma í að rausa um þetta. En mér varð svo misboðið.
Ekki finnst mér við hæfi að ljúka þessum pistli á neikvæðum nótum svo að lokum: Nú er komið kvöld . Við hjónin röltum hér um nágrennið og dáðumst að sírenum fjólubláum og hvítum og fleiri trjám svo tignarlegum og flottum. Lundur er fallegur bær og það er gaman að fá sér frískt loft hér með sínum.

framh.

2006-05-30T16:16:00.000-07:00

Hér kemur smá viðbót við blogg vikunnar: Ég gleymdi að segja frá því að við sáum Cirkus Soleil sem var alveg frábær. Það er cirkusinn sem sýndur er á gamlársdag í sjónvarpinu þið vitið.
Við mæðgurnar vorum óskaplega ánægðar með þessa viku í Valencia, nutum þess að vera í góðum félagsskap Valenciubúanna og líka með hvor annarri, það fór svo vel á með okkur. Það var gaman að upplifa dóttur mína við alls slags öðruvísi aðstæður en venjulega, fylgjast með hvernig hún spjallaði á ensku og Þ'YSKU (það var nú ekki mikið), hvað hún var ljúf og kát. Ég var svooooo stolt af henni.
Nú er ég búin að vera heima í bráðum 2 daga en fer nú til Lundar á fimmtudagsmorgun og svo verður hleypt straumi á á mánudaag (fer m.ö.o. í aðgerðina) Þannig að þetta er að bresta á.
Það verður nóg að gera á morgun- útrétta ýmislegt, þvo , pakka, tala í símann o.s.v.
Ég fer með litlu ferðatölvuna adftur út og reyni að blogga.
Að lokum - Ég fóe ril mömmu í dag. . Hún lá í rúminu og var óskup lasin og skjálfandi - en mér fannst hún þekkja mig. Nú er ég farin að sjá fimmfalt svo ég hætti núna

frá valencia

2006-05-30T09:36:00.000-07:00

Við Sigríður Margrét erum komnar aftur heim úr okkar Spánarreisu sem var afar vel heppnuð. Við vorum í besta hugsanlegu yfirlæti hjá Sössu og Arnóri og þeirra sonum Eyþóri og Ástþóri.
Fyrstu 4 dagana voru Úgga og Eyþór foreldrar Sössu og gamlir vinir mínir frá því í Versló líka með okkur og með í að gera þessa ferð jafn ógleymanlega og raun bar vitni. Svo á miðvikudeginum fóru þau til Skt. Pétursborgar og þá fengum við íbúðina þeirra til afnota en fram að því bjuggum við hjá Sössu. Allir voru svo elskulegir og hlýlegir við okkur. Þau voru óþreytandi að fara með okkur á spennandi staði, veitingastaði sem okkur hefði aldrei dottið í hug að fara á, hjólatúra og bara nefndu það. En svo tókum við stundum lífinu með ró og lágum á ströndinni en SM fór einu sinni út á sjó á kajak en sú sem þetta skrifar er alltof stirð fyrir svoleiðis ferðalög. Við fórum á drag-stað þar sem var frábær matur og svo var "dragshow" á eftir. Þar sáum við flottustu mannveru mann/konu sem við höfum augum litið - yfir tveir m á hæð og sú hin sama skellti sér í split við fætur mínar. 'Eg sagði nú bara "eins og maður geti þetta ekki" en leyfði henni að baða sig í aðdáun fólksins vildi ekki skyggja á hana svo ég sleppti því að skutla mér niður við hlið hennar. Æi alltaf svo lítillát.
Þau krakkarnir hafa það svo fínt þarna ía Valencia, búa alveg niðri við sjóinn á stað sem heitir Port Saplaya og er svona úthverfi frá Valencia. Þarna er mikið af nýlegum íbúðum buggðar í svipuðum stíl og fullt af veitingastöðum af öllum stærðum og gerðum. Þau eiga fullt af vinum og kunningjum.
Nú tek ég pásu því ég er búin að fá gest.

Styttist í Valncia - og Lund

2006-05-18T03:33:00.000-07:00

Nú fer að líða að því að við Sigríður Margrét höldum til Valenciu. Unga stúlkan fer í síðasta prófið á morgun - og er svo fegin að próftörnin er bráðum á enda að hún getur varla einbeitt sér að þessum lokahnykk. Svo verður haldið af stað á sunnudag til Spánar. Við ætlum að eiga þar gæðaviku hjá elskulegum vinum okkar. Við mæðgur höfum núu áður farið saman og við hlökkum mikið til að eiga saman þessa viku. En ég þarf ýmislegt að afreka áður en við förum. T.d. verða seinni tónleikar Léttsveitarinnar á föstudag og ég hvet auðvitað alla sem eiga heimangengt og hafa gaman af að hlusta á skemmtilega og fallega tónlist að koma!!! Þeir sem komu á þriðjudaginn og ég hef heyrt af og í voru mjög hrifnir og ánægðir með okkur. Það er mikið á sig lagt fyrir listina, við stóðum upp á endann í einn og hálfan tíma og ég var algerlega búin á eftir og var ansi eftir mig í gær en nú finnst mér ég vera búin að ná mér. En þetta er ótrúleg tilfinning að vera í þessum hópi, fá að taka þátt og vera hluti af dæminu. Og sjá hana Jóhönnu stjórna þessum "massa" hvernig hún með mjaðmahnykkjum og svipbrigðum stjórnar okkur. Ekki nóg með það á þriðjudaginn var hún slöpp og lasin en gaf ekkert eftir, bara snýtti sér svona laumulega þegar færi gafst. Kraftaverkakona.
Kl. 7 morgunin eftir vorum við svo mættar (30 stk) á Arnarnesið því við vorum afmælisgjöf , þar sungum við fyrir fertugsafmælisbarn sem kættist mjög og svo vorum við trakteraðar með kampavíni og sæder, ekkert Árborgarsukk þar.
Þegar við SM komum frá Valencia þá fer nú heldur betur að styttast í Lund með tilheyrandi kroppi. Verð heima í 3 daga og svo förum við Gylfi minn.
Ég mun ekki hafa mikinn tíma eins og alþjóð sér og bið ykkur vel að lifa og hlakka til endurfundanna sem vonandi verða skemmtilegir !!!

Smá viðbót

2006-05-13T23:37:00.000-07:00

Ég ætla að minna á Léttsveitartónleikana sem verða núna á þriðjudag og föstudag, kl 20.30 í Langholtskirkju. Þetta verður annasöm vika. Svo verður "happeningið" frá Nýlistasafninu á laugardaginn þar sem nokkrar úr Lléttsveitinni taka þátt í að flytja "hljóðverk" voða spennandi. Það verður flutt í listassafninu í Hafnarhúsinu um kvöldið. Þessu öllu fylgja æfingar og stúss. Svo það verður nóg að gera, æi nú nenni ég ekki að þreyta ykkur meira

Dagbókarglefsur Ingibjargar

2006-05-13T22:26:00.000-07:00

Ég var í góðu stuði í gær og skrifaði létt og leikandi blogg sem ég bara þurrkaði óvart út. Þá er ekki um annað að ræða en að byrja upp á nýtt. Ég ætti nú að kunna það. Er búin að vera að stilla mig inn á svoleiðis hluti síðan um áramót svo ég ætti að vera komin í æfingu. Bara bíta á jaxlinn og byrja upp á nýtt einn tveir og þrír.
Það vekur furðu mína hve margir virðast lesa þessar hugleiðingar mínar, það má því ekki svíkja trygga lesendur!! Svo fer nú að líða að því að það fer að verða áhugavert að sjá hvað á daga mína drífur. Vonandi verður það áhugavert en ekki bara ------------------------ nei ég segi svona.
Sumir skrifa svo létt og leikandi blogg en mín eru svona eins og gamaldags dagbók (vantar bara að byrja á "kæra dagbók") eða sendibréf eins og maður skrifaði í gamla daga. Ég er svo sjálfmiðuð að ég held að það sé svo áhugavert að lesa hvað á daga mína ´drífur. Það bara hentar mér svo ég held áfram á minn gamaldags hátt. Ég er farin að eldast eins og á grönum má sjá er orðin stirð, hölt og þung- svo þetta er nú allt í stíl. Hef þyngst um 26 kg frá því fyrir rúmu ári svo þetta er engin vitleysa. Það er bara best að skrifa þetta svo fólk sem hefur ekki séð mig lengi detti ekki niður af hissu.
Nú er ég komin út á allt aðra braut en ég ætlaði þetta átti allt að vera svo "létt og leikandi".
Alla vega er ég komin með nýjan GSM og það er svo flott hringingin á honum að ég átta mig yfirleitt ekki á að síminn sé að hringja þannig að það eru alltaf mörg missed calls - svo ekki gefast upp bara reyna aftur í von um að ég átti mig. Þetta minnir mig á þegar ég var að vinna á kaffibar forðum á Englandi og ég átti að vera með nafnspjald. Ingibjörg var alltof langt og stirt og Bimba alveg ómögulegt svo ég sagðist heita Inga. 'Eg gekk því um með merkt "INGA". Þegar gestirnir ætluðu svo að ná sambandi og kölluðu "INGA" "IIINGAAAAA" þá stóð ég bara og boraði í nebbann á mér og fattaði ekkert að það var verið að tala við mig.
Nú fer að styttast í að við mæðgur höldum til Valencia. Sigríður M á eftir eina viku í prófum og þetta heldur geðheilsu hennar réttu megin við strikið, hún er sum sé orðin frekar þreytt á próflestri. En Valencia bíður okkar og Sassa, Úgga stórvinkonur okkar með faðminn útbreiddan og allt þeirra fólk. Þetta verður dýrmætur tími fyrir okkur mæðgur og við munum njóta okkar. Vona bara að óþekka löppin hindri mig ekki of mikið. En þó ég verð i ekki frá á fæti hef ég ekki áhyggjur af því í þessum félagsskap.
'A föstudaginn var ég í vorferð með öldrunarsviðsstarfsfólki. Það var ansi gaman. Við Hrönn skelltum okkur. Ég varð fyrir því að ég varð illa haldin af aðalveikinni og hékk á míkrafóninum nánast alla leiðina - Það vildi fólki til happs að við fórum bara upp á Skaga og síðan í HValfjörðinn, en þegar heim kom var ég búin að segja alla brandara sem ég kunnni, fara með ljóð, spakmmæli og meira að segja að syngja á öllum tungumálum sem ég kann. Það var fyrir einsknæra heppni að börn sem voru með í rútunni fengu að syngja nýja þjóðsönginn "Congratulations Iceland" eða hvað hann nú heitir.Guð minn góður - og mest af tímanum var ég bláedrú.............
Jæja ætli sé nú ekki mál að linni

sumarið er komið

2006-05-08T04:00:00.000-07:00

Við fórum á leikhús í gær við Gylfi og Elín vinkona okkar. Sáum Belgíska Kongo sem nánast öll þjoðin er búin að sjá enda hefur það gengið í 2 eða 3 ár. Og þvílík snilld. Eggert Þorleifs er alveg stórkostlegur. Hver hreyfing og sviðbrigði svo ótrúlega hnitmiðuð. Ef það er einhver þarna úti sem er ekki búin að sjá þetta leikrit - drífið ykkur. Ég tala nú ekki um ef þið tengist á einhvern hátt gömlu fólki. En alveg sama þó þið þekkið engin gamalmenni - þið verðið að sjá þetta.
Jæja nok om det.+
Svei mér ef sumarið er ekki bara komið, hélt innreið sína í fyrradag. Þá var sumardagurinn fyrsti í alvöru. Þann dag helgaði ég listinni fyrir utan lystinni. Byrjaði listaflippið á að vera méð í æfingu á nýlistasafninu þar sem Léttsveitin var beðin um að taka þátt í að flytja e-ð verk þar sem við áttum að þegja , anda og ýmislegt annað sem reyndist okkur auðvelt - nema það fyrsttalda. Það var illa mætt aðeins um 20 Léttsveitarkonur en þetta var voða skemmtilegt. Vonandi mæta fleiri næst. Svo á að flytja þetta með pompi og pragt á opnun Listahátíðar -alla vega fyrsta dag Listahátíðar.
Eftir að hafa farið á kaffihús fórum við svo á opnun á útskriftarsýningu Listaháskólans. Þar var meðal þátttakenda Guðný Hrund Sig. frænka mín og það var mjög skemmtileg sýning - ótrúlegt húgmyndaflug og sköpunargleði. Guðný var þar fremst í flokki með frábært verk. Ég var svo stolt af henni.

2006-05-05T06:19:00.000-07:00

Það er vor sagði ungur maður sem ég þekki þegar hann var að fara með faðirvorið sitt. Honum hafði heyrst faðirvorið vera ákall til vorsins. Þetta rifjaðist upp fyrir mér í gær því það var svo mikið vor í lofti og ljósgræni liturinn alltaf að verða meira og meira áberandi og ég jafnframt farin að hugsa meira um almættið. Ég kvíði því nefnilega að fara í aðgerðina sem er búið að ákveða að verði 5. júní. Og þegar maður er kvíðinn eða hræddur þá verður almættið nálægara og gott að leita þangað. Þegar ég fór fyrst út til Lundar og tímann þar á eftir var ég svo þakklát og fyrir hvað allt gekk vel og spjallaði þó nokkuð við guð en síðan varð hann/hún mér fjarlægari. Svei mér ef ég móðgaðist ekki svolítið af því hlutirnir gengu ekki upp hjá mér. En það er örugglega einhver tilgangur með þessu öllu. Nú þarf ég að sækja styrk og þá verður mér hugsað til guðs og leita hjálpar hjá honum/henni. Ekki má samt gleyma að þakka fyrir hvað mér hefur þrátt fyrir allt batnað mikið - það er auðvitað allt annað líf. Þegar við mæðgurnar fórum út í göngutúr í gær fór SM að rifja upp hvernig við lentum ítrekað í vandræðum á Italíu í fyrra vegna þess hvað ég var orðin hreyfihömluð. Það má ekki gleyma því..........
Ég hef ekkert farið í kvennakirkjuna að undanförnu en nú hugsa til þeirra því þar hef ég nú oft fengið styrk.
Ég ætla að nota tímann vel þangað til ég fer til Lundar. Við mæðgur ætlum til Valencia daginn eftir að Sigríður Margrét lýkur við prófin. Við ætlum að heimsækja vinkonur okkar Sössu og Úggu og þeirra fjölsk. Það verður frábært á því er enginn vafi, Valencia er spennandi ekki síður en ævintýrakvendin Sassa og Úgga. Þær búa í íbúðum alveg niðri við sjóinn/ströndina og þá sé ég fyrir mér að við stijum á svölunum og hlustum á ölduniðinn og spjöllum. Ó hvað ég hlakka til.
Við förumn 21. og komum aftur 28.5 SVo verð ég hér í 2 daga og þá förum við Gylfi út til Lundar Um að gera að taka þessum (síðustu) dögum létt - síðustu fyrir aðgerð meina ég.

Léttsveitarkonsert

2006-05-02T15:33:00.000-07:00

Ég var að koma af kóræfingu - það var óskaplega gaman að hitta Létturnar aftur eftir vel heppnaða Kúbuför og sýningu á myndinni sem vakti mikil og jákvæð viðbrögð.
Nú eru bara vortónleikarnir eftir og þeir verða 16. og 19. maí kl. 20.30 þannig að þeir sem þetta lesa og vilja fá miða mega hafa samband við mig. Það verða aðeins þessir tvennir tónleikar svo nú er um að gera að vera fljót/fljótur að ákveða sig. Miðaverð er 2200. Síminn (GSM) er 6992148. Þið ssem hafið komið á tónleika vitið að það er alltaf létt stemmning og gaman og þið sem aldrei hafið komið verðið að prófa.
Sara kom hingað dröslandi með gamalt hjól sem er búið að breyta í kondi-hjól svo nú get ég komið mér í form - hef enga afsökun að ég sé slæm til gangs - enda búin að fá botoxsprautu í ruglaða vöðvann sem hefur gert mért erfitt fyrir og er nú miklu betri. Ég hefði þurft að fá hana áður en ég fór til Kúbu. Það hvín og syngur í öllu þegar ég hjóla af stað eins og nokkurs konar blanda af mótórbát og kappakstursbíl. Svo er sætið alveg ægilega hart þannig að ég er aum í rassinum. En ég má til að koma mér í form fyrir aðgerðina þ. 5. júní
'A morgun fer ég til Hellu með Berglindi iðjuþjálfa að halda fyrirlestur. Þá þarf ég að vera í góði formi svo þetta verður ekki langt í kvöld (sko bloggið), enda ekki ástæða til.

ég er andvaka

2006-04-29T22:39:00.000-07:00

Ég er andvaka og datt í hug að nota tímann til að skrifa á bloggið. Við hittumst í kvöld nokkrar Léttsveitarkonur því við vorum haldnar svoddan aðskilnaðarkvíða og þurftum að ræða svo margt í sambandi við Kúbuferðina, ótrúleg viðbrögð við kvikmyndinni og fleira. Ég veit ekki hvar þetta endar.
Annars vorum við að passa Sigrúnu Ástu núna um helgina. Þau sváfu svo vært þegar ég kom heim Gylfi og afastelpan. Og ég ætlaði að hjúfra mig að henni en þá gat ég ekki með nokkru móti sofnað. Ég verð örugglega mjög hress í fyrramálið þegar hún vaknar svo fersk og fín og fer að spjalla. Hún er farin að tala svo mikið og er svo skemmtileg.
Það er komin dagsetning á Lund. Ég fer þ. 5. júní í aðgerðina. Hjálmar rafveitustjóri lét mig vita í fyrradag. Einar Gylfi fer með mér. Svo er bara aðvona að allt gangi vel í þetta sinn.

Nú er Sigríður M byrjuð í prófum og fór vel af stað. Svo skilst mér að vetrareinkunn hafi verið vonum framar. Bravó fyrir henni.

Kúba er engu lík

2006-04-26T16:04:00.000-07:00

Þá erum við Léttsveitarkonur og fylgifiskar komin heim frá Kúbu. Maður verður aldrei samur eftir að hafa verið þar. Kynnst öllum andstæðunum og ólgandi lífinu, tónlistinni og dansinum, þvílíkt fólk og þvílíkt land.
Við Íslendingarnir og hinir túristarnir voru eins og hverjir aðrir burgeisar með fulla vasa af kúkum en það er myntin sem við notuðum á Kúbu kölluð. Reyndar ræddum við um að kalla þá frekar niðurgang eða ræpur af því þeir runnu e-n veginn frá okkur - það er nefnilega ekkí ódýrt að vera á Kúbu. Enda engin ástæða til í þessu fátæka landi.
Fólkið var yndislegt svo glæsilegt og brosmilt.
Léttsveitin var líka glæsileg og brosmild og fylgifiskarnir fylgdu fast á eftir. Fararstjórar höfðu á orði að þetta væri skemmtilegasti hópurinn sem þeirhefðu tekið á móti á Kúbu og sá jákvæðasti. Það furðar örugglega enga sem sáu myndina K'ORINN á sunnudaginn. Silju Hauks og hennar fólki tókst svo vel að lýsa jákvæðninni og samheldninni sem ríkir í þessum stóra hópi. Búin að heyra mörg jákvæð komment um myndina.
Ég fór í morgun og hélt fyrirlestur um Húmor og heilsu hjá þeim á Styrktarfélagi lamaðra og fatlaðra og einnig Sjónarhóli. Ég var enn í rúmbutakti og tók þetta með kúbönskum stæl í krumpuðum fötum (úr ferðatöskunni) og það gekk bara vel upp. Reyndar var ég draghölt eftir rambið á Kúbu en andlega var ég sko í rúmbutakti alla vega andlegum salsatakti. Á morgun fer ég og fæ sprautu í fótinn svo kannski verður þá hægt að minnka spasmann svo ekki snúist svona upp á löppina o svo þarf ég að fá nákvæma dagsetningu á förinn til Lundar.
Jæja nóg í bili em ég vil bara segja ykkur að lokum að KÚBA ER ENGU LÍK.

Til Kúbu á morgun

2006-04-16T05:04:00.000-07:00

Nú er farið að færast fjör í leikinn. Kúba - við komum á morgun. "Cuba here we come" þið vitið.
Vi fórum nokkrar Léttur saman í sund og fórum svo heim til Þórkötlu til að lakka á okkur neglurnar og chilla - þá fór ég að komast í stuð.
Ég er byrjuð að spá í hvað ég ætla að taka með en ekki er ég nú byrjuð að pakka fyrir alvöru. Fékk lánaða ferðatösku hjá Fríðu í gær þannig að nú fer þetta að fara í gang. Þau hér heima gera svolítið grín að mér fyrir að það er langt síðan ég ég fór að tala um í hverju ég ætlaði að vera á leiðinni. En það skiptir auðvitað miklu máli . Það má ekki vera neitt sem þrengir að, verður að vera þægilegt svo það þarf að velja vel. Ég keypti mér buxur sem þrengja ekkert að og ætlaði í þeim en þá eru þær svo stórar að við liggur að ég missi þær niður um mig svo ekki fer ég í þeim - jafnvel þó þær þrengi ekki að.
Nú er bara um að gera að fara ekki fram úr sér við að taka með dót, því það er ekki hægt að kaupa mikið á eyjunni fögru- og það er eitthvað sem við erum ekki vön. Við getum alltaf farið í búðir og keypt það sem okkur vantar. Gott fyrir okkur að prófa þetta. Í gamla daga þegar ég var að ferðast í Asíu lenti ég stundum í því að vera á stöðum sem ekki var hægt að fá ýmsa nauðsynjavöru eins og t.d. í Kashmir og í Himalaja. EN við lifðum það dásamlega af.
Ætli ég skrifi nokkuð fyrr en ég kem heim. Er ekki alveg út úr kú að vera með fartölvu með sér á Kúbu?!!!!!!!!!

LASER var það

2006-04-12T07:57:00.000-07:00

Nú fór ég illa að ráði mínu. Starfsheiður Sigrúnar sjúkraþjálfara er í hættu. Hún setti ekki stuttbylgjur á meiddið eins og ég skrifaði í síðasta bloggi heldur LASER geisla. Það leiðréttist hér með. Það er náttúrulega alger svívirða að rugla þessu saman og bera þetta upp á hana. Allt gert í bestu meiningu, en hafa skal það sem sannara reynist: LASER var það heillin.
Var aftur hjá Sigrúnu í dag í LASER og svo fór ég að hjóla og í tækin. Alltaf að reyna að undirbúa mig fyrir Kúbu. Nú er ég farin að æfa mig í að nota staf svo ég geti betur gengið. Ég er alls ekki í nógu góðu formi en vonandi gengur þetta hjá mér.
Þetta er bara þó nokkuð ergilegt en vonandi verður þetta í lagi, ég verð umkringd góðu fólki. Einar Gylfi, Léttsveitin og co það er ekki amalegt

2006-04-10T16:30:00.000-07:00

Ég er farin að sakna svo Landakots og vinnufélaganna. Ég er að hugsa um að fara að koma þangað af og til og heilsa upp á fólkið - bæði samstarfsfólk og gamla fólkið. Reyndar hef ég komið þangað og fengið að fara í tækin hjá sjúkraþjálfurunum og Sigrún þessi elska hefur skellt á mig stuttbylgjum. Það er liður í undirbúningi fyrir Kúbu. Ég er nefnilega með ansans verki í fæti og öxl, bylgjurnar eiga að laga það.
Já Kúba það er nú það. Ég er eiginlega ekki farin að fatta að ég sé að fara og þar af leiðandi hef ég ekki hlakkað til. Já svei mér þá - en kannski fer þetta að koma hjá mér.
Ég fór til Kollu frænku minnar að fá lánuð föt. Hún sagðist eiga fitubolluföt og ég ætlaði að fá e-ð lánað en viti menn buxurnar voru allar of litlar, alveg sama hvað ég tróð. "Stebbi stóð á ströndu var að troða strý" dettur mér í hug núna. Amma lét mig fara með þessa þulu þegar ég var lítil stelpa af því ég var svo smámælt.
Við vorum í fermingarveislu í gær hjá Rakel dóttur Önnu Bentínu og Grétars. Hún var svo falleg og fín og veislan var mjög góð, frábær matur og kökur á eftir. Anna stendur sig svo vel. Vinnur hvern sigurinn á fætur öðrum. Við erum svo stolt af henni.
Ég var leynigestur hjá Guðnýju vinkonu minni ( mömmu Sínu) í kvöld þegar hún hélt matarboð fyrir dætur sínar og Ingu Italiano. Þær voru voða spenntar, héldu af einhverjum ástæðum að leynigesturinn væri karlmaður, og voru búnar að rjóðra á sér varirnar og gera sig til. Og þá kom bara sú gamla (ég) og þær reyndu að leyna skúffelsinu en jöfnuðu sig nú fljótlega og fóru að dansa salsa með Gyðnýju fremsta í flokki. Tekið skal fram að Guðný er 90 ára og fór létt með að taka salsasveiflu.

Það er oft svo gaman

2006-04-07T10:27:00.000-07:00

Jóhanna kórstjóri og vinkona mín kommenterar á síðasta póst og gefur lítið fyrir spekúleringar mínar um tilganginn með þessu bloggi. Það þarf for fanden ekki að vera neinn tilgangur með þessu - maður bara bloggar eða ekki eins og Jóhanna segir. Hún er svo lítið fyrir vesen og röfl sú kona.
Enda stjórnar hún 110 kvenna kór. Jesús minn góður. Og nú erum við að fara til Kúbu eftir rúma viku (10 daga) bara svo þið vitið það. Búnar að taka "lynkursus" í salsa og spönsku á netinu, fá flugmiða og aðra ferðapappíra í hús, vantar bara að fara í bankann og ná sér í evrur.
Ég var hjá Völu Hall í gær og við heldum saman veislu, buðum gömlum vinkonum ;Dóru Thor og Páls laufeyju Steingríms og 'Astríði. Það var ótrúlega gaman og ótruuuulega mikið hlegið. Þess vegna er ég svo þreytt að ég ætla að hætta núna -Sjáumst

af hverju bloggar fólk???

2006-04-03T02:50:00.000-07:00

Það er svo mikil regla á mér. Nú er ég farin að blogga a.m.k. einu sinni í viku jafnvel þó ekkert sérstakt sé að gerast . Stundum hugsa ég af hverju er ég að þessu bloggi. Sumir eru alltaf að lenda í ævintýrum eins og t.d. Unnur Birna og Kristinn Sigmundsson og hafa því fulla ástæðu til ð deila því með öðrum. Aðrir fara í heilauppskurð með góðum árangri og þá er líka ástæða að deila því með öðrum. Svo er fólk eins og ég sem er búið að gera ýmislegt áhugavert en er ekki að upplifa neitt sérstakt þessa stundina. Á maður þá að skrifa á bloggið? Eru ekki fleiri í þessari krísu mér er spurn. Er þetta ekki bara að bloggarar eru svo uppteknir af sjálfum sér að þeir skrifa um SJ'ALFAN SIG jafnvel þó það sé ekkert að ske.
Ég þekki einn sem fór í svona sjálfskoðun og steinhætti að blogga. Þurrkaði meira að segja allt út sem hún var búin að skrifa. Jamm og já.
Ég ætla ekki að gera það enn sem komið er. Nóg af þessu.
Hjálmar hringdi í mig í gær. Ég hafði reynt að ná í hann og talaði við konuna hans hana Nínu og svo hringdi þessi snillingur. Hann taldi góðar líkur á að ég kæmist í aðgerð í lok maí en ætlaði samt að ath. málið.
Annars var helgin róleg hjá mér. Fór á föstudaginn að hitta gömlu tryggu vinkonur mínar Lillu og Fríðu og við vorum í svakalega fínu matarboði hjá Lillu og horfðum á Idolið með öðru auganu. Við gjóuðum hinu auganu á hvor aðra þegar einhver af dómurunum sagði að með söng sínum hefði Snorri hinn íðilfagri sjarmör heillað allar miðaldra kellllingar á landinu.
Ég sit hér við tölvuna í nýju flónelsnáttfötunum mínum. Þau eru köflótt. Mér er voða kalt á tánum, þannig að ég ætla að hætta þessu fljótlega og fara að klæða mig. Bráðum hitnar mér á tánum en þá fer ég til Kúbu en það vita nú þeir sem lesa þetta blogg.

2006-03-31T08:12:00.000-08:00

Það er svo mikið vor í lofti, sólin skín og það er bara ágætis gönguveður.
Ég baslast við að halda loforðin sem ég gaf á Reykjalundi, reyni að hreyfa mig, hef farið í göngutúra alla vikuna, stundum í sund svo geri ég leikfimiæfingar af og til. Dreg fyrir alla glugga og leggst á gólfið og teygi úr skönkunum. Ekki veit ég hvort það er aldurinn, kílóin eða e-ð annað sem veldur því að ég er afskaplega stirð og þung á mér. Ég sé fyrir mér að það þurfi að kalla á Hjálparsveitina einhvern daginn og þeir koma með talíu og tosa mig upp með aflmikilli vél.
Einu sinni heyrði ég um konu sem fór í bað og komst ekki upp úr baðkerinu. Það þurfti að kalla á hjálp til að koma henni upp úr. Þvílík martröð.
Ég reyndi að ná í Hjálmar rafveitustjóra í Lundi áðan. Ég ætla að fá staðfest hvenær þeir séu tilbúnir að fá mig aftur. Það þýðir ekkert annað en að kíla á þetta. 'Eg vona að það virki jafn vel og síðast eða sum sé þegar ég fékk apparötin inn í hausinn í fyrsta sinn.
Nú fer að styttast í Kúbu. Ég hlakka til að kvíði svolítið fyrir ég vona að ég verði í góðu formi. Ég get nefnilega ekki alveg stjórnað hægri fæti og stíg skakkt í hann . Líklega er það þess vegna að ég er stundum með sáran verk í löppinni og þá á ég svo vont með að ganga hvað þá dansa salsa.
Svo er það þetta með öll kílóiin sem hafa bæst við, ég hef þó nokkrar áhyggjur af því. Ég mun ekki liggja neitt í sólbaði enda ekki hægtað eyða tíma í það. En ég hef heyrt að matur sé ekkert sérstakur á Kúbu svo þar eygi ég von um að geta byrja'ð á smá aðhaldi.

Af Elínu sem á afmæli í dag.

2006-03-29T11:23:00.000-08:00

Það er 29.mars og Elín mín á afmæli í dag. Til hamingju Elín tra la la og til hamingju OSLO en þar býr Elín. Hún er eins og litla systir mín. Við ólumst upp í sama húsi á Sólvallagötu. Mamma hennar varð ráðskona hjá afa mínum þegar Elín var tæplega 2 ára. Og síðan hefur vinátta okkar stöðugt blómstrað og styrkst og eflst. Ég er t.d. hætt að éta frá henni sælgætið hennar og pissa í nýja svefnsófann hennar ein og ég gerði í gamla daga. Við Elín höfun "brallað" ýmislegt saman. Fórum t.d. saman til Englands '68 að vinna á Butlins Holiday Camp. Þar gerðust þau undur og stórmerki að við vorum beðnar að taka þátt í fegurðarsamkeppni "Ungfrú Butlins".Það hefur aldrei gerst fyrr né síðar að við höfum verið bendlaðar við fegurðarsamkeppni- það er eiginlega skrýtið -eins og við erum líkar Unni Birnu. Æ þetta er ekkert fyndið. Svo fórum við saman til Þýskalands '70 og Elín sneri raunar aldrei tilbaka, því þar hitti hún stóru ástina í lífi sínu sem hún elskar enn og það er svenske Peter. En Elín hefur haldið góðu sambandi við okkur gömlu vinkonurnar af Sólvallagötu Fríðu, Lillu og mig, því hún kemur reglulega og heimsækir mömmu sína og þá fáum við oftast að hitta hana í leiðinni. Þetta var pistill um Elínu þá mætu konu sem á afmæli í dag. Áður en ég hætti langar mig að rifja upp að það var Elín sem kom og sótti okkur Helgu til Lundar helgina áður en ég átti að fara í aðgerðina. Hún kom alla leið frá Oslo - keyrði 700 km í vetrarveðri og fór með okkur í sumarbústað í Halmstad þar sem við áttum mjög eftirminnilega og skemmtilega helgi. Fyrsta kvöldið borðuðum við konunglegan mat og hrundum síðan í það m.ö.o. fengum okkur ótæpilega í annan fótinn eða báða og hegðuðum okkur eins og hermenn sem voru að fara í stríð og vissu ekki hvort þeir kæmu tillbaka. Þetta hefur vart skeð síðan í frumbernsku okkar. Elín mín ef þú lest þetta þá bara takk fyrir þessa frábæru ferð. Og sömuleiðis Helga frænka mín. Nú er nóg komið .

Árshátíð Léttsveitar og aðgerð

2006-03-26T04:49:00.000-08:00

Jæja þá er árshátíð Léttsveitarinnar afstaðin og nú á þessu augnabliki eru Léttsveitarkonur örugglega að skreiðast framúr með góðan fílíng í hjartanu eftir góða árshátíð. Það er alveg makalaust hvað það er gott að vera í þessum félagsskap með öllum þessum frábæru konum og þeirra mökum. Védís var veislustjóri og stóð sig með stakri prýði eins og hennar var von og vísa svo orðheppin og mælsk, Signý ræðumaður kvöldsins hélt hugljúfa og hnyttna ræð og svo voru ýmis skemmtiatriði. Við vorum hópur sem fluttum/sýndum atriði sem féll í góðan jarðveg en það voru gamlar Léttsveitarkkonur að dansa salsa og syngja líka. Þetta var á kvöldvöku á elliheimili Léttsveitarkvenna - séð inn í framtíðina. Við vorum svo heppnar að hún Sólveig kom með tvo fulla kassa af fötum af mömmu sinni og þar kenndi ýmissa grasa. Þar voru alls kyns kjólar og hattar. Svo fengum við lánaðar hárkollur, göngugrindur og stafi þannig að leikmunirnir voru til staðar. 'Eg samdi einhvern texta sem reyndar var algert aukaatriði því gerfin gerðu svo mikla lukku. Við sjálfar hlógum svo mikið á æfingunni sem við héldum að við lá að sumar pissuðu í sig en það er nú bara af því grindarbotninn er farinn að slappast.
Jæja svo var stiginn dans eftir salsatónlist auðvitað. Þar spiluðu bestu tónlistarmennÍslands með Tomma Einars í fararbroddi , Samúel/Samma í Jagúar o.fl. Mér fannst tónlistin frábær en mér gengur svo illa með salsadansinn. Eftir að strákarnir fóru í pásu söng Jóhanna með þeim og þá var mikið stuð.
'Eg fór á aðalfund iðjuþjálfafélagsins á föstudaginn. Ég veit eiginlega ekki hvað ég var að gera þar því mér finnst ég e-ð svo utan gátta þar en Berglind vinnufélagi minn á Landakoti hringdi og mér fannst það svo sætt af henni að ég ákvað að fara. Svo þegar ég var þarna og sá allar þessar virku konur og masterana og doktorana þá fann ég fyrir vanmætti mínum - ég er ekki einu sinni í vinnu núna. En það lagast,
Nú er ég búin að ákveða að reyna að komast í aðgerðina fyrir sumarfrí og jafna mig þá í sumar.
Í samráði við Linn trúnaðarlækni LSH, Köllu sviðsstjóra og R'osu hef ég ákveðið að vera í veikindaleyfi þar til ég er búin að fara i aðgerð. Ég hef fengið mikinn stuðnning frá þeim. Það er mikils virði fyrir mig.
Ég má til að segja frá því að á fimmstudagskvöldið fór ég ásamst Reykajsystrum að hlusta á Skafta Ólafs frænda minn í Salnum í Kópavogi. Það var stórkostlegt að sjá hvað hann er hress og flottur þrátt fyrir að hann sé að verða áttræður. Einhver sagði það en kannski er það nú bara einhver vitleysa. Þarna voru fullt af ættingjum þannig að þetta var eins og ættarmót öll Svefneyjaættin mætt eða þannig sko. Meira að segja Sigga og Vigga sem eru um og yfir nírætt og Rósa systir þeirra sem kom út með rauðan æskublóma í kinnum og andvarpaði yfirr öllum gömlu góðu lögunum sem Skafti bróðir tók. Það var kol uppselt á hljómleikana en þeir verða endurteknir 6, apríl minnir mig og þá geta þeir sem ekki fengu miða farið að hlusta og fíla þetta.
Jæja kannski að maður fari að súnna sig og koma sér á lappir. Gylfi geysist hér um gengur frá þvotti alveg á hundrað. Fór í morgun í bakaríð eins og hann gerir alltaf á sunnudögum og lagaði kaffi og útbjó þennan líka fína morgunverð. En ég bara lufsast til en nú ætla ég að hætta því og fara að gera e-ð

Salsadans og leiklist

2006-03-19T13:55:00.000-08:00

Ég kom af Reykjalundi á föstudaginn. ÚTSKRIFUÐ. Gerði heljarinnar mikið plan um hvernig ég mundi svo halda áfram í uppbyggingu hins hrörlega líkama míns- fara í göngur, sund, leikfimi o.s.frv. Keypti mér m.a.s. göngustafi. OG svo þykist ég ætla að léttast. Abb babb babb ég kann það ekki. Svona aðhald hentar mér ekki ég hef aldrei eins mikla matarlyst eins og þegar ég er að hugsa um að borða ekki mikið.
Svo fæ ég svona ómótstæðilega löngun í e-ð eins og fylltar lakkrísreimar eða matarkex með smjöri og þá er ég að tala um með þykku lagi...... auk alls hins. Æi já, nú er það liðin tíð að ég sé grönn og spengileg. Ég fór í Hagkaup og keypti mér XXXL buxur og hafð'i þær vel rúmar svo ég gæti fitnað aðeins meira áðu en ég fer til Kúbu. Í dag fór ég í Salsakennslu í Kramhúsinu þar voru líka nokkrar Léttsveitarkonur ásamt fleiri Kúbuförum og við reyndum með misjöfnum árangri að tileinka okkur blóðhita Kúbverja - sveifla norrænu mjöðmunum stirðu og gefa okkur á vald ástríðufullum dansinum. Undirrituð var ein sú klunnalegasta á dansgólfinu, reyndi af veikum mætti að sveifla stirðum skönkum og forðast að horfa á sig í speglinum,- bara svo öll sjálfsvirðing myndi ekki rjúka burt. Ég er ekki sú sterkasta í salsa. Ég held ég dansi bara polka þarna á Kúbu.
Svo fór ég líka annað í dag. Ég fór ásamt fleiri Léttsveitarkonum að leika Kiwaniskonu í óvissuferð með STELPUNUM sem mun koma í þættinum þeirra á Stöð 2 . Það var gaman að prófa það. Hefði bara átt að verða kvikmyndaleikkona - þetta var nú bara glens í mér.

Pistill um Kaupmannahöfn

2006-03-13T09:31:00.000-08:00

Þá erum við komin aftur heim í hlýjuna á Íslandinu góða. Það var hræðilega kalt í Kaupmannahöfn en við fengum hlýlegar móttökur þar og það bjargaði málunum.
Það var mjög gaman að hitta alla krakkana, Pétur, Hjalta, Lindu og Nínu. Þau voru öll hress og kát og við höfðum það mjög notalegt saman. Við gistum í íbúð Péturs en hann fékk að gista hjá Lindu og Hjalta á stofunni. Blessaður karlinn lét okkur eftir íbúðina sína og þau létu honum eftir sófann í stofunni. Við fengum að kynnast sambýlispöddum Péturs kakkalökkunum. Þetta eru meinleysisgrey en frekar ógeðfelld.
Það er SVAKALEGA mikið af Íslendingum í Köben, það var alveg sama hvar við vorum alltaf heyrðum við íslensku talaða í kringum okkur. OG þá erum við ekki að tala um á Strikinu - það var bara alveg sama hvar .
Ég fór á opnun á sýningu í ráðhúsinu sem Freyja bauð mér á. Ég var svo heppin að opnunin var einmitt á föstudeginum og Freyja var með einn boðsmiða. Ég var voða stolt af vinkonu minni, mynd eftir hana prýddi sýningarplakatið og mynd eftir hana blasti við í forgrunni þegar maður gekk inn í ráðhúsið. Þarna voru hvorki meira né minna 62 íslendingar að sýna verk sín og svo nokkrir Færeyingar og Grænlendingar. Mjög flott sýning. Ég þekkti þarna nokkra sem sýndu m.a. Dísa í Dalsgarði, Halla vinkona Söru, Ragna Fróða, Sigrún Einars í Bergvík o. fl. Annars afrekaði ég eitt og annað þessa daga.
Við Gylfi fórum til Lundar í heimsókn Svo fórum við á nýja bíómynd um Gasolin sem var mjög skemmtileg. Ég hitti Rönku og við fórum líka í bíó á nýja danska mynd sem líka var mjög góð.
Í gær fórum við Gylfi svo út á Christianshavn og ætluðum að fíla gömlu stemmninguna þar en guð minn góður það var svo kalt og við lá að við yrðum úti. Þá var nút gott að eiga athvarf hjá Lindu og Hjalta og þar var Pésalingur og Nína og við borðuðum öll saman síðustu kvöldmáltíðina- dýrindis lambalæri a la Linda. Nína var í góðu stuði þrátt fyrir að hún væri með hita, dansaði og lék alls kyns kúnstir en það er víst best að taka fram að Nína er barnabarnið.
Að lokum smá pistill um leigubílstjórann sem keyrði okkur út á kastrup. Hann var greinilega múhamedstrúar. Hann spilaði einhverja músík í bílnum sem var svona eintóna söngl og var örugglega eitthvert bænasöngl. Svo tautaði hann með og var alltaf að gjóa augunum í bakspegilinn. Þarna fann ég fyrir e-u óöryggi út af látunum undanfarið og fór þá að hugsa um að það þarf ekki mikið til að skapa óöryggi hjá svona kerlingum eins og mér. Svo sá ég konu í strætó sem var í svörtum kufli með svarta blæju fyrir andlitinu og ég fór að hugsa um hvað gæti leynst undir svona kufli og mér fannst það hálf óhuggulegt. En fordómar skapast af vanþekkingu og það á sannarlega við í þessu tilfelli.

ður hefði nú gott af ýmsu

2006-03-06T07:26:00.000-08:00

Allt við það sama á Lundinum, leikfimi, göngur, sund og fleira í þeim dúr. Ný vika að byrja. Ég var heima um helgina. Fór í bæinn með Fríðu á laugardaginn og keypti mér góða skó. Svona stabíla Campers skó sem munu duga ei-ð áfram. Svo fór ég í afmæli til Freyju um kvöldið. Þetta litla skinn varð 45 ára. Það var mjög huggulegt og gaman. Á sunnudaginn fór ég í morgunkaffi til Védísar. Þurfti nefnilega að keyra Gylfa út á völl og notaði tækifærið úr því ég var komin á lappir svona snemma (ekki svo snemma að neinn þurfi að taka andköf en miðað við að það var sunnudagur var þetta frekar snemmt (eða sum sé milli 11 og 12)) að skella mér til Védísar og hjá henni var kaffen klar eins og segir í ljóðinu.
Ég tók eftir því um helgina að ég var farin að haltra meira. Fór í göngutúr með Önnu halldórs og var bara ansi hölt um tíma. Ég hafði því samband við rafveitustjórann og fékk hann til að stilla mig betur. Kom við hjá honum í morgun. Svo ætlum við Gylfi til Köben á fimmtudag og þá ætla ég yfir til Lundar og tala við rafveitustjórana þar . Nú er slagveðursrigning ekkert gönguveður svo ég fór ekki í göngu í dag en hefði auðvitað haft gott af því, en það er nú svo ótal margt sem maður hefði gott af það er ekki hægt að eltast við það allt saman

Er lífið bara leikfimi???!

2006-03-03T01:20:00.000-08:00

Nú er stund milli stríða. Aldrei þessu vant byrjar dagurinn minn ekki fyrr en kl 10 en hina dagana hef ég mætt kl 8.15 eða e-ð svoleiðis. Í gær fór ég í heljar mikið þrekpróf og viti menn miðað við aldur og fyrri störf var ástandið ekki svo slæmt. Það kom öllum viðstöddum verulega á óvart. Svo tók við dagur sem snerist um "að lífið sé leikfimi" og það var djöflast í sundi, tækjasal, stafagöngu og fiumælingu. Ég ætla ekki að segja ykkur hvernig það síðastnefnda var.
En alla vega er ég komin með bók sem stendur á "breyttur lífsstíll" og í hana á maður að skrá hvað maður borðar yfir daginn. Ég ákvað að byrja í dag af því ég fékk mér kjötbollur heima í kvöldmat í gær (var nefnilega í bænum í gærkvöldi af því ég fór að flytja fyrirlestur hjá Blindrafélaginu í gær) og svo keypti ég mér stóran poka af kúlusúkki á leiðini hingað. Sigríður Margrét glotti við tönn þegar hún sá mig koma með pokann úr sjoppunni og spurði mig hvort ég væri ekki að byrja í aðhaldi. Þá rifjaðist það upp fyrir mér og ég ákvað að byrja ekki fyrr en í dag. Iðjuþjálfarnir sem ég hef hitt hafa grínast með að ég hafi gleymt spakmælunum góðu sem við bjuggujm til í gamla daga að lífið sé EKKI bara leikfimi því ég þjösnast í alls kyns líkamsrækt og fer bara í iðjuþjálfun til að hitta "gömlu" stöllur mínar þar. Það kom vel á vondan.
Nú er föstudagur og ég fer heim á eftir og vonast til að geta gert e-ð gagn heima................

Hælisfréttir

2006-02-28T08:38:00.000-08:00

Þá er ég komin á Reykjalund og er í ekta endurhæfingarstemmningu. Er í tækjasalnum, syndi, geng rösklega með miklum armsveiflum eins og maður gerir alltaf þegar maður er á REykjalundi og ætlar að sýna umheimnum að nú eigi að taka á. Það var annar dagurinn í dag. Kom hingað í gær og fór í viðtöl og próf, hitti gamla vinnufélaga, át fullt af bollum, fékk meira að segja marenstertu hjá Jón Ben á skrifstofunni því hann átti afmæli í gær. Fór svo á iðjuþjálfunardeildina og hitti þær sem ég þekkti þar (aðalega Siggu og Möggu) og dagurinn hér endaði svo á því að Magga keyrði mig alla leið heim til mín, en þangað fór ég því ég fór á námskeiðið um Kúbu í gærkvöldi.
'Eg mætti hér fyrir allar aldir í morgun til að sýna lit og er búin að taka á í dag- heldur betur.
Svo ætla ég bara að vera hér í kvöld og hvíla mig. Ég þarf líka að undirbúa fyrirlesturinn fyrir blindrafélagið sem verður á fimmtudaginn. Alltaf nóg að gera.
Það er hálf skrýtið að fara svona á heilsuhæli og verða stikkfrí kúbla sig bara út úr öllu daglegu þrasi og skyldum - eða svona e-ð í þá áttina. Og hugsunin snýst um það að bæta þrek og snerpu!! Og hvenær er matur . Reyndar er mikið um heilsufæði hér. Á morgun er t.d. byggsteik og það líst ýmsum ekki á. Tveir karlar hér á deildinni fussa mikið og segjast ætla á Kentucky fried á morgun. Mér finnst aftur á móti slæmt að fá ekki smjör en verða að leggja mér til munns plastsmjör ("Létt og laggott") það er nú meiri óþverrinn. Í fyrra fékk ég vottorð að ég ætti að borða smjör af því ég var svo mjó en það gengur ekki lengur eins og lesendur vita. Annars eru sumir rosalega feitir hérna. Í sundinu passaði ég að vera sem mest við hliðina á þeim þannig að mín aukakíló yrðu ekki eins áberandi.
Í dag er sprengidagur og það átti að gefa liðinu saltkjöt og baunir. En viti menn þegar röðin var alveg að koma að mér þá tilkynnti kokkurinn að næsti skammtur af saltkjöti væri e-ð skemmdur svo hann tæki ekki sjens á að bera það kjöt fram. Við sem stóðum þarna og þeir sem komu á eftir okkur fengu því ekkert saktkjöt á sprengidaginn sjálfan. Þetta er nú ekki nógu gott ha.
Ég hitti konu hér sem vatt sér að mér og sagði að ég hefði haldið skemmtilegasta fyrirlestur sem hún hefði heyrt .Það hefði verið í Valhúsaskóla fyrir nokkrum árum. Já ég er í sjálfsuppbyggingu svo ég vildi bara láta vita af þessu. Hugsa sér ef ég ynni við þetta þá væri nú gaman hjá okkur........
Nú ætla ég að fara að heilsa upp á Nönnu hjúkku og vinkonu mína hún var að mæta á vakt núna kl fjögur.

2006-02-23T13:24:00.000-08:00

'I dag hef ég fengið póst frá tveimur manneksjum sem ég met mjög mikils sem hafa hrósað DVD diskinum K'ORINN. Önnur skrifaði hér á bloggið og hin sendi tölvupóst. Hjartans þakkir fyrir. Ég er sammála ykkur Kórinn er góð mynd með góðan boðskap og ef fleiri vilja kaupa myndina erum við (Léttsveitin) að selja hana núna og það fer hver að verða síðastur að eignast hana og hananú. Eins erum við að selja disk með ýmsum skemmtilegum lögum sem fékk mjög góða dóma hjá Jónasi Sen í mbl!!
Það gafst ágætlega að auglýsa klósettpappírinn hér á blogginu þannig að það má prófa að auglýsa DVDmyndina og diskinn hér. Margir þorðu ekki að láta það koma fram á blogginu að þeir notuðu klósettpappír þannig að þeir höfðu samband eftir öðrum leiðim það erlíka allt í lagi að gera það með diskana elskurnar mínar.
Nú er ég búin að koma þessu á framfæri og mun aldrei nefna þetta framar nema ég sé beðin sérstaklega um það.
Jæja nú er ég að fara á REykjalund. Það á að hressa u pp á apparatið þar. Smyrja vélina og setja hana í gang hægt og rólega og auka hraðann smátt og smátt. Það veitir ekki af, allt orðið stirt og ryðgað. Það er svo gott fólk á Reykjalundi þannig að þau munu örugglega hafa góð áhrif á mig.
Þegar ég fór þangað í fyrra (í fyrsta sinn síðan ég hætti að vinna þar) var það mjög erfitt fyrir mig. Fyrstu dagarnir voru skelfilegir. Það var svo erfitt að breyta svona um stöðu og koma þarna sem sjúklingur eftir að hafa unnið þarna í 16 ár. Og þó ég segi sjálf frá verið í hressara lagi. EN ég var fljót að yfirvinna þá "skelfingu" en aldrei vandist ég því alveg að haltra um og mæta gömlum vinnufélögum. EN nú er ég í miklu betra standi svo þetta verður allt öðru vísi. Já ég er bara í þokkalegu standi þó það sé búið að pilla úr mér tækin öðru megin. Þess vegna frestaði ég líka aðgerðinni þ. 13.3. Ætli ég fái ekki að fresta henni fram á haust.
SVei mér ef þetta er ekki óttalega ruglingslegur pistill en það verður að hafa það. Enginn bað ykkur að lesa hann!!!!

Sigríður hjálparhella og ferðakynning

2006-02-22T02:30:00.000-08:00

Nú er hún hjá mér hún Sigríður mín sem hjálpar okkur að þrífa 2 x í mánuði. Þvílíkur lúxus að fá hana til sín. Ef hún kæmi ekki þá væri ekki mikið þrifið á þessu heimili. Nú á þessum síðustu og verstu tímum hef ég ekki nokkra döngun (er þetta orð ekki til kannski) í mér að þrífa og hinir í fjölskyldunni ekki heldur svo hún Sigríður bjargar okkur frá því að drukkna í ryki og skít.
Það er alltaf verið að rífast yfir kjörum öryrkja en það má nú líka þakka það sem vel er gert þess vegna s egi ég hjartans þökk fyrir Sigríði.
Ég var á kóræfingu í gær. Eftir æfinguna var svo ferðakynning á Kúbuferðinni. Þetta verður svakalega stór hópur sem fer um 200 manns. Þetta verður auðvitað ekki neitt líkt Ítalíuferð Léttsveitarinnar , en þetta verður samt spennandi - bara öðruvísi.
Æi nú hef ég ekki tíma í meira enda alveg nóg.

Kúba og Eurovision

2006-02-20T15:51:00.000-08:00

Ég varð svo glöð að heyra frá Dóru og Lellu að ég má til að skrifa. Ég er svo sem ekki í miklu stuði að skrifa. Ég var á námskeiði um Kúbu í kvöld og fyrirlesarinn hafði frá ýmsu að segja sem varð til þess að ég fór að vera í vafa um hvort ég ætti nokkuð að vera að dröslast þarna suður eftir - en svo sagði hann að Kúbverjar væru yndislegt fólk, svo stolt og gott fólk og ég ákvað að fara. En við túrhestar á Kúbu kynnumst ekki hvernig fólkið raunverulega hefur það get ég sagt ykkur. Kúbverjarnir fá meira að segja ekki að koma á þessa fínu strönd sem mörg túrhestahótelin eru á . En við verðum nú ekki þar sem betur fer og ekki eitt orð meira um það. Ég og Gylfi við förum til K'UBU ásamt Léttssveitinni og ekkert fær því breytt.
Ég fór í sund í gær með Söru (hún tekur mig með sér you know) og líka í Smáralind og ég var næstum dáin úr þreytu svaf þegar heim kom frá 17.30-20.30 og staulaðist þá loks á lappir. Já - ég hitti Dísellu í Smáralindinni í gær. Hún er svo elskuleg og falleg stúlka og söng svo flottan tangó í Eurovision sem ég meira að segja kaus tvisvar en ekki var það nóg á móti 70 þús atkvæðum Silviu NÆTUR (hvað segið þið um að beygja nafnið N'OTT eins og orðið N'OTT) . En Dísella er svo falleg og glæsileg söngkona - hún átti auðvitað að vinna finnst mér. Annars er þetta svo bjálfaleg keppni að það er fínt að Sylvia tekur að sér að fara. Ja hérna eins og þetta skipti einhverju máli.
Mér er sagt að ég sé farin að líta betur út - það eru nú örugglega bara þessi (XX) kíló sem ég hef bætt á mig. Það klæðir eldri konur betur að vera svolítið feitar. En ég fékk mér sundbol um daginn. Hann er túrkísgrænn og það eru svona lítil blóm á honum sem breyttust í flennistór blóm þegar ég var búin að troða mér í hann. En túrkís er Kúbulitur Léttsveitarinnar svo mín ætlar heldur betur að taka sig út.

Nú er allt á réttri leið

2006-02-18T05:49:00.000-08:00

Þá er kominn laugardagur og ferlega langt síðan síðast. Svei ´mér ef það er ekki að verða heil vika. Hér er verið að horfa á BOLTANN og þá er upplagt fyrir þá sem ekki hafa áhuga á því að skrifa blogg eða e-ð álíka. Anna og Sigrún Ásta voru að fara en Atli varð eftir hjá föður sínum til að horfa á Liverpool og Manchester keppa. Það er dauft yfir þeim feðgum því mér heyrist Liverpool hafi forystu. Það er mikið stunið og andvarpað og athugasemdir um dómgæslu o.fl.
Það er gaman að þeir hafa gott af þessu eins og karlinn sagði forðum.
Í morgun var ég að kenna hjá endurmenntunarstofnun á námskeiði sem Sigfinnur sjúkrahúsprestur hefur umsjón með. Þar var ég að
tala um endurminningavinnu með öldruð'um. Þetta gekk þrælvel, skemmtilegur hópur lifandi og með á nótunum. Mér finnst svo gaman að kenna svona fólki. Um daginn var ég hjá sjúkraþjálfurum og það var líka mjög gaman. Svo er búið að biðja mig að halda fyrirlestur um húmorinn fyrir blindar konur. 'Eg þarf að setja mig í stellingar fyrir það, ég er svo vön að vera með power point þannig að ég þarf að hugsa það dæmi upp á nýtt.
Ég var hjá Martin rafveitustjóra í gær. Við ákváðum að fresta aðgerðinni um sinn þannig að ég fer ekki í aðgerð 13.3. eins og til stóð. Ég ætla að reyna að ná mér betur á strik og jafna mig eftir öll sýklalyfin og það drasl áður en ég fer aftur. Annars er allt upp á við núna hjá mér. Ég er öll að hressast en á þó sodið í land enn svo nú er bara að taka á því svo ég komist með til Kúbu með Léttsveitinni. GAAAAAAAAAAAAAAAAAAAAAAMAN

Af hækkandi sól og klósettpappír

2006-02-14T01:47:00.000-08:00

Nú er ég bara hress og kát. Vaknaði í morgun og fanmn að einhver kraftur var í mér sem ég hef ekki fundið fyrir lengi. Hvarflaði að mér að fara í sund. En ég veit ekki hvort verður af því. Fer alla vega í göngu. Elín kom hingað í gær og dreif sig með mig í göngutúr. Hótaði mér að gera það á hverjum degi. Það gerði mér gott hlýtur að vera. Svo er ég hætt á fúkkalyfjunum og það er nú aldeilis til bóta. Það er sem ég segi dagurinn lengist og það er vor í lofti og allt upp á við - ætli það ekki bara.
Ég hitti Sössu og Úggu Spánarfara í gær. Þær kíktu til mín hressar að vanda
Í gær fórum við gylfi á námskeið um Kúbu hjá endurmenntun. Það byrjaði vel Stefán Guðm. var með innlegg í gær svo koma fleiri fyrirlesarar.
Nú var ég að fá tilkynningu frá kórnum að við ættum að fara að selja klósettpappír og eldhúsrúllur. Vantar ykkur sem þetta lesið ekki góðan pappír til að þurrka ykkar litlu bossa eða eldhúsborð þegar sullast niður þar. Ég skal selja ykkur ef þið látið mig vita.
Ekki meira í bili - enda alveg nóg.

KLUKK

2006-02-09T02:12:00.000-08:00

Svo er í tísku svona klukk hjá bloggurum Þá á maður að upplýsa hitt og þetta um sjálfan sig.
Silla Léttsveitarmey klukkaði mig og ég svara þessu svona:

4 vinnur sem ég hef unnið um ævina:
Veitingaskálinn við Gullfoss var 12 ára og aðstoðaði við ýmis störf 1. alvöru vinnan mín.

Walz und Dehm Berghausen Þýskalandi Vann í bókhaldinu ásamt Elínu og við vorum alltaf að leita að villum sem við ekki fundum enda kom í ljós að einn starfsmaðurinn stal svo ægilega frá fyrirtækinu og fiffaði það í gegnum bókhaldið. Hann hjálpaði okkur samt að leita að villunum.

Psykiatrisk Hospital i Risskov i Danmörku 1. vinnustaður minn eftir að ég útskrifaðist sem iðjuþjálfi vann þarna í 4 ár.

Reykjalundur vann þar í 16 ár þar af 14 sem yfiriðjuþjálfi. Já maður hefur svo sem verið boss á aðal endurhæfingardeild landsins.

4 bíómyndir sem ég get horft á aftur og aftur:
Big chill
Stella í orlofi
Kórinn
Gaukshreiðrið

4 staðir sem ég hef búið á: Reykjavík, Karlsruhe, Árósar, Mosfellssveit

4 sjónvarpsþættir sem ég fíla: Idol, Lost svo verð ég að fara aftur í fortíðina Matador, Eastenders

4 staðir sem ég hef heimsótt í fríum: 'Italía, Sri Lanka, Nepal , Grikkland

4 síður sem ég skoða daglega:Pétur í Kaupmannahöfn, næstum daglega Nína Sigurrós og Sigrún Ásta, Léttsveitarkrónikan

Fernt matarkyns sem ég held upp á: Lambalæri, sveskjugrautur með rjóma, thailenskir kjúklingaréttir og grænmetisréttir sem aðrir en ég sjálf elda

4 staðir sem ég vildi helst vera á núna: Á Landakoti í vinnunni, í sumri og sól í Ástralíu, á skíðum í Ölpunum á Ítalíu og Súmötru

4 bloggarar sem ég klukka: Pétur, Helga í Ve, Karla og Hjalti

Heilsufar og hagfræði

2006-02-09T01:25:00.000-08:00

Ég espast öll upp við jákvæðar athugasemdir frá öllu þessu yndislega fólki og nú er ég svei mér til í að skrifa aftur. Eins og Anna Bentína sagði þarf maður ekki endilega að vera e-ð eilíflega hress og kátur. Það er enginn svoleiðis. 'Eg er ennþá hérna heima í mínum lufsulátum og ekkert sérstakt á dagskránni - svoleiðis. Nema auðvitað það að ná sér á fyrra strik og það er sannarlega stórverkefni. Nú er stór dagur á morgun -ég hætti loks á þessu viðurstyggilega sýklalyfi sem ég er búin að vera taka í 1 mánuð og fyrir þann tíma fékk ég það beint í æð svo þetta er orðinn ansi langur tími í heljargreipum hinna ýmsu sýklalyfja - alveg frá því fyrir jól. Það hefur örugglega haft sín áhrif og ekki bara læknað mig af pöddum heldur líka dregið úr mér allan mátt. En nú er það bara upp á við eins og sólin. Daginn er farið að lengja og lundin að léttast.
Það getur verið að ég fari á Reykjalund í smá yfirhalningu ég hefði auðvitað ægilega gott af því svo er ég hjá henni Svövu í Umhyggju sem er kórvinkona mín og stingur mig með orkunálum (nálastungumeðferð) og nuddar mig.
Í fyrradag var kóræfing og það hleypir alltaf krafti í mig að fara þangað. Það er kominn mikill Kúbu fílingur í kellurnar. Og María ballerína komin úr uppskurði og svona líka fín og falleg eftir uppskurðinn.
Ég fór í Debenhams á síðasta degi útsölunnar og keypti mér 4 pils það var nefnilega miklu ódýrara en að kaupa sér 3 hvað þá 2. (eruð þið hissa á að ég var í Versló og kannski minna hissa á að ég rétt skreið í hagfræði) Þetta var svona kúbupils sem eru komin úr tísku skræpótt og létt - á vetrarútsölu abb babb babb greinilega ekki í tísku lengur. Fékk 4 á 4500 þvílík kostakjör. En málið er þau eru öll nógu stór - en það er lítið um svoleiðis í mínum fataskápum núna.
Ég fór í beinþéttnimælingu (þið sem eruð yngri vitið ekkert hvað það er) og fékk að vita að beinin væru alveg í þokkalegasta lagi. Vegna heilsufarslegra ófara minna undanfarið varð ég eiginlega alveg hissa, ég bjóst nefnilega við að mér yrði tilkynnt að þau væru um það bil að hverfa. Ég ætlaði nú ekki bara að segja frá því heldur var mæld fituprósentan og hún var alveg í öfugu hlutfalli við hagfræðieinkunnina mína. Glöggir lesendur munu átta sig á hvað það þýðir en hinir munu vaða í villu og reyk. Ekki eitt orð meira........

Det var dengang.......

2006-02-08T04:51:00.000-08:00

Nú má ég til með að skrifa. Ég verð að vera góð og gleðja þá sem nenna að lesa bloggið og hafa haft á orði við mig að þeim finnist ég ekki nógu virk í blogginu. Þannig að ég má til að skrifa smá áður en aðdáendur mínir hætta gersamlega við mig. Svo skrifar Anna Matta að ég sé góð fyrirmynd........ Það er nú einmitt málið. Mér finnst ég alltaf þurfa að vera frekar hress og jákvæð þegar ég blogga. Og ég hef ekki verið neitt sérlega hress undanfarið svo ég hef látið þetta eiga sig.
Sjálfri finnst mér svo gaman að lesa bloggið hans Péturs míns frá Kbh. Lýsingar hans á nýja lífinu í Kbh. eru svo skemmtilegar, allt er svo nýtt og spennandi. Minnir mig á þegar ég var ung og upprennandi að koma mér fyrir í gamla húsinu á Thunögade í Árósum þar sem ég bjó ásamt 5 dönskum hippum. Hver hafði sitt herbergi og svo var sameiginlegt húshald sem oft á tíðum var mjög skrautlegt. T.d. ætlaði einn gestur okkar að fá sér sykur úr sykurkarinu tók lokið af og þá hoppaði heimilisdýrið Nikolaj upp úr karinu gesturinn fékk meiri háttar sjokk. En Nikolaj var hamstur ekki köttur eða skógarbjörn. Við gamla húsið var stór garður með fullt af trjám og ég man daginn sem ég kom og bankaði upp á að fuglarnir sungu eins og þeir ættu lífið að leysa. Mér leist strax vel á þetta allt saman m.a. fólkið sem þarna bjó og því leist sem betur fer á mig og ég flutti inn. Þeim fannst best að kalla mig Heklu og ég var aldrei kölluð annað í þessu húsi og af fólki sem þekkti mig þaðan. Á dyrunum stóð bara Hekla og mynd af eldfjalli síðan stóð í sviga fyrir póstinn mitt rétta nafn - skrifað með pínulitlum stöfum.
Það var fljótlegt að flytja inn. Ég átti eina dýnu og nokkra ölkassa. Það var skápur í herberginu og svo fékk ég lánað lítið borð sem var notað sem skrifborð. Ég man að ég saumaði voða flott skræpótt efni yfir dýnuna svo hún var undur falleg. Þarna bjó ég svo í 2 eða 3 ár og þar var sko oft fjör í kringum fóninn eða þannig sko.
Er ekki bara ágætt að rifja upp gamla góða tíma þegar ekkert sérstakt er að frétta úr núinu?!!

rigningarþankar í febrúar

2006-02-01T02:28:00.000-08:00

Þá er kominn febrúar og ég bara að lufsast ennþá. Ekki farin að vinna því ég hef hreinlega ekki heilsu í það. Eymingja LSH að hafa svona manneskju í vinnu sem ekki mætir mánuðum saman. Hefði ég ekki fengið þessa fáránlegu sýkingu væri ég komin á fullt er ég viss um í vinnu og öllu hinu. En ég er svo "lukkuleg" að vera ein af 0.04% sem hafa fengið sýkingu af þeim sem hafa farið í aðgerð í Lundi. Jógakonan sem ég hitti um daginn (Jógi björn dettur mér í hug - alltaf svo fyndin) sagði að það væri ekki lagt meira á mann en maður þyldi svo ég hlýt að þola þetta!! Svo sagði hún að maður ætti aldrei að hugsa - bara ef....... eða ef ég hefði gert svona eða sagt svona þá hefði þetta ekki skeð.......... Ussu suss aldrei að hugsa svona - muna það.
Ég er farin að fara í göngutúra einn á dag. Var miklu þreyttari eftir fyrsta túrinn en þriðja sem ég fór í dag. Þær hringdu í mig vinkonur mínar og drógu mig með sér, fyrst Kolla -nýkomin frá Chile svo brún og undurfríð, síðan Búdda úr Mávahlíðinni svo mjólkurhvít og falleg og í dag Gerða með sitt kobarlita hár og fallega svip. Svo er ekkert að vita hver kemur á morgun og dregur mig út.

Ég á von á Krissu frænku minni sem er fæðingargjöfin hennar Guðnýjar systur hennar. Þær systur langaði svo að hittast og Krissa sem býr í Dk var náttlega staurblönk eins og námsmanna er háttur og okkur datt í hug að gefa Guðnýju að hún kæmi. Guðný var mjög ánægð með það að fá Krissu í gjöf svo við Guðm. og fjölsk. og mamma slógum til. En nú er hún að fara aftur út. Skyldan kallar eins og pabbi sagði alltaf þegar hann langaði á barinn.
Í gær fór ég sum sé á joganámskeið, síðan átti ég svo góða stund með nýbökuðum afa og ömmu vinum mínum Gunnari og Ernu og fékk svo fínan mat hjá þeim að ég neyddist til að koma of seint á kóræfingu. En það var bara ekki hægt að standa upp frá þessum kræsingum fyrr en ég var næstum búin að éta allt saman - og enn styttist í fatakaup í seglagerðinni.
Nú ætla ég að umskrifa Salsanon sem á að nota sem skemmtiatriði á kóraskemmtun á föstudagskvöldið - annars er það svo gott hjá honum Gylfa að það þarf og má bara ekki breyta því mikið. Svo þarf ég að ljúka við að undirbúa fyrirlestur fyrir sjúkraþj. Svei mér ef mér finnstþetta ekki bara gott fyrir mig, þá finnst mér ég vera að gera EITTHVAÐ. Svo hringdi Sigfinnur prestur og bað mig um að vera með fyrirlestur á sálgæslunámskeiði um miðjan feb. það var mjög fínt. Þá verð ég líka búin á pöddulyfinu og örugglega orðin eldhress. Þá mun ég veifa gúdddbæ pöddur og lyf- halló nýtt líf. Og þá dettur mér í hug (eins og konan sagði forðum) þegar Bítlarnir sungu I say goodbye and you say hello. Nei ég segi nú bara sí sona

aftur á uppleið

2006-01-29T14:44:00.000-08:00

Mér líður miklu betur eftir að ég vissi að ekkert lægi á að fara í þennan hjartauppskurð. Það hefði bara verið of mikið í bili. Nú þarf ég bara að fá leyfi til að hætta á sýklalyfjunum og þá fer þetta allt að koma aftur vil ég trúa. Þá fer ég að byggja mig upp og hressa mig á allan hátt. Svo verð ég að fara í megrun - reyndar í fyrsta sinn á ævinni sem ég VERÐ að gera það. En ég ætla ekki nefna neinar tölur en ég segi bara ef svona heldur áfram þarf ég að fara í seglagerðina Ægi til að kaupa mér föt næst þegar mig vantarr e-ð. Ég er að vísu hætt að fikta við tóbakið, en það er ekki bara það sem veldur þessari geysilegu ummálsaukningu það var byrjað áður. Það er ótrúlegt aðfyrir síðustu páska var ég á REykjalundi og þá var ég svo horuð að þær vildu láta mig á næringardrykk!!! 'Eg segi það alveg satt.
Ég er farin aðhugsa um næstu verkefni: fyrirlestur á starfsdegi sjúkraþjálfara á föstudaginn- það verður örugglega allt í lagi mér þykir nú svo vænt um þá stétt - allir sj.þj. sem ég þekki alla vega alveg úrvalsmanneskjur- svo þetta verður ekki svo mikið álag. Ég hef oft talað um þetta áður "Húmor í meðferðarstarfi" minnir mig það heiti. Þá um kvöldið er ég hálfpartinn búin að lofa skemmtiatriði á e-u kórakvöldi, er með dáldið í huga stolið og stæltt frá Gylfa mínum....... Ekki vön að gera svoleiðis en þeetta er svo assgoti gott hjá honum. Sem sagt: Er að hressast.

Ma corazon

2006-01-27T11:49:00.000-08:00

Ég er ein af o.o2% Íslendinga sem EKKI er að horfa á landsleikinn Ísland Danmörk svo það er best að nota tímann á meðan pizzan er í ofninum og skrifa á bloggið. Ég þarf líka að leiðrétta svolítið. Þeir sem slysuðust til að hringja í gær hittu mjög illa á mig og þessi skilaboð eru ekki síst til þeirra. Ég var nefnilega í léttu sjokki í gær eftir að hafa farið og talað við hjartalækni í gær eins og þeir fyrirskipuðu í Svíþjóð. Þið sem eruð gamlir lesendur munið kannski þegar til stóð að hætta við aðgerðina frægu vegna hjartaklúðurs. Og ég fékk fyrirmæli um að láta ath. þetta þegar heim kæmi. Svo þegar heim k0m upphófst ballið. Ég var send tvisvar í sneiðmynd án nokkurra skýringa (bara ÞEIR vilja þetta!!) Svo ég hringdi í minn sérlega sérfræðing sem kom af fjöllum og var ekkert inn í þessu. Í stuttu máli enduðu okkar samskipti í gær þannig að hann sagði að ég yrði að fara í hjartaaðgerð. Og það fyrr en seinna að því mér skildist. Þá var mér allri lokið og ég lagðist á gólfið ogbreiddi yfir mig gólfteppið og fór eins langt niður og hægt var. Ég gat ekki meira - og ég þessi félagslynda kona rak eina vinkonu mína sem kom í heimsókn heim, skellti símanum á aðra eða tók hann ekki og annað í þeim dúr Af þessu má sjá að það var ekki mikið eftir af "hinni gömlu góðu Bimbu". Ég fór ekki að hitta gamlar vinkonur eins og til stóð sendi bara boð um að ég ´kæmi ekki, fór á kóræfingu og var þar í fídonsfýlu og fannst allt leiðinlegt - meira að segja Léttsveitin og þá er nú mikið sagt. Ég sá að ég mundi ekki komast með til Kúbu (við erum sko á leið til Kúbu í apríl) og það þótti mér all sl æmt. Meðan á þessu fýlúkasti stóð hringdi Sassa mín frá Valencia og henni tókst að lyfta gólfteppinu og við meira að segja hlógum saman.
Þvví líkt og annað eins. En svo hringdi hjartalæknirinn þessi elska í morgun og sagðist vera kominn með myndinrnar af mínu undarlega corazon (held það sé skrifað svoleiðis) og sagði að það hastaði ekkert að grípa inn strax. Mikið létti mér - ég skal nefnilega segja ykkur að það er um meira en nóg að hugsa núna þó þetta hefði ekki bæst við. SVO :den tid den sorg. Og ég ætla bara að láta mér nægja aða hugsa um hvort ég á að fara í aðgerðina í Lundi eður ei.
Þetta blogg er að verða ein alls herjar sjúkdómslýsing og er nú mál að linni en ég skuldaði svo mörgum sem höfðu samband í dag eða gær útskýringu.
Ég var að horfa á IDOL. Við erum alveg "hooked" á því hér í fjölskyldunni og hver á sinn uppáhalds keppanda. Nú erum við að bíða eftir niðurstöðu úr vali þjóðarinnar........ Nei ég vildi aðeins nefna það svo það sé ljóst að líf mitt snýst ekki bara um hjörtu og lifur og heila (gfiski) - smá brandari.
Pétur er kominn með blogg frá Köben =crazy-p.blogspot.com Allt virðist ganga vel hjá honum alla vega enn - hann er nú bara að chilla ennþá og ekki byrjaður í skólanum.

Ég ætla að skrifa handbók um sjúklingshlutverkið þegar þetta fer að lagast. GUðm. DAn. rithöfundur skrifaði metsölubók í gamla daga sem hét Spítalasaga minnir mig . Kannski gætit ég skrifað handbók með upplýsingum og góðum ráðum..........

ekki mikið að gerast

2006-01-24T15:25:00.000-08:00

Við gömlu græjurnar fylgdum syni okkar til Keflavíkur í myrkri og sudda eldsnemma í morgun eða í nótt.Hann var með 2 töskur fullar en það síðasta sem var pakkað voru jakkaföt -það er nú þroskamerki að taka þau með þó það hafi verð á elleftu stundu. Kveðjustundin tók fljótt af Oddur var farinn að bíða. Og svo horfðum við á eftir þeim félögum inn í gegnum hliðið.
Jæja þá er hann farinn að heiman í bili.
Dagurinn minn fór svo í þetta venjulega, tók svolitið til - ekki mikið. En það verður þó að teljast fréttnæmt að jóladótið er að mestu farið inn í e-a skápa. Svo tók ég þá ákvörðun í samráði við Hildi Viðars lækni og vinkonu mína að reyna að fara að byggja mig upp. Inga Stef. kom að kveðja migþví hún er að fara til Ítaliu á morgun og eftir að hún fór fórum við Sigríður Margrét í smá trimm niður í Spútnik og Kron að kaupa skó á útsölu Það var ótrúlega margt flott í Spútnik æðislegir kjólar t.d.
Eftir allt þeetta varð ég auðvitað aða hvíla mig svo ég yrði í formi kóræfingunni en þangað fór ég sum sé og fékk auðvitað ótrúlega mikið út úr því.
Nóg í bili

Kært barn hefur mörg nöfn

2006-01-23T15:20:00.000-08:00

Kæru þið sem skrifið mér. Mikið óskaplega finnst mér gott að heyra í ykkur. Takk takk, það er e-ð svo mikils virði alveg sama hvort þið kallið mig Ingibjörgu eða Bimbu eða Bims eða gög eða Rap eða hvað sem hefur verið skrifað í gegnum tíðina - munið að kært barn hefur mörg nöfn (er ekki einhver málsháttur svona eða er þetta bara samið á staðnum )- alla vega yndislegt að heyra frá ykkur.
Ég er soldið melló núna (melló=melankólísk) nú er Pési minn að halda út í hinn stóra heim í nótt. Ég var að setja fjölskyldumynd í ramma og ætlaði að fara að setja fleiri myndir í ramma en hann stoppaði mig af -yfirvigt you know. Sem betur fer er hann bara að fara tl KBH og þar býr hans undursamlega trausti og góði bróðir Hjalti og hans frábæra spúsa Linda ásamt henni Nínu Sigurrós og nú skortir lýsingarorð............ svo það mun ekki væsa u m drenginn. En hvernig skyldi húshaldið verða hjá mínum - hann er ekki sérlega vel uppalinn í þeim efnum þessi ljúfur þó hann sé með blíðari og skapbetri mönnum sem ég þekki, það er líka mikilvægt.
Já svei mér ef hann er ekki bara mjög vellukkaður

2006-01-23T01:54:00.000-08:00

það er kominn mánudagur og sunnudagspistillinn sem hét sunnudagsblús og var allur dáldið í þeim dúr lenti e-s staðar og týndist. Týndist er skrifað með ybbbsilon ef það er dregið af tjón svo ég veit nú ekki alveg hvort það ætti að nota y í þessu tilfelli eða bara i.
Það er helst að frétta að hún Guðný stórfrænka mín eignaðist þennan líka fína strák í gær. Hann lét reyndar móður sína hafa af skaplega mikið fyrir því en það hafðist og strákurinn er yndislegur. Þetta var fyrsta barn unga parsins og ég óska þeim báðum hjartanlega til hamingju.
Nú er Pétur minn að leggja í hann á morgun og fer til Kaupinhafnar í nám í margmiðlunarhönnun. Sko mig bara búin að læra það. Þannig að nú verðum við bara 3 í kotinu næstu mánuði a.m.k. Það vill til að Gunnar tengdó er hér svona af og til eða svoleiðis. Svo notalegt að hafa hann.
'Eg undirrituð er óttaleg lufsa núna, alltaf þreytt og óupplögð. Ekki lík sjálfri mér og þetta hentar mér afar illa. Þess vegna er ég ekki beint í skriftarstuði og bloggið því með leiðinlegra móti. Nú fer ég í blóðprufu í dag og reynt verður að rekja þetta óstuð til einhvers þá verður kannski hægt að koma mér aftur í gott stuð.

2006-01-21T00:50:00.000-08:00

Nú má ég til að skrifa svolítið svo við glæsihjónin hættum að blasa við ykkur sem nennið að lesa bloggið. Nú eru komnir þrír dagar síðan sidst. Ég man þegar ég var að reyna að skrifa dagbók í gamla daga Þá gengu megnið af skrifunum út á að afsaka skriftartregðuna: Kæra dagbók fyrirgefðu hvað það er langt síðan ég hef skrifað en ég hef haft svo mikið að gera í skólanum.....
Það er nú ekki meining mín ð bloggið verðir svoleiðis.
Var ég búin að segja ykkur að ég er hætt að reykja - já síðan í Svíþjóð. Og enginn sér mér bregða, þetta er ekkert mál - ég hef svo oft prófað það eins og einhver sagði. Nú er bara að taka einn dag í einu..
Nú er það nýjasta aí stöðunni hvort ég ÞURFI að fara út aftur í aðgerð. Ég er ekki svo mikið lakari svona á hálfum straum og gamla viðurstyggpin lætur lítið á sér kvræla. Nú ætla ég að ljúka sýklakúrnum og taka ákvörðun eftir það. Þetta er auðvitað alveg nýtt í stöðunni og við Martin ætlum að hugsa málið. Það er kannski engin ástæa að vera að leggja þetta á sig ef það er ekki alveg nauðsyn.
Guðný yfirkrúttfrænka mín var að eignast strák í morgun, 12 merkur. Voða nettur miðað við tröllin í þessari fameliu.
Ég er nú ansi syfjuð og byrjuð að skjrifa e-ð bull svo ég ætla að fá mér kríu núna

Hafið þið séð glæsilegri hjón?!

2006-01-18T15:21:00.000-08:00

Ýmislegt í farvatninu

2006-01-18T14:13:00.000-08:00

Mig langar svo að setja myndir á síðuna mína en ég kann ekkert á þetta, ég get bara skrifað. Þetta er eins og að keyra bíl og kunna bara að fara beint áfram.
Við Dóra vinkona mín fórum í bæinn í morgun. Fórum fyrst saman á Borgarspítalann hún á hækjum og ég ekki á hækjum en ýmsu öðru!! Svo á eftir fórum við í morgunkaffi í Kringluna og síðan ráfuðum við gömlu vinkonurnar um og kíktum í búðarglugga - sem endaði á að éeg keypti mér ósköp venjulegt svart gallapils nr. xxxxxxxgrandelarge svo ég geti verið í flottum sokkabuxum sem sjást eins og hún Gyða Léttsveitarvinkona mín. Það kostaði 2500 á útsölu svipað og 2 l mjólk og e-ð örlítið meira.
Eitt og annað er framundan hjá mér. T.d. bauð leikfimihópurinn minn gamli mér í salatveislu annað kvöld sem ég auðvitað mæti í, svo ég læri að gera salöt og annað hollt. Við Gylfi erum boðin ´´a frumsýningu á karlaleikriti annað hvort á fö. eða lau. og síðan ætlum við Freyja o.fl. að reyna að komast á Eldhús eftir máli sem á að vera svo voðalega skemmtilegt. Það er nú allt í lagi að sitja í leikhúsi þó maður sé ekki alveg í toppformi
Skrýtið hvernig dagarnir hríslast frá mérog ég geri nánast ekkert að gagni. Ég held það verði bara að hafa það og hana nú.
En nú þarf ég að fara að undirbúa 2 fyrirlestra og skrifa grein í afmælisrit IÍ svo það svo sem alltaf e-ð sem rekur á fjörur mínar.

Ég er að hugsa um að láta eina og eina smásögu fljóta með: Það var einu sinni gömul kona sem bjó á elliheimili sem sagði við son sinn að hún hefði ekkert borðað í 8 daga. Syninum krossbrá við þessi tíðindi og spurði hvernig stæði á því. "Nú ég vildi ekki vera með munninn fullan af mat ef þú myndir hringja í mig".
Jamm

Kóræfing

2006-01-17T21:32:00.000-08:00

´Ég var búin að skrifa hér heilan pistil um kóræfinguna góðu sem ég fór á í gærkvöldi einhvern veginn tókst mér að þurrka það allt út , það er ótrúlega pirrandi en nú byrja ég upp á nýtt:
Það er sagt að það sé allra meina bót að syngja, ég trúi því. Ég ákvað að fara á kóræfingu í gær þrátt fyrir að ég væri hálf illa upp lögð og hafði ekkert náð að hvíla mig allan daginn - eins og ég þarf að gera um þessar mundir því sýklalyfjakúrinn fer þannig með mig. En sem betur fór lét ég það ekki á mig fá.
Fór bara í feitabolluföti n frá Bibbidíbabbidí -búðinni frá Lundi, skellti slæðu yfir skallann og lagði í hann. Ragnheiður Margrét þessi elska kom að sækja mig og við héldum upp á Langholtsveg. Þar upphófst mikið kossalæti og faðmlög - yfir 100 faðmar tóku á móti mér svo hlýir og góðir:)
Svo var farið að syngja. Hróðmarslög og Jónasarlög Atla Heimis. Þvílíkt eyrnakonfekt og svo gamana að kunna dáldið mikið frá því síðast. Í fyrra þegar við vorum að æfa Hróðmar hefði ég ekki trúað að mér þætti gaman af syngja þessi lög með tilheyrandi drungalegum textum. Þetta eru ótrúlega mögnuð lög sem Kúbverjar munu örugglega fíla!
Svo voru það Jónasarlög Atla Heimis sem voru í einu orði sagt dásamleg svo létt og skemmtileg´með flautinu og tilheyrandi öðrum krúsindúllum.
Svo var svo gaman að hitta óvænt gamla skólasystur og vinkonu Völu Hallgríms á æfingunni sem var þá nýbyrjuð í Léttsveitinni.
Já nú fer að styttast í Kúbu. Kórinn fer seinni part apríl þangað og mig langar óskaplega með og vona sannarlega að við Gylfi getum látið verða af því en í þetta sinn fara margir makar með.
Svo ef vel gengur í Svþíþjóð í þetta sinn þá munum við hjónin sveifla okkur í villtum salsatakti á Kúbu í vor!!!!:):)

Sem sagt ég var eins og ný manneskja eftir að hafa farið á Léttsveitaræfingu- engar kvíðastillandi töflur fyrir mig bara Léttsveitin.

Svo og svo og svo - flestar setningar í þessum pistli byrja þannig mér er e-ð svo mikið niðri fyrir og langar að segja svo margt ................

Hvað sem því líður þá var það dásamleg tilbreyting frá öllu spítalastússinu að fara á Léttsveitaræfingu- mæli með því, það er ekki spurning það flýtir fyrir bata:)

2006-01-15T13:46:00.000-08:00

Það hefur verið mikið hringt í mig af þeim sem lesa bloggið og ég spurð útí hvernig þetta verður allt saman í framhaldinu.. Ætli sé ekki best ég renni yfir það núna:
Ég er á sýklalyfjakúr í 1 mánuð og síðan verð ég án sýklalyfja í annan mánuð. Þá á að tjékka á mér og síðan verða tækin sett aftur í mig hægra megin. Það mun gerast 13.3. og þá verður maður bara að vona að allt gangi vel í það skiptið. Það mun verða alveg jafn áhættusöm aðgerð þó það verði ekki borað heldur farið inn um gömlu "götin". Sú aðgerð mun taka amk. 8 klst. og þá er ég hrædd um að ég þurfi alveg sama stuðning og síðast. Þetta leggst ekki svo vel í mig, raunar er ég ansi kvíðin. Í þetta sinn fer Einar Gylfi með mér, þar sem það er svo góður fyrirvari að hann kemst án þess að riðla starfsemi "Lífs og sálar"!! Og þá er bara að vona að allt gangi upp hjá mér greyinu, en það eru alveg sömu möguleikar á því og síðast.
Það eru ekki miklar líkur á sýkingum ég er 4. tilfellið frá upphafi sem lendi í þessu og þeir eru búnir að skera þúsund uppskurði. Alltaf svo sérstök og heppin.

Eins og nærri má geta er upprisuhátíðinni frestað þannig að hún verður ekki þ. 25 feb. eins og planað var. Ég var búin að fá mörg skemmtiatriði og það var allt í full swing hjá mér í sambandi við undirbúninginn og allt útlit var fyrir stórveislu en það verður sumsé ekki fyrr en seinna. En þá verður sko gaman.

Á morgun fer ég á BSP/LSH í FOssvogi og stálþráðssaumarnir verða fjarlægðir og það verður mikill léttir því þeir trufla svo nætursvefn minn því þeir standa út og það er svo óþægilegt.,Já þið heyrið kannski á mér að ég er hálf svekkt og spæld út af þessi öllu en ég verð að halda í vonina og reyna að bera höfuðið hátt. Einss og e-r sagði í sinni ath.semd: Spýta í lófana og .............. taka svo í höndina á næsta manni

Af lestrarhestum og lesblindum

2006-01-14T15:48:00.000-08:00

Búin að taka upp úr töskunni en ekki gert mikið meira en það. Ekki munað eftir anti-sosial pillunum mínum , ég verð að segja eins og er ég finn þær ekki nokkurs staðar.
Þannig að ég er oft í félagsskap vinkvenna minna og það finnst mér gaman. Svo legg ég mig bara mitt í öllu saman og fæ mér kríu.
Pési minn er núna að halda kveðjugilli í kvöld á Rauða ljóninu ásamt vinum sínum, hann er á förum til DK. Hann ætlar að fara að læra margmiðlunartækni eða e-ð í þá áttina í Kaupmannahöfn. Gylfi erí jólafrokost með saumaklúbbnum sínum og Sigríður á Rauða ljóninu í kveðjugillinu Krökkunum finnst ægilega hallærislegt að segja "gilli" mér finst þetta hins vegar vera hið ágætasta orð sem er auðvitað upprunnið í dönsku. Lilla og Fríða voru hér og vi' höfðum það náðugt átum súkkulaðiköku (dajmkökuna frægu) agalega góð.
Ég sef ekki mjög vel um þessar mundir þannig að ég eyði oft hluta næturinnar í lestur. Ég erað lesa ágæta bók um Hey ég man ekki alveg hva hún heitir og nenni ekki að standa upp og gá. Ætli hún heiti ekki bara hey babba lúla sís mæ beibí. Svona bók sem ég á gott með að skilja. Var að ljúka við Steinunni Sig "Sólskinshestinn" Þótti hún frekar leiðinleg. Við Gylfi hittum Vésí í Hagkaupum um daginn og þá fóru lestrarhestarnir alveg á flug yfir öllum bókunum sem þau höfðu lesið um jólin -HAllgrími Helga o. fl. Ég sem les bara 2 línur á kvöldi af því þá get ég ekki meira
og sofna hafði ekki mikið til málanna að leggja og stóð bara og boraði í nefið á meðan þau töluðu um snilld Hallgríms og Rokland o.s.frv. Hver veit nema lesblinda hrjái mig og þess vegna er ég lengi að lesa finnst mér sumar bækur ekki sérlega skemmtilegar, Æi ég geri mig nú vitlausari en ég er en það verður að vera e-ð fúttí þessu svo e-r nenni að lesa.
Kær kv. Bimba

aftur heima

2006-01-13T10:25:00.000-08:00

Komin heim í Heiðardalinn, er frekar andlaus og slöpp af öllu þessu sýklalyfjaáti. Svo nú er þannig komið fyrir mér að ég nenni ekki að skrifa.
Þetta á eftir að lagast. Allt er á uppleið. Eftir að hafa hangið í símanum í allan morgun og talað við lækna og annað fólk keyrði´Fríða mig út i búð. Þegar heim kom lagði ég mig aðeins og missti af Söru sem kom rétt á meðan og athugaði ekki að taka í hurðina og opna. (Ekki veit ég hvenær Sara varð svona hæversk.) Munið að sth. hvort þa ð er opið ef Þið komið, stundum sef ég svo fast að ég heyri ekki. Eins að láta símannn hringja dáldið lengi ég er oft svo lengi að standa upp og auk þess er ég oft lengi að finna símann.
Sara ætlaði að aðstoða mig en slapp fyrir horn með það´!!
Í kvöld verða algjör rólegheit bara borða kjúkjlingaleggi og salat í kvöldmat og horfa á Idol. Kannnski borða hjónabandsælu frá Myllunni og drekka ísskalda mjólk með.

a Kastrup

2006-01-11T10:47:00.000-08:00

Buinn ad vera erfidur dagur med veikan maga med tilheyrandi veseni.
Urdum enn ad fresta ferd okkar heim fra hadegi fram a kvold. Geysi god thjonusta Binnu fulltrua Flugleida gerdi okkur thetta fært. Takk. Binna og Flugleidir
Nu erum vid a Kastrup og thad versta buid en thad var ferdin til Kastrup fra Lundi i lest og leigara og lyftum og 2 jafanfljotum. Thad var allt i steik a deild 26 thegar vid ætludum ad fara i dag. Stig haf di miklar ahyggjur af thessari samsetningu STEINSMUGA/FLUGVEL, fanst thad eiga illa saman. En vid sogdum einfaldlega UT VIL EK tho thd hafi ekki alltaf gefist vel , var ekki Snorri vinur vor Sturlu drepinn eftir ad hann sagdist vilja fara nei ekki er eg nu viss um thad hafi verid hann. Erlingur minn hvad segir thu um thetta.
Nu forum vid i flugvelina, Freyja er buin ad næra sig vel ad vanda en eg staualast um sarsvong og hjalparvana. Freyja segir ad hun verdi ad eta svona mikid vegna thess hvad hun er i erfidu hlutverki. Nu fer flugvelin ad fara og vid aetlum og komumst vonandi med
Astarkvedjur hlokkum til endurfunda. GØG og GOKKE

Karlinn með game-boyinn

2006-01-09T11:48:00.000-08:00

Rétt í þessu kom sjúkraliði og spurði gleðbeittur að svip "vil du fika". Ég hélt að manneskjan væri með e-n dónaskap en svo var nú ekki, það þýðir viltu kaffi eða e-ð að borða. Af þessu má sjá að skánska er mjög erfitt mál og ólógiskt og ekki nema fyrir gáfaðasta fólk eða mestu málaséní að eiga samskipti við fólkið hér.
Reyndar vitum við ekki alveg hvernig þetta er skrifað. En alla vega ætlum við ekki að fíka núna en ætlum heldur að fara að ráðum Erlings. Út af dotlu eigum við doltið í poka hérna við rúmið.
Í dag komu strákarnir doctor Stíg og doctor Hjálmar, rafveitusjórarnir sem ég hef oft talað um, hleyptu straumi á helminginn af mér og þið haldið kannski að helmingurinn af mér hafi stokkið af stað, en ég fór öll í gang, mesta furða hvað þetta var fínt hjá mér. Það var léttir að finna að ég gat gengið skammlaust, þó að ég sé ekki alveg eins og þegar ég var best. Þannig að við skunduðum í bæinn stöllurnar, vorum þar lengi dags enda í fyrsta skipti sem ég kemst út af þessu lazzaretti í heila viku. Við töluðum við Binnu flugmey og hún seinkaði ferðinni um sólahring hjá okkur þannig að við komum heim á miðvikudag. Ég verð víst að sofa hér í nótt og vera stillt fram eftir degi á morgun og figa hér.
Þegar við vorum komnar á spítalann og ég búin að sofna, ná úr mér mestu þreytunni og tala upp úr svefni við Freyju, þá stukkum við af stað og borðuðum á sjúklingahótelinu, þvílíkur munur. Á eftir fórum við inn á herbergi og ég prófaði nýju augnskuggana og ílmvatnið sem ég keypti í fríhöfninni og breyttist í eðalskvísu með nýjan silkiklút yfir víravirkinu í hausnum á mér. Ég varð að reyna að bæta útlitið "Er þetta dóttir þín", dynur á mér úr öllum hornum, hafiði heyrt annað eins? Eins og ég þessi unglingur geti átt hana Freyju. Þeir kunna sig ekki þessir andskotar, eina sem við eigum sameiginlegt er að við erum báðar svo laglegar. Stig hefur fengið aukaprik hann spurði hvort við værum systur, hann kann sig sá maður. Nú er nóg komið.

Það var einstakt fyrir mig (F) að horfa uppá doktorinn standa fyrir framan Bimbuna og fitla við e-h apparat , einna líkast game boy, prófa sig áfram með stillingar og láta hana ganga fram og til baka þar til hún gekk hnarreist eins og drottning. Ótrúleg þessi tækni og frábært að mennirnir skuli hafa vit á að nota hana í svona jákvæðum tilgangi.
Að lokum viljum við senda ykkur ljóð sem okkur barst í dag sem á vel við.

Dagrenning

Ef einn þú með sorginni situr
þú sérð hve dökkklædd hún er,
með brostin augu og bitur
og bágindin utan á sér.

Bjódd' enni bjartari klæði,
brostu til hennar hlýtt,
veittu svo voninni næði
til að verma allt upp á nýtt.

Unnur Sólrún Bragadóttir. Sambúð - Ljóð, 2005.

Kveðja frá lazzarettinu í Lundi
Bimba og Freyja

2006-01-08T12:05:00.000-08:00

Búið að taka mynd af aðal söguhetjunum á góðri stund en við kunnum ekki að senda. Búið að taka myndir af þursinum og starfsfólkinu sem okkur líkar best við.Svo erum við búnar að slá í gegn með brandaranum hennar Þórkötlu hur er leget, það þýðir ekki hvernig ertu í leginu. En mikið rosalega gerðum við mikla lukku með þessari sögu, liðið er óstarfhæft vegna hláturs og sjúklingar nýkomnir úr bakaðgerðum rífa upp saumana þegar þeir taka bakföll af hlátri svo við verðum bráðum reknar. Urðum að seinka heimferð um einn sólarhring, komumst vonandi heim á miðvikudag. Missum af kóræfingu en vonandi gengur það án okkar. Kveðja frá GOG og GOKKE sem eru fínar í leginu í Svíþjóð

2006-01-08T03:07:00.000-08:00

Þá er kominn nýr dagur, bjartur og fagur (er þetta ekki fínt hjá okkur Sigga Sig)? Glöggir lesendur munu átta sig á að hér er upphafið að ljóðabálk sem við erum að yrkja.

Nú verður vitnað í sjúkraskrár deildar 26
"Sjúklingur svaf vel í nótt, fékk óstöðvandi málæði milli 7 og 8 í morgun, talaði þó ekki við sjálfa sig. Hló síðan hátt og mikið spurning hvort hún er að verða manísk og ætti að auka við hana róandi lyfjum. Hlustaði á kórtónlist af geisladiski sem kætti hana mjög, söng með hástöfum, engin furða þetta var mjög góð tónlist, við verðum að útvega okkur hana hingað til Svíþjóðar, greinilegt að diskurinn hefur lækningamátt. "

Af þessu sjáið þið að mér líður betur, er ganska pigg, tekið skal fram að þetta er ekki sama orð og á dönsku.
Nú ætla ég bráðum að fara að klæða mig í borgaraleg föt og fá mér Hreindýrakálfskjöt úti á sjúklingahótelinu, nú er ég orðin svo hress að ég læt ekki bjóða mér þetta óæti lengur sem hér er á boðstólum. Við megum til með að segja ykkur frá nýju rituali sem við Freyja höfum komið okkur upp. Á kvöldin sest hún á rúmstokkinn hjá mér og les öll uppörvandi kommentin ykkar svo þegar ég fer að sofa hljóma þau í hausnum á mér. Þetta er á við góða kvöldbæn.
Ann Marie sem er í rúminu hér á móti, rúmlega sjötug kona. Hún segir að við skemmtum okkur svo vel við tölvusamskiptin að hún ætlar að tileinka sér tæknina, er búin að tilkynna fjölskyldunni það.. Sem sagt allt á uppleið í Svíaríki. Sylla, Kalli og krakkarnir biðja fyrir góðar kveðjur. Takk öll, fyrir uppörvandi og mannbætandi "komment" Kærar kveðjur GOG og GOKKE

Elsku Jón tengdó takk fyrir kveðjurnar þetta kemst allt til skila.